ياربي نكون كنحلم

Chapter 8

تفووو كرهت راسي ولكن هدشي لي مدوز غا باش نرجع لالهام بففف توحشتها و موصلاتني  تا خبار عليها  شوية جا واحد من صحاب الحسنات قال ليا عندك زيارة  معا خرجت لقيتها الهام
الهام : منييير توحشتك
انا : حتا انا احبي
الهام : كيف داير نتا
انا : لباس نتي يكما مزال كتفكري تموتي
الهام : اه ايلا سمعت شي خبار خيبة عليك غانقتل راسي
انا : ياك هدرنا فهادشي
الهام : واخا واخا واخا
انا : ديك الخنزيرة و بنتها فاقو
الهام : اه خرجو من الغيبوبة و راه البوليس كيحقق معاهم
انا : كون ماكنت هنا كون تمنيت اموتو ولكن صحابي هما جوكير تاعي باش نخرج من هاد الحبس
الهام : و فين هما دابا
انا : سيري عند امجد و قولي ليه اجمع الكليكة تاع داك نهار و يشهدو
الهام :اوك حبي هاك شي شوية الماكلة صوبتها ليك
انا : لهلا اخطيك عليا اخطيبتي
سالات الزيارة و دخلت لقيت داك خونا فالله ضارب لوبية بيضة
انا : حيد عليك داك الخرا و زيد قصي معايا
هوا : مرحبا
قصينا مزيان من ماكلة الحبيبة الله اعطيها صحة
فلعشية جات المساعدة كتقلب عليا لقاتني ناعس فيقاتني معا 3:30 تاع صباح
هي : منير فيق
انا : شنووو كاين
هي : وا فيق دغيا
انا : اش واقع
هي : فيا البرد معا هاد الحبس بارد و مكيناش شي بلاصة باش تدفى
انا : بنت شوفو ابنت الناس
هي : وا صافي بلا تمركين بغيت نسخن
انا : وا عيقتي راه مخطوب ا بنتي وا ميمكنش ندير هكا
هي : واش ديك البنت الشهبة هيا صحبتك
انا : خطيبتي
خرجات كتبكي مفاهم تا خرية رجعت نعس معا 12 بضبط جاو الجدارمية معرفتش اش واقع قالو لي خرج عندك محكمة
مشيت للمحكمة لقيت الحنانة و الكليكة و الهام و دوك الحلوفات
بدات الجلسة بقينا شي ساعتين و القاضي مشاد معانا و فلخر نطق بالحكم خرجني براءة و الخنزيرات تحكمو ب 6 شهور على شهادة الزور
الله على فرحة معا خرجت معا تلاقيت معا داك السبامر المنحوس
هوا : بوقوص بيخير
انا : تا ايمتا خرجتي
هوا : عفو ملكي مصرح من بعد واحد النعسة زوينة معا المساعدة
انا : هههههه  نتا كاين  واش غدير دابا
هوا : انمشي نشحط شي كونطات فالبنكة و نخرج نتقود من هاد البلاد  اجي داك pc gamer  بغيتيه ؟
انا : اه و علاش لا  فيه شي بركة اولا خاوي
هوا : عامر بالادوات تاع سبام و الهاك و المتصفح تاع ديب ويب و دارك ويب
انا : لول سميتو tor ياك  و لاخور ماريخوانا ؟
هوا : هههههههه وا ماريانا تا مالك مضروب غا على تبواق
انا : تا سييير خليني نمشي  فحالي ههه
مشيت للدار فرحنا درنا زردة و تافقنا على الوقت لي غانتزوجو فيه