مساء الخير وياكم #الكاتبه_جيمن
ب حلقه جديده من قصه #حب_وانتقام
حلقه10
ضحى:أي اي لعد تزوجني خلي اولد الطفل واسمي بااسمك وكلشي ينحل
نور:تدللين ____احبج ____تقرب خطوه واخذ من يمه النفاضه مالسيجاره ضربني بيها على ايدي وكع المسدس وركض باتجاهي
اني كبل نزلت اخذته للمسدس ،،،،،،نور ضربني براسي
ولزم شعري جرني بالحايط،ويصيح ،،،،،،حجي تأخذها لبنتك منا ولاتتعرضلي وأني فاسخها للخطوبه من زمان
الاب:لك نذل اجتك ورايده تعدلك بس ذيل الكلب شيعدله
نور:حجي احترم اسلوبك اني ساكت لأن خاللك اعتبار
الاب:اعتبار شنو هو الاعتبار لاتحجي عنه لك طعنت شرف بنتي وخالل اعتبار،،،لك البنيه حامل
نور:حامل ،،،حامل ✊بوكسيات على بطنها
ضحى:لا لا وخر عني ااااخ👊نور راح اموت حرام عليك
زوجه نور:كااافيييي
ضحى/نور ضل يضربني واتالم والجهال يبجون وبطني صارت توجعني شكله الطفل راح يوكع ابويه يعيط وامي تضرب على وجهها والجيران ضلو يدكون الباب المسدس بأيدي
ف ضربته ل نور طلقتين
وارتفع صياح عالي زوجته تصيح نووووووووور
وواني ضليت اتنفس قوي وفاتحه عيوني نور وكع كدامي وأني وكعت وراه اغمى عليه
بعد عده ساعات احس نفسي بالمستشفى وابويه ويمه شرطي واكف
والدكتوره تباوع عليه بتااسف واسمع صوت امي وره الباب تصيح__خلوني ادخل لبنتي خل اشوفها ل اخر مره ارجوووكم
فتحت عيوني :اني وووين
جاوبني الشرطي:انتي بالمستشفى بس بعدها راح ترحين للسجن وووو
الدكتوره: بلامتحجين ابنج مات سقط الطفل
ضحى:لااااا،،،،نور نور وين
الاب:مات
الدكتوره:باجر تكدرون تطلعوها
ضحى/بعدها بيوم من بقائي بالمستشفى طلعت رحت للسجن وانحكمت3سنين بااعتبار قتل لسبب الدفاع عن الشرف والنفس طول هال3سنين محد زارني بالسجن تحطمت طفلي راح ونور قتلته،،،ولو مو اني قاتلته جان هو قتلني ونهى عليه ،،،طول فتره السجن افكر راح اطلع الكه ابويه سامحني وامي ،،،جنت كل يوم انتضر منهم جيه وماكووو،،،،،،
لحد ما طلعت من السجن بعد3سنين،ركبت سياره ورحت لبيتنا دكيت الباب طلع شاب
كتله:مساء الخير
جاوبني:مساء النور Jaymin
جاوبته:اهل البيت موجودين
جاوبني:اي موجودين
جاوبته:ابو البيت
جاوبني:ثواني واصيحه
ضحى/يارب يسامحني بابا_____بس هذا منو معقوله سجى اتزوجت،اي صح3سنين شفت البلاء الأسود كله بيها اكيد كلشي تغير
ف بهالاثناء طلع حجي كبير وكال:منو
جاوبته:عمو اريد مالك البيت
جاوبني:اني مالك البيت
جاوبته:لا ابو احمد
جاوبنى:هاااا باع البيت الي صارله3سنين
جاوبته:وين راح
جاوبني:شلكه طلع لغير محافظه
جاوبته:لأ وين راح اروح،،،،،زين عمو شكرا ،،عفتهم وطلعت
Jaymin
قررت اروح ل اختي مروه ،،ركبت سياره ورحت لها من وصلت جهالها فتحولي الباب وحضنوني
ف اجت مروه باوعتني من بعيد مثل النصدمت ركضت عليه جانت مثل المتوتره
ضحى:مروه اشتاقيتلكم والله
مروه:شرماج البلوه هاي لج شجاج
ضحى:طهرت نفسي من عاره
مروه:لج اهلج عافو البيت وهجو من حجي الناس،،،ابوج ميرفع راسه صار وطلع من المحافظه كلها
