سنه ١٩٧٨
جان النضام البائد بلعراق قوي كولش وجان الضباط والعسكريين هذوله فد شي خاص بحياه العراقيين كوووولها تخاف منهنم .
.
جنت بسنه ١٩٧٨ جان عمري ١٦ سنه وجنت ممخلصه دارسه ما اعرف اصلا منو امي او منو ابويه فتحت عيوني واني ابيت عمتي . اي بيت للدعاره بيت مرخص من قبل الحكومه العراقيه بذاك الوقت جان السوك مالتنا عالي بس جان اغلب الفلوس بحظن عمتي يعني الي يشتغلن يكسبن هواي بس نصهن لعمتي . والي تريد تزوج متمنعها عمتي ابد بلعكس جانت تساعدها تطلع من هلعيشه . ما اكول عيشه زفت لان اني كووولشي مشايفه منها .
.
.
.
اغلب الضيوف الي جانو يجونه جانو من الضباط والرتبه العاليه واكو ينطلبن بلاسم مثل ساره وسهاد وغير بنات لرجل واحد بس حسب الكيت . وحسب الرتبه لان هم نخاف من الرتبه خاف تعم على شغلنه ...
.
.
.
سنه ١٩٧٨ بلشهر الثالث صادف يوم خميس ..
.
عالكه اغنيه واركص اني ورفل وثنين من البنات جانن بعمري طبت عمتي كالت ضحاوي عمه تعاي وياي . اجيت ها عمه ...
تعاي احاجيج . شوفي اجه واخد من الضباط الكبار ويريدله وحده دلوعه وانت احلى بنياتي وهذا خوش يكيت وانتي بيج خير ودللي ..
اي عمه هسه اجي ...
رحت وي عمتي واني الفرحه مسايعتني واخيرا اجه الانسان الي راح احبه ويحبني جانت افكاري بذاك الوقت على كدي يحبني واحبه واضل اتاني ...
طبيت للديوان لكيت رجال جبييير كلش اني نصدمت . اشترت لعمه . عمه هاي شنو ...
اني شعلمتج اسكتي ولتجادلين ...
عمه مو هذا الله يخليج ....
اشششش ...
لا عمه هذا جبير ....
اشششش. اكلج اسكتي ....
.
.
اجيت يم الضابط
اي عيني شنو اسمج ....
ضحى . ضحى سيدي ....
اي ضحاوي . سولفيلي شكد عمرج ...
عمري ١٦ سنه ...
بعدج صغيره ...
كامت دموعي تصب ...
لاه لاه لاه لاه ليش تبجين يَول ...
.
.
صاح حجيه ...
ها اغاتي ابو مكرم ....
ضميلي هلحليوه ...
صار من عيوني ....
اني طلعت ...
.
رجعت ابجي . شافتني رفل ها يعمري شبيج ...
ولج رجال شايب ...
واذا ....
شنو واذا . اكلج شايب ...
عادي شنو كومه شياب ....
شو دروحي رفل ...
اجتي عمتي . ضحى ما اريد اسمعلج صوت وحجي زايد متحجين الرجال حجزج الج واذا حجيتي بعد تعمين علينه وعلى روحج ...
كلوله ميته ...
شنو نكله ميته همه ينضم عنهم شي ...
عمه حبابه ...
ضحاااااااوي اسكتي . ليش تزعليني منج ...
.
.
.
رجعت بجيت بجي وذاك الركص طلع من عيوني جمالي وحسني وجسمي راح يصيرن لهذا الرجال الشايب يربي . بس شسوي يلا نصبر ...
.
اجتي امل . شوفي ضحاوي اذا ما تردي لهل شويب باعي سوي روحج تلعب نفسج منه وضلي سوي حركات كدامه بحيث تحسسي بقله رجولته هو يعيفج . وضلت تشرحلي شلون اسوي وشلون اصرف حته يكرهني وعمتي سمعتها وكتلتها كتله كطعتها كالتلها تردين تخربين بيتنه لو طمعتي بي وتردي ام نفس الدنيه . واندارت عليه . ولج ضحى اسمعي اذا سويتي الي براسج وعاندتي معناتها جنيتي على نفسج مو اني الي اخر زمن تجي وحده زعطوطه تخرب شغل مشتغلته صارلنه ٢٠ سنه يلا اكلي خره وروحي . وخلي هلحجي ترجيه بذانج . اذا صار خلاف اتفاقنه وياج وشكه منج وعافج ودار وجهه متلومين بس روحج ....
اني جاوبتها اي ميخالف لان جنت اخاف منها وكلت كافي خاف صدك تسوي بيه سوايات الي مصايره فعليمن اضل احرك بروحي واكتل روحي من القهر هو هذا مصيري كون لازم اتحمله ...
.
.
.
وره سبوع ماكو اي خبر من ابو مكرم والي عرفته من عمتي انو منتظر الفرصه الي يجي بيها وره فتره صادف بيها يوم احد اطوق المكان كله . وطب ابو مكرم اول مطب كال اريد ضحاوي
اجتي عمتي كالت بسرعه تعاي .
نعم .
باوعلي كلي نعم الله عليج تعاي وياي ...
عمتي باوعتله كالتله ابو مكرم مو هذا اتفاقنه اني البنات ميصير يطلعن من البيت ...
حجيه لتخليني ازعل عليج وزعلي مو بصالحج ....
ابو مكرم اغاتي خليها هنا واخليلها غرفه شوكت ما تريد تعال الها ....
اني ما رايدها اليه . يلا ضحى بسرعه كدامي .
طلعت كدامه كلي انتي اسمج مرفت منا وجاي اي واحد تشوفي تكولين اسمي مرفت وانتي خريجه علوم ...
اني مصدومه تفاجأت من هيج حجه بس قبلت كوتله ميخالف . بس شلون اني حته قرايه ما اعرف اقره .
احنه نعلمج ...
طبيت ويا لبيت فله مو بيت بس البستان الي جان بي جان عبالك جنه الزيتون والتفاح والتمر والحشيش والورد اشكااال والوان واشجار التكي والتين امشي وهنه جوه راسي ....
اول مطبيت جانن الجلاب بلبيت كلهن من هذني البولسيه يخوفن عبالك ذيب اول مشافني كامن يعون وينبحن وهو سكتهن
.
انوب كلي اي خطأ ركبتج تروح . اي شي تسوي احسب حساب موتج كدامج يبعد عنج متر ..
.
.
دخلت للبيت . استقبلتني وحده باوعتلي وراحت جانت شابه صغيره الي عرفته اسمها اولفت بته .
اجتي مره شعرها كصير واسود ومجعد وضخمه شويه وبيضه ثلج . عرفتها هاي مرته .
صاح بصوت عالي تعالن سلمن على مرفت ...
اجتي مرته وين جنتي طول هلفتره ...
هاااا . اني ضليت صافنه لا اخذ ولا اطي .
كلها ابو مكرم لحد يسألها اي سؤال ...
خاف تشرد مره ثانيه ...
لا شحدها مثل مجبناها مره . مره ثانيه نكتلها ...
اني ضليت ابلع لكم اسمع حجيهم ثتينهم ابو مكرم ومرته واني ارجف ...
مرته كالتله اسكت ليسمعك اياد ...
.
اجتي اولفت كالت حليانه وبيضانه والله وتعدلتي بت مليحه ...
ابو مكرم . اولفت حجايه وحده لتحجين وياها ...
