صلو على رسول الله💜
(تجاهلوا الغلطات)
--------------------------PERRIE'S P.O.V
ماشي اهدي اهدي اهدي.
محصلش حاجه ، ايه يعني صوت كلمك؟ ، يمكن حد بيكلم حد تاني في حته تانيه؟ماشي خيال أوفر.
خلاص انا ههدي كده و.. و هنام.دخلت الكتاب في الدرج إلى جنب السرير و وقفت كده شويه.
انا عطشت ، و اكيد اكيد يعني مش هنزل اشرب لوحدي.
مش عشان خايفه لا.عشان انا مرعوبه و لو نزلت لوحدي هعمل بيبي على نفسي و هعيط!
بس انا مش خايفه.
خدت قراري و قررت انزل المطبخ و ابقا شجاعه و أواجه مخاوفي الحياتية.
فتحت باب الأوضه براحه و بصيت بره.
مشاء الله ، الدنيا اسود من قرن الخروب ، أو الخروف.اياً كان هي اسود من اليوم الي اتولدت في.
خرجت و انا بدعي أني ارجع الأوضه سليمه ، جدو نايم في سابع نومه و مش هيحس بيا لو عملت الالي.
هو ليه اسمها سابع نومه؟ ، ليه مش خمستاشر مثلا؟
مش وقته مش وقته!وصلت المطبخ بعد معاناه لا يعلم بيها الا ربنا!
حطيت ميه و شربت الحمد الله.
لفيت عشان اطلع من المطبخ.
لفيت وبصيت زي ما كنت الأول تاني.احيه احيه احيه احيه ، ايه دا؟
لفيت براحه تاني و بعدين رجعت زي ما كنت.
ما يا انا بتخيل يا في حد واقف عند الباب فعلاً.
بيري:"اشهد ان لا اله الا الله و ان محمداً رسول الله"
قلت و بعدين لفيت ملقتش حاجه.
احنا هنلعب مع بعض ولا ايه؟خدت أزارة المايه و الكوابيه و جريت هوا على الأوضه و قفلت بالمفتاح.
يا ستار استرها معايا يارب دا انا غلبانه!
أعدت على السرير كده براحه و سميت الله و قررت اتخمد..
غمضت عيني كده و خلاص الحمد الله تقريبا نمت اهو.
حسيت بأصوات غريبة.
يا ليله سوده مش ناويه تعدي!انا عقلي صاحي..بس جسمي نايم ، كل حاجة فيا نايمة الا عقلي.
سامعة أصوات ، جسمي مشلول، حاسة بإيد مثبته رجلي في السرير ، جدو صح؟
حاسه اني بتخنق بطئ ، يارب شعايزه اموت منغير ما اكل جمبري و سمك يارب.
فضلت احاول اقوم ، معرفتش.
هايل ، رائع ، فاااااانتاسسستيككك.
عفاريت ياماااااعع.احم حد دخل و فتح النور، كل دة وقف..
انا نايمة..
انا صحيت.
أنت تقرأ
The Monster
Comédie-ايام فيريند ويز ذا امونستر ذاتس أندر ماي بيد. =ليه يختي و انتي مخاويه؟ Story featuring:@perrieledwardsxxx (رواية كوميديه)