I
July 16, 2015
"So ikaw pala 'yung maingay kong kapit-bahay?" Bungad saken ni Rj pagkalabas ko ng unit pero hindi ko siya pinansin.
"Alam mo bang pwede kitang ireport dahil d'yan sa pambubulabog mo?"
"Excuse me?"
"Kapag hindi ka pa tumigil, I swear. Irereport na kita."
"Ohh? Edi ireport mo. Arte?"
"Ano sinabi mo?"
"Sabi ko maarte ka! Ayaw mo pala ng maingay edi sana hindi ka dito bumili ng unit mo."
"Are you serious? Nandito ako to relax myself hindi para makinig ng mga walang kwenta mong tugtog."
"So? Kasalanan ko na hindi soundproof 'to?"
"Wala akong sinabi. Pinapatigil lang kita para wala tayong problema."
"Ok fine. Masaya ka na?" Inirapan ko siya.
"Imbis na mag sorry ka saken."
"What ever." Tsaka ako naglakad palayo.
Hindi naging maganda ang unang pagkikita namin ni Rj. Para kaming aso't pusa kung mag-asaran. And that's the worst part of our story. Dahil sa asaran namin. Nahulog ako sa kanya... Nahulog ako sa coldhearted kong kapit-bahay.
***
September 7, 2017
Lumabas ako ng unit ko para sana bumili ng pagkain sa baba pero ibang pagkain ang nakita ko. Nakita ko si Rj na nagmamadaling maglakad sa lobby. Bababa din 'yata siya? I think.
"Masundan nga." Sabi ko sa isip ko. Tsaka ako naglakad ng dahan-dahan.
Nang makarating kami sa Firstfloor ng condominium. Laking gulat ko ng bigla siyang nagsalita.
"I know someone is following me... Dei?"
Susubukan ko pa sanang magtago pero huli na ang lahat dahil nakita ko na siyang nakatingin sakin.
"Ahh-- Andyan ka pala Rj... Ano ginagawa mo d-dito?" Pagpapalusot ko kahit ang totoo naman ay sinusundan ko siya.
Ngumisi muna siya bago nagsalita. "Hindi ka nahihiya? Pinagtitinginan ka nila oh."
Napatingin naman ako sa paligid ko at napansin ko ngang pinagtitinginan ako ng mga tao. Bakit?
"Mukhang nagmamadali ka ah? Hindi mo kasi napansin na naka pantulog ka pa." Narinig ko pa ang mahina niyang pagtawa.
Halos mapamura ako ng marealize ko na nakasuot pa pala ako ng pantulog. Wahhhh!
"Stop following me."
"Luh? Assuming lang? May bibilhin kase ako."
"Du'n yung bilihan ah?" Tinuro niya yung isang daan.
Hindi na makatarungan 'yung inis ko dahil di talaga siya tumitigil hanggat hindi ako umaamin.
"Ano ba pakealam mo ha? Porket ano."
"Porket ano?"
"Porket gusto kita hindi na ko pwede mainis sayo? Gustong gusto na kaya kita sapakin."
"Sino ba kasi nagsabi sayo nagustuhin mo 'ko? Ikaw lang naman ang nagpupumilit kasi alam mo namang hindi kita gusto at hinding-hindi kita magugustuhan."
