( حنين صحت الصباح اتصلت عليهو ولسه جوالو مغلق اتصلت ع عنود قبل تمشي الجامعه قالت ليها لسه م جا مشت الجامعه ومنتظره المحاضرات متين تخلص عشان تمشي تشوف عمار انتهت المحاضرات وقررت اول شي تتصل ع عنود وتشوفو لو جا وللاسف اتصلت وقالت ليها م جا لسه💔 ومشت سريع لي المكان الاتلاقو فيهو لما حصلت معاهو المشاكل مع امو .. وقلت المكان ودخلت غرفه كدا لقتو راقد في الارض وكميه من القارورات جمبو وجزء منها مرميه في الارض ( مشروب مسكر😷) وعمار راقد في السرير وفي يدو قاروره وحالتو بطاله كان نايم وباين عليهو اثر الشرب الكتير وحالتو بطاله)
حنين : دا شنو دا😳😳😱😱😱 عمار قوم قوم ي عمار
عمار : ( قام من السرير ) مالك عايزه شنو
حنين : دا شنو دا شنو دا ودا شنو المشروب دا كلو
عمار : ههه مالك غريب عليك يعني
حنين : عماار انا سألتك قبل كدا و انت قلت لي انا م بسكر😢
عمار : اي قلت ليك وهسي سكرتا وبعدين مالك مصدومه كدا دي بالنسبه لي جرايمك البتعمليها ولا شي
حنين : عمار انت بتقول في شنو😭💔
عمار : ههه دموع التماسيح دي م حتغشني وانا م اهبل عشان تغشيني زي باقي الاولاد البتلعبي بيهم وتاخدي قروشهم انا عمار فتحي عينك كويس انا م بتغشى بالسهوله دي
حنين : انت بتقول في شنو والله م فاهمه حاجه انا💔
عمار : ( فتح جوالو وبدا يوريها في صور كل صوره مع ولد وكانت الصور اباحيه .. حنين من الصدمه م عرفت تتكلم بس ختت يدها في راسها وانهارت من البكا وطلعت سريع من المكان .. وعمار بدا يكورك ليها)
عمار : هههه ااي عشان م قادره تواجهي الحقيقه هربتي صح
( حنين وصلت البيت وكانت حالتها في غنى عن التحدث عنهاا كانت بتبكي بطريقه عجيبه دخلت غرفتها وقفلتها بدون م تتكلم مع اي زول وحبوبتها وابوها بسألو فيها ويدقو ليها الباب بس اكتفت بأنها قالت ليهم خلوني م تسألوني عليكم الله خلوني في حالي .. خلوها ومشو وحنين طول الليل بتفكر في الكلام القالوو ليها عمار والصور الكانت عندو وكيف جات الصور دي ومنو الزيف الصور ورسلها ليهو ... فجأه سرحانه كدا جاها اتصال فتحت الخط سريع اتوقعتو عمار )
حنين : عماار 😍
ــ : ههههه للاسف لا
حنين : مين معاي
ــ : م ضروري تعرفي بس اتصلتا عشان اوريك انو عمار لي انا وعمرك م تفكري فيهو او تمتلكيهو لأنو حتندمي كتير والصور دي مجرد حاجه بسيطه عشان م تلعبي معاي تاني ( وقفلت الخط ... حنين من سمعت الكلام حست بروحها قربت تموت احتارت دي منو ولي بتعمل معاها كدا وعلاقته شنو بي عمار .. فكرت لحدي م نامت وما صحت الا تاني يوم قريب للعصر لأنو يومين م كانت نايمه ... عدا اسبوع يوم وحنين كانت عايشه حالة اكتئاب بس من الجامعه لي غرفتها ومن غرفتها للجامعه وما كانت بتتكلم مع اي زول ... وفي يوم طلعت برا اتغدت واتونست عااادي مع حبوبتها وابوها وكأنو م حصلت حاجه وهم م حبو يذكروها عشان يمكن تعيد نفس العملتو)
حنين : اها ي ابوي نفسنا في طلعه لينا زمن م طلعنا
فؤاد : من عيوني الاتنين عايزين تمشو وين
حنين : البحر😍
خديجه : اي والله نفرق حبه
فؤاد : طيب يلا امشو اجهزو اوديكم
( طلعو مشو البحر واثناء م هم هناك حنين لمحت عمار ومعاهو بنت عاين للبنت كويس وعرفتها)
حنين : " معقوول😳 اسيل البقعدها مع عمار شنو وعمار اصلا م كان بطيقا ولا ثانيه
عمار : والله م عارف اجازيك كيف انتي خليتيني اكتشف الحقيقه واعرف حنين الخاينه والكانت بتلعب بي مشاعري
اسيل : اووف يا ماف داعي خلاص م تذكرنا بيها المهم احنا سوا وخلاص😍
عمار : ايوه صح😇 ( كملو ونستهم وحنين الوقت كلو تراقب فيهم وهم يضحكو ويتونسو فجأه اسيل لمحتا)
اسيل : عمار دي مش حنين
عمار : وينا😳
اسيل : هنااك ( واشرت بأصبعها)
عمار : استغفر الله خلاص م تعايني ليها دي وحده تافهه وواطيه
اسيل : طيب هي اكيد بتكون شافتنا م ظريفه مني م اسلم عليهاا حأسلم عليها واجي
عمار : راحتك انتي بس انا م حأمشي 😒
اسيل : طييب😊...
اسيل : حنين كيفك
حنين : اهلين اسيل تمام الحمدلله انتي كيف
اسيل : بخير الحمدلله... جايه براك؟
حنين : لا معاي حبوبه وابوي
اسيل : اهاا انا جيت مع عمار .. بالمناسبه باركي لي انا وعمار ارتبطنا😍
حنين : امممم مبروك وعقبال تتلمو في بيت واحد ( وهي من جوا قلبها يغلي نااار بس ... بعد مشت رجعت لي اهلها)
حنين : ابوي ارح نرجع
فؤاد : مالك زهجتي ولا شنو
حنين : لاا بس تعبانه
خديجه : اي انا زاتي تعبتا ارح نرجع
فؤاد : طيب يلاا
( وصلو البيت واول م وصلو حنين جرت ع غرفتها وبدت تفكر في ايامها مع عمار قبل الخلااف وفجأه بدت تتذكر في كلام اسيل ويوم عمار اتكلم معاها وبقت تبكي لحدي م نامت وصحت بصوت جوالها كان في زول اتصل لقتهاا وئام ومن الفرحه وقفت البكي)
حنين : اووومتي😍
وئام : حنونتي وحاتك مشتاقين😍❤
حنين : كمياات والله❤ وين انتي ياخ مالك اتأخرتي كدا وما جيتي اشتقت ليك والله😭😭💔
وئام : انا جيت امس ونزلنا في شقتنا طوالي وبكره حأجي بيتنا
حنين : بالجد جايه😍
وئام : ايوه عايزه اجي القاك في بيتنا سامعه
حنين : اكيييد بتلقيني في وشك
وئام : هههه طيب يلا مع السلامه
حنين : يلا باي لبكره.. ( ارتاحت شديييد بعد عرفت انو وئام جات كدا حتحكي ليها اي شي واكيد حترتاح بعد تحكي ليها)
يتبع...
