مساء الخير وياكم #الكاتبه_جيمن
ب حلقه ٦من قصه
#حب_وانتقام
ضحى/بعدها بدلت وأخذت سجى وطلعت ب باب البيت جان يجي اخويه محمود واحمد وكال:ها خيركم وين طالعات
ضحى:هلا بيكم للسوبر ماركت
محمود:شتردون إني اجيبلكم بس بلاطلعه
ضحى:بس____بهالاثناء سجى ضربتها برجلها،ف غيرت حجبها
ضحى:اي محمود بس اريده ببسي مجرش يم يم
محمود:ديلا ساعدوا احمد بالمسواك دخلو للبيت
وأني رايح اجيبلكم
ضحى/دخلته المسواك اني وسجى وكعدت دقايق يم اخوتي وابوي اني هم زحلكت نفسي شويه شويه وصعدت للغرفه وسديت الباب كعدت ابجي بمرور ثواني دخلت سجى
وكالت:شبيج اليوم شو مو على بعضج
ضحى بصوت يبجي:مابيه شييي
سجى:شنو دتبجين
ضحى:لاتتدخلين
سجى:اني اختج احجيلي
ضحى:كتلج ولي منا
سجى:اكيد راح يجي يوم وتحجين الي.
(سجى/اني هم عفتها وطلعت من الغرفه لكيت محمود جاب الاغراض من السوبر ماركت طلعتهم خليتها بالثلاجه بعدها محمود سألني على ضحى وكتله عفتها دتنضف الغرفه).
_______________
ضحى/بس طلعت سجى من يمي طلعت الموبايل من الجنطه
باوعت آخر اتصال من نور قبل 3ايام شمرت التليفون
ورجعت نمت
هالوضعيه استمريت عليها بعده ايام ما بين جوع وانعزال وبجي وصفنات كلش متقلبه،إجت ايام بس اشتم روائح اكل ووجهي يصفر بالزايد وماكو حجه حتى اطلع وقلقي ديزيد،ردت بس اتاكد اني حامل لولا ،مره جنت كاعده باوعت بكنتوري ملابس البيت،قررت اكرضهم بسنوني حتى بلكن الكه حجه واطلع من البيت ف كمت ابجي وأصييح...يااااااااه عزااااا
الام سمعت:لج شبيج
ضحى شلت الملابس وكتلها:يمه دشوفي الفار شمسوي بيهم خربت
الام:يله فدوه هسه اطلع أني واشتريلج ملابس
ضحى/هم فشلت الخطه مره ثانيه شنو رايديني انكشف،،،هم مراح اطلع
بعد 5دقايق اندكت الباب مديت راسي سمعت سجى تكول:هلاخاله اتفضلي
ضحى:يمه هاي شكلها خالتي
الام:دمشي خل نشوفها
ضحى/نزلنا جوه سلمنا على خالتي وكعدنا
الخاله:لج ضحى الف مبروك يكولون زلمتج غني وشايل خشمه
ضحى:الله يبارك بيج،
الخاله:شوكت تتزوجين
ضحى:من يكمل البيت
الخاله:شو وجهج اصفر،وذبلانه اخاف عاشكته
ضحى:اي خاله اي
الخاله:يله الله يسعدج،اي ام احمد راح اروح للسوك تجين
الام:والطبخ
الخاله:عوفي على العروس
ضحى:لايمه لخاطر الله خل اجي وياكم عفيه
الام:والطبخ
ضحى:خلي على سجى
الخاله:ديلا اخذيها خطيه
الام:شو كومي بدلي
ضحى:صار يمه
__________________
ضحى/رحت لغرفتي بدلت وتجهزت طلعت للسوك وياهم شفت بعد شارع اكو عياده دكتوره نسائيه ،،،لاحضت امي وخالتي كاعدات يشترن بالملابس انتهزتها فرصه اني مطالعه هوايه يعني بيها مجال اضيع تسحبت على كيفي صعدت للعياده جانت اكو كومه ازدحامات،نسوان ومزوجات وكل وحده حامل وتحجي بالمفتشر ،،،،باوعت كلت اني متاكده امي وخواتي راح يحسون بغيابي ف رحت على السكرتيره
ضحى:فدوه مستعجله دخليني
السكرتيره:دشوفي النسوان كدامج
ضحى:عفيه
السكرتيره:اكعدي وانتضري سراج
ضحى/درت وجهي داريد اطلع جان مريه تصيحني وتكول خل تدخل بمكاني ،،،،،اني هم شكرتها ودخلت للدكتوره،،،،
اتممت الفحوصات دتكتب الراجيته ووجهها متعصب كتلها:
ضحى:دكتوره فدوه بس كولي شكو
الدكتوره:انتو شبيكم بنات هالوكت بلامسؤليه غير انتبهي على نفسج انتي حامل بشهرين ونص
ضحى_____من سمعت هالحجي كمت من مكاني وفزيت
كتلها:لاعفيه لاتكوليها
الدكتوره:شكوو
ضحى:سقطي للطفل حتلو اموت
الدكتوره:ليش شنو غير شرعي
ضحى:لامخطوبه،،،،بس
الدكتوره:خوفتيني بدون بس لج هذا حلال الله حاجي خطيبج وسرعي بالزواج
ضحى:اهلي ميدرون بهالسالفه
الدكتوره:المفروض متخليه يتقربلج
ضحى:الصار صار
الدكتوره:هي دوه وفيتامينات التزمي بيها ولاتتعبين نفسج
ضحى:صار دكتوره_____بعدين تذكرت امي و خالتي يبوه
ف طلعت من يم الدكتوره ونزلت ادور عليهم ماكوو
ضليت واكفه بهالاثناء ايد انخلت على كتفي اني هنا جفلت
من التفتت_________________يتبع
رايكم ولا تنسوا نجمتي😍تحياتي الكم الكاتبه جيمن
