اتجه ادم إليها ليفحصها ويطمئن عليها لحسن حظها انها لم تأخذ اى شىء من الابره وقرر يزن أن يظل معها وكان حاءر من يريد قتلها ايعقل أن تكون والدته لقد اصبح فى حيره شديده طلب من ادم أن يظل معها ولكنه أخبره انها ستنقل لغرفه عاديه وبالفعل تم نقلها وفى الصباح بدأت تفيق ووجدت يزن يجلس ع كرسى جوارها ابتسمت له بضعف قبل راسها ودلف ادم وميار بصحبته قام بالكشف عليها وقرر تركها مع ميار ليتحدثوا سويا وطلب من يزن الذهاب معه لتركهم يتحدثون بحرية جلست جوارها بعد خروجهم......
#######
ميار ايه رايك ندردش سوا انا وانتى وسيبك من انى دكتوره ونكون أصحاب....
هزت راسها بالموافقه
ميار اتفقنا اولا تقدرى تكشفى وجهك مفيش حد معانا عاوزه اشوفك ع طبيعتك.....
شهرزاد اوكى بس عاوزه تعرفى ايه عنى فى الاخر انتى دكتوره يعنى بعد متعالج أو ادعى انى بقيت كويسه هتبعدى مفيش حد بيكمل معايا للآخر حتى بابا دايما مشغول ومسافر واخويا دايما مشغول ونجاة هانم أبعد ما تكون عنى يعنى عايشه لوحدى حتى الداده مشيت بسببها معنديش اصحابى مع الوقت بيمشوا واخترت العزله وبكره انتى كمان هتبعدى يارييت تكتبى ع خروج وترتاحى منى انا معقده......
ميار ليه بتقكرى بالطريقة دى ع الأقل فكرى فى اخوكى اللى سهران هنا طول الليل ورفض يمشى ويسيبك لوحدك وكمان والدك كان قلقان اوى عليكى وانا بوعدك انى هكون معاكى دايما ممكن بقى نتكلم كاصدقاء بلاش دكتوره ومريضه.....
شهرزاد انا دايما لوحدى بابا اتجوز خالتى بعد وفاة ماما وكنت يناديها ماما هى عمرها بعيده عنى كنت دايما بسمع عن مرات الاب وقسوتها بس عمرى مفكرت انها هتعاملنى كده لانى بنت اختها بابا دايما بيسافر مش هنكر حبه واهتمامه بيا ( بضحك) بيقولى دايما انى بفكره بماما وانى زيها فى كل حاجه ويزن دايما معايا يعتبر صاحبى الوحيد سرنا مع بعض بس خالتى مش عاوزه اننا نتعامل سوا اتعرفت ع جماعه ملتزمه فى الجامعه وبدأت اتغير واشوف بعين تانيه عارفه كنت بتمنى اموت مع امى وحشتنى اوى بابا بيقول انى واخده كل ملامحها بس......
ميار طيب نبدا مرحله مرحله عندى سؤال انتى مقتنعه بحياتك دى يعنى اصحابك لبسك وعلاقتك بالناس.....
شهرزاد ايوه مقتنعه وبعدين انا كده بحمى نفسى علشان مفيش حد يقرب منى وحتى المنقبين بيتجوزوا عادى وعلاقتى بوالدى واخويا كويسه وجه المرأة عوره.....
ميار فكرتك غلط دينا دين يسر مش دين عسر خالص احنا ماشيين بالوسطية يعنى لا متحرريين ولا متشددين صدقينى انتى اختارتى طريق غلط اللى بيروح مبيرجعش اعتمد ع افكار وكتب تشوه الدين عارفه اى عملية إرهابية بتحصل بيروح فيها ابرياء فكرتى مره أن اخوكى أو والدك ممكن يروحوا ضحايا بسببهم حبيبتي لو امرك مش بيهمنى هتعامل معاكى كطبيبة بس مش هنصحك انا عندك مثلا لابسه حجاب بس مش بتعامل بتشدد شاهى انا فى يوم من الايام كان هيكون مصيرى زيك بس ماما ساعدتنى وانقذتنى والا كنت ضعت الوقت ومشيت فى سكة اللى بيروح مبيرجعش جابتلى كتب وحضرت دروس فى المسجد وفهمت شوية ولسه بقرا معلومات كتير وانا هساعدك ايه رايك.. .....
