رواية_قدري_و_يا_احلى_قدر.

_قدري_و_يا_احلى_قدر.5

البارت 5
_ يمة ليش محجيت من وكت يمة جان اجيناك ليش شايل الهم وحدك
_ صارت غفل بعدهة مداخلة بشهرهة بس تخربطت وكالو لازم ننقذ واحد منهم لو الام لو الجنين وكتبوني تعهد على مسؤوليتي وهسة اجة ابوهة واختهة واخوانهة كلهم هنا ودنتتظر رحمة الله ادعولهة يمة
بقينة على نار كل ساعة نخابر ونسئل لحد مگال طلعت من العملية تحت العناية المشددة وجابت بنية ومحلفتة قبل لتدخل cالعملية يسميهة ملاك ورة ساعة خابرنة منتهي گوة يحجي
_ ها معتز شنو الاخبار؟

_ ها يوم بعدهة بالعناية المشددة الدكتور گال اذا مرت اربعة وعشرين ساعة يزول الخطر
_ الله يعاين لحالك يوم
وكلنة دخلنة انذار وكل ميدگ التلفون گلبنة يدگ ويا
وورة ساعتين خابرت مرة عمي على معتز وچانت الكلمات تطلع من لسانة گوة
_ يمة انطتج عمرهة راحت رسل لدار حقهة
انگلب بيتنة بجي على صريخ على حسرة عالطفلة المشافت امهة ولاشبعت من حنانهة
وعلى ماحصلو فيزا عمي ومرة عمي وراحولة
ورة كم يوم كالو حيجيبوهم ويجون لان ماعدهم احد هناك مرة معتز چانت امهة متوفية وابوهة متزوج ماكو احد يداري الطفلة وية معتز اضطر يوگف شغلة ويرجع لبغداد
_ سلام يلله عيني دروح للمطار ترى همة على وصول
_ اوكي سمر وين مفاتيح السيارة
_ يمعود هياتهم يلله روح
_ ايلاف كمل الغدة
_ اي حبي كمل دااسوي زلاطة شبيج مخبوصة
_ ايلاف مدري شبية جسمي كلة يرجف من اشوف اخوية شلون شكلة شلون حصبرة اكيد هسة هو منهار مااعرف من اشوف الطفلة الي تيتمت باول يوم بحياتهة اووف والله ميتة قهر
وگامت تبچي وظليت نشهك ثنيناتنة ابدال مااصبرهة انهاريت وياهة
_ سمر سمر وصلو
دخل معتز وركضت سمر شبگت اخوهة وظلت تبچي اباوعلة عيونة غرگانة بس متنزل دموعة كللهة يلله حبيبتي هذا امر الله لااعتراض
_ البقاء في حياتك ابو ملاك ربي يصبرك
_ حياتج الباقية ايلاف شكرا
وفاتو للهول وخالتي جانت شايلة الطفل ملاك وصدك ملاك تخبل بيضة وناعمة ونايمة متدري بكل الي حواليهة
والبيت مخبوص ناس طابة وناس طالعة وكلهة جاية تعزي وهاي صار اسبوع على هالحالة ملاك جانت قليل تبجي بس من تبدي تبجي متسكت الة نظل شايليهة ونهزهة اني جنت اشيلهة واظل اغنيلهة تصفن علية وبعدين تغفى ملاك انزرعت بنص گلبي مو لان هي بنت حبيبي بس لان يتيمة مثلي واحنة ثنينة محرومين من حنان الام
الام الحقيقة الي مهما عاملوك بحنية محد ياخذ مكانهة واحتياجك الهة
_ اكلج باجر اداومين
_ اي سمر صار اسبوع ممداومة
_ اني جددت الاجازة
_ والله لوما عندي امتحانات فاينل فلا اروح لان كلش تعبانة واحس جسمي مكسر
رحت حضرت ملابسي ودااكويهم سمعت صوت معتز طبعا معتز كلش قليل اشوفة لان لو يمة خطار لو طالع گلبي يگلي نزلي وكعدي يمهم وعقلي رافض الفكرة بس الحمد لله اني من النوع الي دائما افكر بعقلي فتت لغرفتي وسديت الباب وتمددت على السرير ومن كد التعب محسيت الة على صوت المنبه فتت سبحت ولبست تنورة بيج قصيرة وفوگاهة قميص سمائي ربع ردان ورفعت شعري كلة بالماشات ليفوك ونزلت كم خصلة من گدام هاي تسريحتي المفضلة اذا معاجبني اسشور او من يكون الجو حار وحطيت ميك اب خفيف اني بطبيعتي مااتريك اكل بالكلية وية مروة نزلت وظليت واكفة بالطرمة انتظر الخط وبيدي الملازم انفتحت باب المطبخ وطلع منهة معتز لابس قميص زيتوني وبنطرون جينز باوعلي من فوك ليجوة ورفع تك حاجب وگال
_ صباح الخير وين رايحة
_ صباح النور للكلية داانتظر الخط
_ زين خلي اخذج بطريقي انطيهم خبر
_ اخاف طريقك غير طريقي واعطلك
_ لا انتي وين اداومين
_ بجامعة بغداد بالجادرية
_ اي زين لعد نفس طريقي امشي
دزيت مسج لبنية وياية بالخط وصعدت ويا واني كلبي ابدال الدكة الف
حسيتة منعقج بس معرفت على شنو ومثل الواحد يريد يحجي ومتردد بعدين كسر الصمت وكال
_ حلو الجو
_ اي كسر الجو وصار حلو هذيج الايام كلش حارة
_ بس انتي مبين محترة
بهتت واصفريت معقولة حس بايدية من كد ماافرك بيهم من ارتباكي عركو معقولة حس بية صخنت بمجرد ما گلي صباح الخير
_ لا ليش محترة ؟ زين الجو
_ مو لبسج مبين مال وحدة محترة ! لو .....
_ لو شنو
_ لو لابسهة هذا اللبس متقصدة لناس مهمين
_ مفتهمت شتقصد
_ ايلاف اني اكبر منج وافهم يعني لبسج مو مال وحدة رايحة كلية تنورتج قصيرة كلش وانتي الله يستر عليج حلوة ممحتاجة هذا اللبس حتى تصيرين احلى
اني جسمي كلة يرجف ومااعرف وين اودي وجهي من الخجل ظليت ساكتة مااعرف شگول لحد موصلنة كال
ايلاف زعلتي مني
لا على شنو ازعل بس حتى يكون بعلمك اني ملابسة هذا الشي لأحد معين .. اني هيج احب اللبس والموضى بس مو بقصد جذب النظر لا.
وطلعت وسديت الباب وراية
اول مفتت للكلية لاگاني واحد
السلام عليكم ممكن احجي وياج
لاااااااااااااا
&
&
&
#رواية_قدري_و_يا_احلى_قدر.😻🦋

فدوه علقو ع قصه ماكو قليلل وذا معاجبتكم كلولي وحذفها