رجعنه من شرم الشيخ . اول مره احس روحي مستحيه منه . بس هو مو هذا اياد الي جان كئيب جان كلش فرحان ويسوق ويطك اصبع وي الاغنيه جان كلشي بي مثير جسمه عيونه شعره الفاحم رموشه الطوال الي تموت سمار بشرته جان كلشي بي حلو وكل شي يي يجذب اي مريه بلعالم . جان منطلق ويسولف وي امه واخته واني كاعده وره اني وأولفت والجهال هو يباوعلي من المرايه ويغني وعيونه عليه . ويعض شفايفه . جان كلشي بي متغير كمت اخاف لا بدلو اياد نفس ما بدلوني اله .
رجعنه اني ويا للبيت جان بقمه اللهفه اليه ذب الجهال بلكاع وسحلني سحل بغرفته . الجهال كسرو الباب . طلع الهم صاح لزينب كال الها دير بالج ع الجهال عندي شغله وي امج ...
.
طب كلي اشو لسه كاعده ...
لعد شسوي ...
دكومي البسي فد شي موت الكرفج ....
اكولك اياد هو انت نفسك اياد لو شنو ....
لا واحد جابني من بيت دعاره وخلاني يمج ...
طبعا كلش ضجت من جاب طاري الدعاره حسيته عمره مراح ينساها . هو حس بيه كلي تره طلعت بلغلط لتعكرين مزاجي خليني مرتاح ...
صفنت عليه كلي كومي جاي اكلج بدلي ملابسج صاح عليه ...
اني ضجت من صاح وضجت من حجايته بس خفت لا يكلب اياد الاول خلي ع الثاني شويه حلو .
كمت بدلت جان ثوب حرير كبل كوولها ثياب حرير والصدر دلعه . كلي تعاي يمي اول ما لزمني . كلي ليش تضوجيني ...
اني طكت دموعي بجي ...
يا بويه متشبعين بجي لخاطر دينج شكد تبجين ...
صوجك انت شكو تصيح عليه ...
حلو دلالج طبعا وبلاخص شفايفج من تزعلين يموتن .
جان كلش حلو بهاي اليله مدري ليش كمت احسه احلى من كبل اباوع لعيونه عبالك بيهن كحله مجرورات مرسومات رسم خليت اديه على عيونه كوتله لتعوفني ....
كال وين اعوفج اشو عفت الي ورايه والي كدامي وسافرت بيكم ...
ما عليه بلجهال اني اني اني اني ما اريدك تعوفني انييييي ...
كل الجهال لو اكو واحد تستثني من هلحجي .
ليش اياد عمري مفرقت بين سمر وبين جهالك الله وكيلك عندي احمد اعز منها والله ...
اممممممم ماشي . باسني وشبكني وخله شعري بيده . كلي الشعر يضيييف للمره جمال وانتي جمالج بشعرج وشفايفج .
شفايفج مال بوس ....
هههعهعععههه اني طكيتها ضحكه .. .
كال هاي ضحكتج صايره مصريه ...
كوتله هو اني كولي صايره مصريه ...
كلي انطيني بوسه لعد من المصريه ....
ماااااا ...
كامت تدلل عليه . عافني وكام ....
ركضت وراه لزمته من ايده بسته بشفته حيييل ...
ولج كلبه فشله كدام العالم اطلع شفتي زركه ...
صدوك والله فشله . يلا لعد براحتك ...
.
شكد تزعلين شو تعاي . لزمني شالني خلاني ع الجربايه كلي ولا صووووووت ولا كلمه تحجين . بده يبوس بيه واني فقدت بعد ما حسيت على روحي . .
كلما يبوسني اكثر كلما يستجيب جسمي ويا اكثر .
جان كلش رومانسي تقريبا لمن جسمي يضل يتوسل بي يلا يتركني اضل مثل الميته جوه ايده كل شي بي هلرجال ما اكدر اعوفه وصرت مدمنه عليه اصلا ما اكدر ليله وحده تمر بدون ما ينيمني على صدره صعبه افقده حته شغلي كمت اغبش عليه اشتغله حته من يجي من الشغل اضل مكابلته وكاعده وصار الهوه الي يصعد وينزل هو امي وابويه واختي واخويه كلشيييي بي اليه . والله يمكن هسه اذا طلعت مرفت عايشه وفكرت تاخذه والله اكتلها بأيدي .
.
اياد عرفني كمت احبه وصرت مغرمه بي اباوع لحلكه مباوع والشي قبل لا يطلبه لسانه اعرفه بادلني اياد نفس الشعوربي جنت اني اكثر منه هلحب بيناتنه والود لحد سنه ١٩٨٥ .
لمن عرفو ابو مكانه وين . وخابرو عمامهم وضل اياد ملتهي وياهم لمن عرفو هو مقتلو رامينه بضهره وراسه بس جان ويا تعذيب بعد منووالي معذبه منعرفه منو . وضل موت ابو مكرم مجهول واني من وحدي خمنت كولت اكيد شنو منو معذبه ابو مكرم وهسه قرر ينتقم منه . ام اياد اتهمت النظام وكالت خلصت شغلتهم منه وكتلو . بس اياد جان معارض هلحجي وكال هاي عداله الله الى جهنم وبأس المصير ....
جان جواب اياد صاعقه و انطلقت وكلها تفاجأت من جوابه معقوله بعد هلسنين اياد مناسي . معقوله اياد لسه مسامح ابوه ؟؟ حته امه بوقتها زعلت من حجايته ...
.
طبعا اني انقهرت عليه بس بنقس الوقت كلت تستاهل هاي حوبه الناس الي امرت بقتلهم واعدامهم والتنكيل بيهم وثرمهم . اصلا اني يمكن اصغر جريمه اقترفتها ايده ...
