حنين : عماار اسمع خلي الولد وتعال عايزه اتكلم معاك
عمار : وقسم بالله م تمشي من هناا اخليك في نفس وضعو
حنين : عمار خلااااص قلت ليك تعال معاي ( مسكتو من يدو وطلعو من الجامعه) دا شنو العملتو دا😡
عمار : عملتا الشايفو صاح
حنين : صح يعني تضرب الولد كداا صح منك
عماار : انتي لي منفعله كداا كلهاا ضربه خفيفه عشان يتأدب وما يمد يدو ع بنت تاني
حنين : شنوو😳
عمار : م عارفه يعني😏
حنين : انت بتقول في شنو
عمار : قبيل كنت جاي اقول حأعتذر ليها لقيتك قاعده معاهو وماسك يدك
حنين : اوووف🤦🏻♀ فهمتا الموضوع غلط
عمار : كييف
حنين : ( حكت ليهو انا صاحبهم ومسك يدها لي) فهمتاا ؟
عمار : فهمتا بس كمان م ليهو حق يمسك يدك
حنين : لي انت قبيل م مسكتها 😏
عمار : انا م زيو انا فرق منو ... يلا خلينا نمشي
حنين : نمشي وين مش قلت ليك م تتكلم معاي
عمار : ياخ قلت ليك حأعتذر
حنين : بالجد😍
عمار : ايوه
حنين : طيب يلاا
عمار : اي بس حنمشي بالمواصلات
حنين : لييه
عمار : كيف يعني لي انا كنت بسوقك انتي ووئام سوا هسي م ممكن اسوقك براك الناس تقول علينا شنو .. وم جبتا العربيه معاي
حنين : طييب😇 ( بقلبها قالت كل يوم بتكبر في نظري..... كانو واقفين ومنتظرين المواصلات ) طيب هسي انا البضمن لي شنو انو حتعتذر لي امك
عمار : م واثقه فيني😒
حنين : لاا م كدا بس عايزه اتأكد
عمار : اطمني حأعتذر .. صراحه انا من يوم الحادثه ديك م مشيت البيت
حنين : شنوو😳😱
عمار : م تقاطعيني😒.. ويوم سوقتا عنود وصلتها وما دخلت .. عندنا شقه بعيده شويه كداا من بيتنا كنت قاعد فيها والكم يوم ديل كأنهم سنين امي كانت بتتصل علي كتير واخواتي كمان بس م كنت برد وفي النهايه قفلتا موبايلي وفي اليومين ديل بالجد حسيت بي قيمت امي واختي م عارف قدرتا اصبر كيف بس الليله اكيد حأرجع واعتذر ليهم
حنين : كويس انك عملت كداا عشان تتعلم الدرس ... يلا انا امشي بعد دا باي
عمار : باي شنو
حنين : ماشه حأركب الامجاد دي
عمار : حتركبي براك؟😳
حنين : لالا الولد والبت ديل ركبو
عمار : هسي كان خطفوك ولا عملو ليك حاجه تعالي انا بمشي معاك
حنين : هههه طيب يلا عشان م نتأخر
عمار : يلا 😊 ...
حنين : يلا انا وصلتا باي
( حنين وصلت البيت وكانت من الفرحه حتطير اول مره تحس بي فرحه زي دي حست انو كأنها هي الرجعت لي امها م عمار ... دخلت اخدت دوش وغيرت ملابسها صلت المغرب ومشت قعدت مع حبوبتها جمب التلفزيون وقعدت تغني)
خديجه : مالك ي بت الليله شايفاك مبسوطه
حنين : لالا ماف حاجه ي امي يعني م اغني 🙍♀
خديجه : هههه لالا بس عشان م حصل شوفتك كداا غني يلا اصلا صوتك حلو
حنين : طيب خليني اكمل الاغنيه .. من يوم اللي سرقت قلبي ضااع ومش ذنبك ذنبي ما بتتخيل شو صعبي تكون بعييد .. يلا صفقي لي يا حبوبه😍💃💃👏👏
خديجه : لا والله انتي م نصيحه الليله😂😂
فؤاد : شايفكم الليله مبسوطين الحاصل شنو
حنين : خلاص ابوي جا وتما الناقصه يلا حأفتح اغنيه كااربه كداا وكلنا نرقص 😍💃👏
فؤاد : دي ماله الليله😳😂
خديجه : بري من جات من الجامعه كدا
حنين : يلا بطلو كلام وقومو ارقصو معاي 😍❤ ( فتحو الاغاني ورقصو ومره يضحكو وحنين اول مره تكون مبسوطه للدرجه دي كأنها شاربه حاجه 😂 .... بعد انتهو حضرت شويه ودخلت الواتس وبدت تتكلم في الواتس لحدي م نعست وكالعاده قبل تنوم بدت تفكر في عماار لحدي م نامت ... صحت الصباح مشت الجامعه ونفس الموال تجي وترجع معاهو بس برجعو بالمواصلات .. عدت الايام والاسابيع وفضل اسبوع لزواج فاطمه ومعاذ )
يتبع...