شهرزاد شوفتى قلتى ايه والدتك انقذتك لكن أنا معنديش ام تفهمنى وتنصحنى تهتم بيزن لأنه الوريث وانا بنت درتها اللى شافتها مع عشيقها وحبستها يومين من غير اكل وشرب وهددتنى لو اتكلمت هتموتنى كانت تستنى يناموا بالليل وتحبسنى فى اوضه ضلمه عملتلى فوبيا من الضلمه لو فضلت لو حدى فى مكان مظلم اخاف ويغمى عليه انا معنديش ام الام بتحب ولادها وتحميهم بس هى العكس عارفه اتمنيت كتير اقول لبابا بس خوفى منعنى من الكلام حتى المربية طردتها انا مش عاوزه حد يساعدنى انا عاوزه اموت وارتاح لو سمحتى سبينى واهتمى بحاله تانية تكون عاوزه تعيش.....
ميار بحزن انا هسيبك النهارده تهدى ونكمل كلامنا بكره....
شهرزاد ممكن طلب يارييت تشوفى دكتوره تانية تكون فاضية انتى هتضيعى وقتك معايا ع الفاضى.......
&&&&&&&
خرجت وتركتها وكان فى الخارج يجلس يزن وآدم اتجهت اليهم.....
&&&&&&&
ميار للاسف شهرزاد رافضه العلاج بس هستمر معاها....
وتوجهت بحديثها لادم
ميار انتم ازاى سمحتوا توصل للمرحله دى مش فاهمه تفكيرها كله غلط معندهاش شىء تقاوم علشانه محتاجه مرحله طويلة ومحتاجه دعمك معايا اختك عاوزه شخص يفوقها ويفهمها محتاجه اتكلم مع والدك....
فى هذه الأثناء وصل مختار وبرفقته نجاة...
مختار صباح الخير طمنا يا دكتور بنتى اخبارها ايه النهارده اتمنى تكون احسن.....
ميار للاسف ممكن اتكلم مع حضرتك شويه ع انفراد....
لترد نجاة سريعا يارييت تتكلمى قدمنا شاهى بنتى وعاوزه اطمن عليها....
ميار اسفه انا محتاجه والدها اتفضل فى مكتبى....
مختار طمنينى لو سمحتى شاهى حالتها ايه وليه رفضتى تتكلمى فى وجود نجاة ويزن......
ميار انا اسفه بس انا محتاجه اعرف معلومات منك حسب معلوماتى أن مدام نجاة مش والدتها وخالتها وكمان العلاقه بينهم مش كويسه ويزن ابنها اكيد هتحاول تعرف منه باى وسيلة لكن حضرتك بنتك تهمك اكتر منها شاهى محتاجه اهتمام ورعاية وتغيير جو بعيد فتره ازاى حضرتك مش ملاحظ تغييرها ولبسها وطريقة تفكيرها انا عندى مكان زى المصحه فيه حالات تقريبا زيها يعنى أفكارهم محتاجه موافقتك انها تكون معايا فتره.....
___________
أما عند منى كانت غاضبة بشده بسبب تأخر اولادها لقد عاد والدهم وهم لم ياتوا بعد وكانت شهرزاد تجلس صامته ويوسف ينظر لها ويبتسم
____________
منى انت بتضحك طبعا معاك حق شكرا هما يقولوا حاضر وفعل انسى...
يوسف أهدى بس وبعدين ده شغلهم مش بيلعبوا اكيد حاله عطلتهم وهيجوا سوا.....
منى افهم الساعه بقيت ١١ الظهر هيجوا امتى الشهر الجاى...
ادم ايه بس يا ست الكل احنا جينا اهو اهدى منقدرش ع زعلك بس كان فيه حاله اخرتنا.....
منى ادم ممكن سؤال وتجاوب...
ادم ربنا يستر اسلم على بابا بس الاول ازى حضرتك يا بابا وحشتنى اوى.....
يوسف اهلا يا حبيبي اتاخرتوا ليه كده وانتى يا ميار مش هتسلمى عليه.....
منى ميار بتفكرى فى ايه بابا بيكلمك روحتى فين مياااااار..
ميار بانتباه اسفه يا ماما وحشتنى اوى يا بابا بجد....
يوسف علشان كده واقفه بعيد....
اقتربت منه واحتضنته
يوسف فيه ايه متغيرة فيه جديد.....
ميار بصوت هادىء لم يسمعه سواه انا عرفت بنت خالتو شهرزاد وشوفت جوزها واختها.....
ابعدها ببطء يوسف شويه ونتكلم فى المكتب.....
يتبع
القادم نجاة انا عاوزه الفيلا رماد باللى فيها فاهم.....
