البطل (مكتمله )

Part 13

^***************************^
بعد سنه

الكابتن : بكره حيبقي اكبر و اهم يوم فحياتكم بكره حيجي كابتن فريق كبير جداً بره و لو حد فيكو عجبو يبقي حتروحو معاه و تلعبو في النادي بره

شعر جميع من في الفريق بحماسه كبيره و ذهب عمرو الي المنزل و هو يشعر بسعاده و امل كبير جداً

عمرو: منه انا بجد عندي امل في بكره جداً حاسس كده ان ان شاء الله حيبقي خير

منه: خير يا حبيبي

عمرو : مالك في حاجه حصلت ولا اي

منه: انهرده كنت في المول زي ما انت عارف قابلت صحابي اقصد الي كنت فكراهم صحابي الي من ساعه متجوزتك و هما مش بيكلموني عملوا نفسهم ميعرفونيش لما شفوني و لما انا روحت و سلمت عليهم قالولي معرفنكيش خالص انتي اتغيرتي كده لي سألتهم اتغيرت من ناحيه اي قالولي انتي كلك كده متغيره لبسك بقي غريب مش زي زمان و شكلك كأنك عندك ستين سنه و شكلك مكتئبه كده من ساعه متجوزتي عمرو

عمرو في خجل و حزن : و انتي قولتي اي ؟

منه: قولت اني مبسوطه جداً في حياتي علي الاقل مع البني الادم الي بحبو و مشيت و حتي مقلتش سلام كنت متعصبه جداً

و بدأت دموع منه تتساقط علي وجنتيها حتي طبطب عليها عمرو و شعر في هذه اللحظه بأنه يجب ان ينجح في الاختبار و هو اهم اختبار في حياته و هو الذهاب الي النادي بالخارج

عمرو : متقلقيش يا منه علي الاقل عرفتي ان هما صحاب مش كويسين و اكيد حتلاقي صحاب غيرهم و بعدين في حد يبقي عندو زوج حنين كده و طيب و يبقي عايز صحاب

ضحكت منه ضحكه خفيفه مليئه بكثير من الالم حتي ان عمرو شعر بذلك حتي جأت له فكره

عمرو : يلا ننزل

منه و هي تمسح دموعها : حننزل فين؟

عمرو: حنروح نتفسح

منه: لا و الله

عمرو : اه و الله يلا بقي علشان منتأخرش لحظي ان انا واحد مهم و عندي مواعيد كتير

منه: اكيد اكيد يا استاذ عمروانا حقوم البس

استمتع عمرو و منه كثيراً عندما تنزهوا سوياً و بعد ذلك جهز عمرو للماتش الاهم في حياتو اذا نجح سوف يتغير كل شئ حياته و حياه منه سينظر الاخريين له علي انه بطل بدأ من الصفر و حقق احلامه حتي وصل الي مكانه عاليه في المجتمع يأخذوه كل الشباب و الاطفال قدوه لهم و مثل اعلي