The Monster

٢٤|محشورة|

صلو على رسول الله💜
(تجاهلوا الغلطات)
--------------------------------------------------------

الشهادة الله انا كنت حاسه ان في مدبحه هتحصل!
يعني نيكي تقريبا لمت البلد كلها عشان تروح تتخانق مع جيجي.

حسيت للحظة اننا في عبده موته؟
بس أتس اوكاي المهم بس المفعوصه دي يتاخد حقي منها..

كانت جيجي واقفه في الطرقه و معاها كذا واحده صحابها تقريباً ولا ايه مش عرفه.

نيكي:"حديد الزفت!"

بصتلها كده بتناكه و بعدين ضحكت بستهزاء لما لقتني جنب نيكي.

عرفه شكلي زي عيله بشخه راحت تقول لمامتها تيجي تدافع عنها عشان بت خدت منها المصاصة.
شكرا مش محتاجين تقولو!

جيجي:"ايه يا قلب حديد؟"

نيكي:"ضربه في قلبك يا سكر!"

عنيفه اوي نيكي دي؟
جيجي بصتلها كده بقرف.

جيجي:"جايبه الحساله دي معاكي ليه؟"

نيكي:"بقولك ايه متحاوليش تنسى نفسك! ، انتي أقل واحده هنا و آخر واحده تفكر تتكلم اصلا! ، لولا ابو زين إلى خلالك قيمه و قعدك وسطنا عشان ابوكي يا دوبك كان صاحبه ، انتي ناصنيج!"

جيجي ضحكت كده بعدين بصتلي.
و انا فضلت بصالها ببرود ، كنت هموت و اضحك الحقيقه بس لازم أبين اني جامده اوي!

جيجي:"ايه يا بربورة؟ ، جايبه حد يحفل عليكي زي ما حفلت!"

بصيت حوليا كده بعدين بصتلها و قلت:"مين؟ ، انتي حفلتي عليا؟ ، امتى بس عشان مش فكرة ان دا حصل أو ممكن يحصل اصلا!"

احلف على المصحف اني شوفت عينها بطلع شرار.
استرها يا ستار انا مكنش قصدي اخبط في حلل العفاريت!

نيكي:"مش لاقيه رد ولا ايه؟"

جيجي:"انا حتى مش فهمه انتي ازاي جايه تتخانقي معايا عشان واحده مش منا اصلا!"

نيكي:"منا مش منا الحق حق! ، مش معنى ان هي هنا ضيفه و ملهاش في جونا و بتاع يبقا نيجي عليها و نقلل منها و نحسسها بغرابتها ، ولا ايه دا سوري ، نسيت انك بتطلعي إلى حصل فيكي عليها...ياا حرااام سوري يا جيجي انا اسفه!"

كان نفسي اخد نيكي بالحضن الحقيقه انا عمر ما حد دافع عني كده قبل كده!

جيجي:"هي قليله و غريبه و وجودها هنا مضايقنا كلنا!"

بيري:"ليه محسساني انك بتطفحيني تشخخيني و تغيريلي و تلعبيني و تخرجيني؟! ، عرفه وجودي مضايقك ليه؟ ، انا هقولك ليه! عشان سي زين إلى هو انا مش عايزه أمه أساساً و انتي عرفه!"

سكتت كده شويه و هي بتبصلي بقرف و حقد.
اقسم بالله عينها بتطلع كميه حقد فظيعه!
ايههه دااا؟؟