فاطمه : وبعععلي منو تعيس الخظ دا😍
حنين : انتي هبله
فاطمه : لا بتهابل ارح انجزي واحكي دا منو
حنين : بهظر معاك ي بنت😂👊 اخر شي افكر فيهو الحب دا
فاطمه : لي لكن ..اي انسان في الدنيا دي بفكر في الحب وبتمنى يحب😢💔
حنين : ( عاينت لي فاطمه وابتسمت) طيب انتي ومعاذ حبيتو بعض كيف؟؟ كنتو عارفين انو انتو حتحبو بعض؟
فاطمه : لا
حنين: طيب.. نفس الشي انا .. اسمعي يا توته الحب ما انت بتفتشو هو بفتشك ووقت يلقاك انت بتحب
فاطمه : حنونه وكلامها العسل😍 اها وتاني
حنين : ههههه تاني شنو
فاطمه : قولي لي تاني كلام زي دا يعني😁
حنين : هي انتي ما عندك موضوع ولا شنو😒
فاطمه : طيب قولي لي مواصفات فارس احلامك
حنين : امممم يكون بهتم بي وما بزهج مني ويكون قريب مني ويحكي لي اي شي واحكي ليهو اي شي
فاطمه : طيب تاني
حنين : بس
فاطمه : قصدي يعني طويل قصير كدا
حنين: هههه انتي ما حتفهمي .. عارفه لي ما قلت ليك المواصفات دي
فاطمه : لي😕
حنين : لأنو الحب ما بكون بالطول ولا الوسامه ولا غيرو
فاطمه : اها كيف
حنين : لأنو الحب اهتمام💜
فاطمه : جد والله كلامك صح
حنين : يعني انتي لمن تلقي البهتم بيك ما بتشوفي حاجه تانيه
فاطمه : امممم صح ..
خديجه : يلا يا بنات قومو اتعشو
حنين : العمل العشا منو
خديجه : انا
حنين : لي يا حبوبه
فاطمه : يخسي عليك احنا قاعدين وانتي تعملي لينا العشا😐
خديجه : يا بنات انتو عارفين الدكتور قال لي اتحركي القعاد الكتير ما كويس قومو وبطلو كلام
حنين: طيب جايين يا ست الحبايب
فاطمه : ( فتحت جوالها تشوف الساعه )الساعه كم يا حنين تلفوني شكلو ما مضبوط
حنين : بكون 9 ولا 10
خديجه : كم 😂😂😂 هي الساعه 12
حنين : كم😳
فاطمه : يعني بالجد الساعه 12😳
خديجه : اي انتو عشان من قبيل بتتونسو ما حسيتو بالوقت
فاطمه : طيب يلا قومو انا جعانه🤤😋
حنين : ارح ارح طبيعي جعانه انتي😂 .....
فاطمه : عمو فؤاد كيفك
فؤاد ( والد حنين) : اهلين فطومه كيفك
فاطمه : تمام الحمدلله
فؤاد : كيف امك وابوك كويسين
فاطمه : كويسين والله في نعمه
فؤاد : رأيكم شنو بكره نمشي البحر
فاطمه وحنين : بالجد😍😍
فؤاد : ايوه جد
حنين : اي طوالي
فاطمه : اكييد نمشي طوالي 😍😍
فؤاد : طيب بكره بعد العصر خليكم جاهزين
حنين : حااضر
فاطمه : من عيووني الاتنين
فؤاد : لالا ما عايزهم الاتنين😂
فاطمه : لالا علي بالطلاق تشيلهم🌚✋🏻
فؤاد : تطلقي معاذ سجمك الليله( طبعا اي زول عارف انو فاطمه ومعاذ بحبو بعض)
حنين : 😂😂
خديجه : عاد زمنا دا الحريم بطلقو رجالهم 😂
حنين : مش فطومه بتعملها
فاطمه: اتوقعي اي شي الزمن دا ي تيتا😌
--------------------------------------------------------------
جيهان ( شغاله في بيت جلال) :( دقت باب الغرفه) عمار
عمار : نعم
جيهان : تعال العشاء
عمار : جاي ...
( عمار مشي ولقى عنود قاعده مع ابوهم في السفره وبتتونس وتضحك معاهو)
جلال : تعال يا ولدي اقعد جمبي
عمار : جايي
جلال : اها احكي لي سنواتك كانت كيف هناك في امريكا
عمار : شت ياا والله كانت ايام
عنود : اها احكي
( عمار وعنود حسو بي فرحه كبيره اول مره يتونسو مع ابوهم ونسه زي دي قضو الليل كلو ونسه وضحك وعمار بحكي ليهم عن امريكا واصحابو وصحباتو هناك ومقالبهم الكان بعملوها)
جلال : هي يا اولاد الوقت اتأخر قومو نومو
عنود : ( قبلت ابوها ع جبينو) تصبح ع خير
عمار : ( قبلو ع يدو) تصبح ع خير
جلال : وانتو بألف خير حبايبي 💚 .....
عمار : " يا رب ايامنا تكون كلها زي الليله دي 💜 " ونام....
جلال : نور
نور: نعم
جلال : انا مش قلت ليك تنزلي وراي عشان نتونس مع الاولاد ديل
نور: انا قلت ليك عندي فستان عايزه اخلص تصميمو
جلال : فستان .. فستان يا نور عندك الفستان اهم من اولادك
نور : ما كدا لكن
جلال : لكن شنو .. انا ايامي معدوده💔 وقلت ليك عايز اخلي اولادي مبسوطين مني قبل ما امشي وانتي كمان لازم تتعودي انو تتصرفي معاهم كدا لأنو بعد انا امشي تقدري عليهم براك
نور : م تخاف انا بقدر عليهم وحاخليهم مبسوطين ان شاء الله
جلال : ان شاء الله ان شاء الله
يتبع ...
