مساء الخير وياكم #الكاتبه_جيمن
بحلقه ل13
من قصه #حب_وانتقام
واتفاعلوا بيها وانطو رايكم
اركضت للغرفه الي بصفي فتحتها شفت زوجه نور وأطفالها ف انصدمت بشوفتها
جانت كاعده تمشط لبنتها بس ملحكت تشوفني سديت الباب ورجعت كبل للغرفة صارت كبالي المرايه أو شفته كبالي
ف التفتت ل نبيل وسد حلكي باايده وكال:متجوزين من سوالفج ششفتي
Jaymin
ضحى/ كمت ابجي ودموعي صارت على ايده
ف رفع ايده ومسحها من دموعي وكال:احجي شنو شفتي
ضحى:مشفت شي
نبيل:اني اكلج شنو شفتي زوجه نور مو
بهالاثناء إجه زوجه نور والاطفال يباوعون عليه
ضحى:انتي هنا أتدرين بيوم الحادثه من اجيت واهلي لحكوني نور شسوه بيه هو ظلمني وأني جنت ماعرف بي مزوج وعنده وبيت وأولاد الله يخليج انصفيني طلعيني من الكابوس
*زوجه نور نزلت راسها دتريد تحجي كلمه جان نبيل
كال:اخذي جهالج وطلعي
زوجه نور:صار _____وطلعت
___________________
ضحى:ليش خليتها تطلع ليش فهمني ،ليش مداتنطيني فرصه
احجي وادافع عن نفسي حتى المتهم بريئ حتى تثبت إدانته
نبيل:ضحى اسكتي ____وراح
Jaymin
ضحى/اصعب ما في حياه الانسان من يعيش بدائرة يلتف حول نفسه وبدون منفذ هيج اني صرت ضحى ضحيه الزمن ضحيه الحب يا ترى شنو راح يصير هاي تفكيري كله
____________________
خل نحجي شويه عن نبيل:
هو الاخ الأكبر من نور ،عمره38متزوج ولكن زوجته أثناء
ولاده الطفل ماتت ومات طفله وياها رجع الحياه العزوبيه
وعليه مسؤلايات كبيره بحكمه كبير عائلته ،،جان دومه
يغطون إخوانه ويصحح اغلاطهم والناس تذبله سهام الغدر
ويبقى صامد،،نبيل حياته عمليه ،،،بحياه زوجته جان انسان
حساس بس بعد وفاتها كلبه مات وذبه بسله المهملات ضل
بلاكلب وانتهت نظرته إلى النساء أو للحياه العاطفيه كل
اليريده يطفي نار غضبه وحزنه الي ماتطفى .
______________________
ضحى/
مرت10ايام عشتها ب اهانه صبح ومساء قبل
وبعد الاكل من نبيل ، مره بالليل جنت كاعده بالغرفة وانطفت
الكهرباء كمت على
حيلي ورحت يم الشباك الاجواء ظلمه ومرعبه وهوه عالي
الفيلا بنص بستان ونخل واشجار تذكرت اكو لايت على ميز
بالغرفه رحت لفت وجهة على الحايط حتى ميصير الضوه
بعيوني ورجعت كعدت على السرير بوكتها جان
جو شتاء تغطيت جان عيوني تروح على الحايط شفت خيال
شخص فات ،بسرعه وجهته للايت على المكان ماكو شي
معقوله داتخيل شنو هذا الشفته ،بهالاثناء وكع كلاص الماي
من الميز رحت اشيله شفت بالحايط خيال مثل ايد نمدت
