ياربي نكون كنحلم

Chapter 2

هزاتنا لابيلانص غادا عافطة و انا حدا البنت شوية وصلنا دخلوها لغرفة العمليات خرج عندي طبيب
انا : سي طبيب كيف بقات البنت
طبيب : حالتها شوية خطيرة و خاصنا دم
انا : شناهيا الفصيلة تاعها
طبيب : O
انا : خود مني انا عندي هاد الفصيلة
طبيب : دوز نديرو ليك تحاليل بعدا واش عندك شي مرض مزمن
انا : لا غير حساسية صافي
طبيب : صافي دوز تعطي دم
خداو مني دم دخلو لغرفة العمليات دازت 3 سوايع كيف المرض  عيط ليا امجد
امجد : فينك اصاحبي
انا : مزال البنت ماخرجات من الغرفة
امجد : يكما خصاك شي حاجة
انا : لا غير خليك على راحتك
امجد : تهلا
شوية خرج طبيب
طبيب : الحمد لله على سلامة البنت
انا : كيف بقات دابا
طبيب : راه العملية نجحات و تجاوزات الخطر
انا : شكرا واش نقدر نشوفها
طبيب : تفيق من البنج و تقدر دخل و لكن متكترش معاها
انا : صافي
تسنيتها حتى فاقت
البنت : اح فين انا
انا : متعدبيش راسك يالاه خرجتي من عملية
البنت : اش طرا ليا تا جيت هنا
انا : ضربك واحد شمكار بحجرة
البنت : من ايمتا و انا هنا
انا : من ديك  15:00
البنت : شحال فساعة دابا
انا : 23:30 تاع ليل
البنت : ناري سمح ليا عدبتك معايا فينهاو تيليفوني
انا : هاهوا ولكن راه تهرس مني طحتي
البنت : ناري و لاكارط فيناهيا
انا : هاهيا عندي
جبدت داك  j7  حيدت منو لاكارط تاعي و درت تاعها 
انا : هاكي خودي
البنت : لا منقدرش ناخدو  و نتا
انا : غير خوديه انا يالاه خديت هاد اس 6
البنت : تصاورك هادو
انا : اه هادي الواليدة و العائلة و الواليد
البنت : معندكش خوك اولا ختك
انا : لا غير بوحدي و نتي شفتك ماعيطتيش على عائلتك غايتقلقو عليك
شوية بدات تتبكي
البنت : لا معنديش 😢😢
انا :  عاودي ليا قصتك و اش سميتك
البنت : انا سميتي الهام كنت عايشة بحالي بحال بنات الناس معا واليديا تال نهار ماتت ماما و تزوح عليها بواحد المرة عقروشة مكتعرفش المحنة عليا كتبغي راسها و بناتها تكسيهم تسبطهم و انا تلوح ليا الحوايج لي مستعملين سمح ليا مقديتش نكمل
انا : مسحي دموعك و قولي لي بقا و خوي قلبك
الهام : واحد نهار ضاربت معا بناتها على قبل المصروف حيت هوما كياخدو كل نهار انا كناخد مرة ف 3 يام و مضوبلة و جرات عليا مراتو و تحلفات عليا تا من بابا مقدش عليها
انا : و فين كاتباتي
الهام : عند واحد البنت صحبتي و حاسا بلي متقلة عليها و خرجت نقلب فين نسكن
انا : عندك شي حوايج اولا شي حاجة فدار باباك
الهام : غير شي حوايج و البيسي حيت فيه كلشي تاعي 
انا : مهم غاتصحي انمشيو رجلي على رجلك تاخدي دكشي تاعك من ديك دار مغتبقايش ترجعي
الهام : و فين غنمشي
انا : ساهلة اتسكني معايا و بلا مترفضي هاد المرة يالاه رتاحي ليك تال صباح و ندويو