ضحى:رحت وكالو باع البيت Jaymin
مروه:لج اهل زوجه نور واهل نور دينتظرون بس تطلعين من السجن يوم يوم حتى يأخذون حقهم لأن ابوج تبره منج،،واخوانج هم
ضحى: حق شنوو
مروه:انتي بس ديربالج على نفسج
ضحى:مروه انتي ملاحظه اني واكفه بالباب
مروه:جان بودي ادخلج بس
ضحى:بس شنو
مروه:رجلي ميقبل ،وحالف يطلكني ويحرمني من جهالي أذا احاجيج او اذا عرف،،، وانتي هم انسجنتي و
ضحى:لج كافي مع الاسف عود انتي اختي،لج اني دافعت عن نفسي وانتقمت لنفسي قتلته وحتلو يقتلوني راح اكون سعيده
Jaymin
ضحى/بعدها عفتها وطلعت ،امشيت بالشارع على كيفي
حسيت كأني تايهه بلا اهل ولاامل ولامستقبل كلمات مروه ضلت ببالي ترن،،،وبنفس الوقت اشتاقيت ل امي وسجى وابويه ضليت احسب ٣سنين من العمر واجت على البال
شقه نور،،،لحد الان عندي مفتاحها يجوز بعدها موجوده
ف اخذت تكسي ورحت للعماره صعدت بكل هدوء باوعت بشباك الشقه لكيتها مقفوله وانتبهت على الجيران متبدلين
فتحت الباب دخلت الشقه موحشه مظلمه ممتلئ بالتراب
استرجعت ذكرياتي اني ونور من اليالي الحمراء إلى يوم قتله
بعدها رتبت الشقه وطفيت الاضويه خافته حتى محد يحس و طبيت سبحت تأخرت بالسبح وطلعت كبل بالصاله كعدت
بعدها دخلت الغرفه شفت شباك الغرفه مفتوح سديته اخذت المشط من الميز كعدت امشط لاحظت على المرايه مكتوب كلمتين ((راح تموتين))،،،طفرت من مكاني شفت هالكلام مكتوب بحمره من ضمن مكياجي بهالاثناء نطفت الكهرباء رحت اعلك شموع Jaymin
سمعت حركه بالشقه وباب انفتحت أجت الكهرباء ركضت لاحظت باب الشقه مفتوحه طلعت بره شفت صاحب الشقه الكبالنا ديفتح الباب شكله جان طالع ردت احجي وياه بس سكتت رجعت دخلت الشقه افكر بالي شفته وصار ويايه للحظه وحده اتمنيت باقيه بالسجن،،،،،رديت تمددت بغرفتي على السرير بي ريحه نور وذكرياته عشتها ليله مرعبه ما بين ذكريات نور وبين خوفي من الكلمات الي انكتبت على المرايا
، نمت بالليل وماحس اله الدنيا ضلمه وايد أجت يمي وضحكه شريره هاهاهاهاها
اقتربت مني حيل ولزمتني من ركبتي تريد تخنكني وأني اصيح لالاااااااااا عوفني لاتكتلني بس هو ما يهتم وأني ادفر بيه اخرشي هدني طفرت من السرير طلع سكينه كبيره وضليت اركض بالغرفة واصرخ اريد افتح شباك مينفتح اريد افتح الباب مقفوله ______اقترب حيل ورفع السكينه وووووصرخت صرخه قويه ،،،فتحت عيوني طلع كابوس
كعدت من نومي مرعوبه بس ابجي
كمت من فراشي رحت للمطبخ اشرب مي وكلبي كله يدك باوعت من الشباك وأني اشرب مي شفتها الدنيا صبح
رحت كعدت على الميز ووجهي يصب عرك بهالاثناء
اندكت الباب هنا ووكع الكلاص من ايدي
اخذت سكينه من مطبخ ورحت للباب وكلبي يدك ١٠٠دك بالثانيه و خليت السكينه وره ضهر وفتحت الباب ووووكلت________😐 بصوت معقووووله ووكعت السجينه من ايدي ____________يتبع
رايكم بالحلقه
وشنو توقعاتكم منو ا جه
تحياتي الكم الكاتبه جيمن Jaymin
