رواية_قدري_و_يا_احلى_قدر.

_قدري_و_يا_احلى_قدر.6

البارت 6
عطت بوجهة بدون مااحس بنفسي ومشيت سريع للحمامات غسلت وبردت روحي ورجعت صعدت للقسم كملت محاظرتي ورجعت للبيت
هاي شصار بيج يمعودة عبالي مداومين
مروة طالعة روحي مختنگة گوة اجيت
شبيج شصاير ؟؟
بعدين نحجي دخل الدكتور
مرت ساعة واني صافنة لحد محسيت الطلاب ديتحركون بمعنى انتهت المحاظرة والدكتور طالع واني محاسة
- يلله امشي ننزل
- ايلاف هم معتز
- مروة تعبانة جنت اصبر روحي گوة هسة طول الوكت گبال عيني وهالطفلة المسكينة لو تشوفيهة تشبعين قهر وفوگ قهري اليوم يحجي على لبسي وسمم بدني من الصبح يكلي !!
- بدون زحمة ايلاف اريدج بحجاية
- اخي انت متمل مو الف مرة كتلك مااريد احجي ومااريد اسولف
- ايلاف اني مو صغير ولتستغلين مشاعري تجاهج وتحجين وياية بهالطريقة ترى مالة داعي هالاسلوب
- اني اسفة صدگني هذا مو طبعي بس شوية ضايجة
- واطلعين ضوجتج بية يلله ميخالف اتحمل لخاطر هالعيون ،، باعي السنة حتخلص ومباقي غير شهر انطيني حجاية اريد اعرف راسي من رجلية
ترى اني جاهز من كل شي مناقص غير بس موافقتچ
- ارجوك ،، موضوع الارتباط حاليا غير وارد بحياتي بعدني باول الطريق واريد اكمل دراستي
- ومنو كلج اني محخليج تكملين،، صدكيني اني راح اساعدج واوكف وياج لحد متتخرجين وحتى ماعندي مانع اذا بالمستقبل
- مااعرف ،،صدگني انت انسان كل وحدة تتمناك
- الة انتي مو؟؟
- لا مو هيج بس اكو ظروف بحياتي انت متعرفهة لهذا مااكدر انطيك اي اجابة
- ايلاف اني اذا احط شي بالي متتخيلين شسوي لحد مااحصلة
- من رخصتك عندي محاظرة
-انهزمي انهزمي روحي سمر بس تتلاگة الوجوه
رحت على مروة ركض واريد اطلع
قهر هاليوم الي مناوي يخلص ،،
- لج كم مرة گتلج لتعوفيني بهيج مواقف
- يعني يا ايلاف شتريديني اوگف يمكم مراقب ميصير ياحبي اني تدرين بية اخجل بهيج مواقف مااكدر اظل موغفة على كلبكم
رجعت للبيت بعد ماطلعت روحي من الازدحام وصلت شوية متأخرة لكيتهم ديتغدون
- ها يوم شو تأخرتي اليوم شنو السالفة
- والله ازدحامات هلكت
- افوت ابدل ملابسي واجي
بدلت ملابسي ورجعت لكيت معتز كاعد عالسفرة رفع راسة صارت عيني بعينة نزلت عيني وكعدت اكل وياهم
- الوف شنو رأيج نطلع لشارع فلسطين العصر محتاجة هواية شغلات
- اذا ترحون اني اوصلكم بطريقي لان عندي شغل بشارع بفلسطين العصر
- اي عزو فدوة لطولك ودينة
- بس سمر اريد انام شوية
- يعني الوف انتي متشبعين نوم
- لا والله تدرين بية اذا ماانام يبقى راسي يئذيني
رفع راسة وباوع علية ورجع نزل راسة ياكل خلصنة غدة ولميت المواعين دااصعد الدرج وشفت باب معتز مفتوح وسرير ملوكة صاير گبال الباب بدون تفكير اخذتني رجلية لفراشه اباع عليهة شلون نايمة
اوي فدوة لله شلون براءة تحركت شوية نصيت وكعدت على رجلية وظليت اهز بيهة فتحت عيونهة وظلت تبجي بعدين باعت علية وسكتت ظليت اناغيلهة وهي تباع علية وجان تضحك
- اوي من فدوة رحت لضحكتچ ياعمري
- حلوة ضحكتهة مو ؟
فزيت بس مبينت على نفسي
- اي فدوة شلون برائة ونعومة ،، وگمت وكفت چان يگول
- ايلاف !!
انتي زعلانة مني ؟؟
- لا
- متأكدة ؟
- لا والله بس اني تحسست لان اول مرة احد يوجهلي هيج كلام بصراحة كلش حز بنفسي جملتك الاخيرة
- ايلاف الدنيا محلوة والناس عليهة بالظاهر اتتي بنت عمي وتهميني مثل ماسمر تهمني اخاف عليج نفس الشي
ضربني بخنجر من كال مثل سمر يعني اني مثل اختة لو محاجي احسن
- صح حقك ،،يلله من رخصتك حصعد انام
- يلله اليوم حتى اصالحج عازمكم على العشا ورة متخلصون مسواك ماشي؟
- ماشي .
صعدت لغرفتي واني گلبي يرجف وراسي يريد يطگ اوووف ياگلبي شوكت تبطل رجيف من تشوفة
&
&
&
#رواية_قدري_و_يا_احلى_قدر.😻🦋

تعليق بصيط يفرح كلبي 😊