نصائح للبنات ❣❣

اهتمي بنفسك يا حلوه انتي

الستات والبنات اللي مش بيعرفو يهتمو بنفسهم كويس حياتهم عباره عن تسريح شعر وغسل وش وبس

تعالولي هنا واجمعولي هعرفكم ازاي وانتي في بيتك من غير كوافيرات وسنتر تجميل تهتمي بنفسك شعر جسم بشره وبأقل تكلفه ممكنه

الاهتمام بنفسك كا ست او بنت😘 الاهتمام مش عشان راجل لا عشانك انتى وبس اهم حاجه وبعد كده عشان جوزك 👨👨

💞اول حاجة الشعر : الشعر مش لازم حاجات غالية وكده

الاهتمام وحده بيخليه شكله حلو

اعملي اي نوع زيت عندك حمام زيت مرتين في الاسبوع اي زيت له فايدة وبيديلوه لمعة

استعملو حمام كريم بيخليه طري وناعم وشامبو يكون ماركة

كويسةبردو علشان تنضفيه كويس واستعملي بلسم بس ميجيش علي الجزور البلسم والحمام كريم هيخلوه شعرك حلو اوي 🙎

💞تاني حاجة بشرتك : في حركة لو عملتيها من غير اي ماسكات هتخليكي فرحانة ببشرتك وحاسة فيها تغير اول حاجة حمام بخار حلة املي ربعها ماية وحطي اي نوع خضرة فيها خيار او جرجير عودين او بقدونس ونص لمونة ولو في ماية ورد ميضرش وسبيها تغلي وغطيها جهزي طبق فيه شوية سكر خشنين ونص لمونة وتكوني مجهزةماية الورد وحطاها في قوالب تلج ومتلجاها في الفريزر وغطي شعرك بطرحة علشان البخار هينشفو وهاتي فوطة وافتحي الغطا ووطي النار خالص وقربي وشك من الحلة خدي كل خلاصة البخار وغطي الجوانب بالفوطة حطيها علي راسك علشان انتي بس اللي تاخدي البخار دقيقتين وارفعي راسك اتنفسي واعملي الحركة دي 3 او 4 مرات وبعدها اجري علي المرايا وخدي طبق السكر واللمون معاكي وهو وشك معرق من البخار اعصري النص لمونة علي السكر وخودي بايدك وافركي في وشك بدواير خفيف خفيف كدا وشفايفك علشان الجلد الميت لحد ما تخلصي كل كمية السكر وبعدها طلعي الماية ورد من الفريزر واغسلي وشك بماية فاترة وماية ساقعة متلجة وبعدها امسكي جتة تلجة مشيهها علي وشك واقفلي كل المسام الي اتفتحت

هتحسي وشك النور اشتغل قيه كدا ومحمر بعدها نشفيه ورطبيه باي كريم عندك خفيف او زيت جانسون ❤

💞الهالات السودة حلها ( تنامي بدري وتصحي بدري _ ماية كتير اشربي ماية وعصير وينسون وفاكهة وخضار _ افطري كويس واهتمي بصحتك ) + بقا اي خيارة بتقطعيها حطي قشرها علي الهالات او قشرة بطاطس بردو كويسين اوي

💞ثالث حاجة الجسم : انا مش من النوع اللي كل شوية سكربات وماسكات بس بتدايق لو في مكان غامق بصو السويت احلي من اي حاجة اهتمي بالسويت صعبة اه بس بتشيل كمية جلد ميت بالطريقة فظييييعة بس لو حابة تحطي ماسكات او سكربات انا مش شايفة احلي من السكر والليمون او ملح حليب بردو حلو بس لو هتعملو يبقا قبل السويت وبعدها سويت وشوفوا بقا البياض الاحسن بعد رطبو لازم علشان تشوفو نتيجة رطبوا ( في حتة البنات مش فهماها انك لما تغسلي جسمك جامد بالليفة او سكرب جامد وتقولي علشان يفتح انتي كدا بتشيلي الجلد الي هو الغامق الي جلدك حامي نفسه بيه لما انتي بعدها مترطبيش فجلدك هيبني جلد جديد اسود اكتر وانشف اكتر من الي قبلو علشان يحمي نفسه فانتي احميه ورطبي باي شئ) تمام كدا وفيه وصفة تأتيه انا كنت نزلتها امبارح لإزالة الشعر برضه دى ممكن تجربيها لو مش قادرة ع السويت 😍

💞الحاجة الرابعة البكيني: بصي التفتيح لازم تشيلي الشعر اول باول ويستحسن بعد الدورة بيوم بيبقا الشعر ضعيف فيها ثانيا لازم تنشفي بعد كل تواليت الماية بتسبب سواد يا بنات ثالثا بقا للتفتيح بتجيبي زيت ورد من العطار وزيت جونسون وتحطيهم علي بعض وبترجيهم وبعد كل حمام بقطنة بتمسحي المكان بيهم الزيت اصلا بيفتح وفي نفس الوقت ترطيب وكل فين وفين اعملو سكراب سكر ولمون بردو واغسلوا ورطبوا بالزيت

💞متنسوش بعد كل شاور كدا رطبي جسمك حلو واتبرفني في المخمرية جميلة جدا هاتوها او اعملوها في البيت ( زيت عطري اي نوع - زيت لوز حلو - فازلين طبي - دم الغزال ) بتسيحي وتحطي كل دا في حمام بخار معادا دم الغزال نقطة ضغيرة جدا علشان تبقي وردي علشان لو حطتيها وتقلبيهم كويس اوي وتفضيهم في اي بطرمان عندك بعد كل شور حطيها بتخلي ريحتك حلوة 3 ايام خلصنا كدا

💞الحاجة الخامسة بقا الرجل : رجلك لازم تبقي باردة ضوافرك قد بعض او قصاها بتنظيم كلها قد بعض كدا تمام تعملي كل اسبوع مرة الباديكير لنفسك تجيبي طشت وتحطي فيه ماية سخنة جدا رجلك تستحملها وتفضي فيها كيس بكينج بودر وماية ورد وبس وتحطي رجلك فيها لحد ماتبرد هتلاقي كل الجلد الميت قب لبرة

تمسكي الحجر وتنشفي رجلك كويس وتبردي كعبك وكل رجلك دواير هتلاقيها مطلعة جلد ميت كتيييييير اوي خلصتي الرجل دي ادخلي علي اللي بعدها وبعدها برذو نشفيها وابرديها بالمبرد بتاع الرجل هتلاقيها منزلة بردو جلد ميت تاني خلصيها خالص مالص وبعد كدا بسن القصافة طلعي الجلد الميت الي حوالين ضافرك كدا وبعدين نشفي كويس وحطي لون مانيكير حلو وطلعي شوية فازلين ممزوجين بدم الغزال فبطرمان علي جمب مخصصة لرجلك بس دي حمرا بزيادة وادهني كل رجلك بيها وبس كدا 😍😍😍

💞رسمة تاتو، ميكب خفيف، كاش مايو، شعرك مفرود ولون جديد ومتبرفنة ومانيكير وكدا واقعدي امسكي فونك ونسكافيهك وعيشي بقا حياتك 😂😂😂