محمد.هي الحبوب عملت مفعول عكسي والا ايه 😨😓
سارة.يالهوي😱حبوب ايه انطق
محمد.دى...دى ڤيتامينات😓
سارة.ڤ..ڤيتامينات😧يخربيتك بتاخد منشطات 🙈😱😱
محمد.خليكي قولى يخربيتك يخربيتك وهو شكله هيتخرب من قبل م يعمر😠
سارة.مين اللى عطاك الحبوب دي؟انطق😠
محمد.عمي 😒
سارة.عمك😣عمك يا محمد بتاخد حاجة من عمك بعد م مراته كانت هتعمل لك عمل😠
محمد.ماهى جت صالحت امى وقالت إنها ندمت واحنا صدقناهم
سارة.صدقتوهم...جاى تصدقهم ليلة الدخلة 😠😱
محمد.سارة...اوعى تقولى لحد اللى حصل ده يا سارة😓
سارة.لا طبعا ...ماتخافش ..انا أصيلة ومن بيت اصيل مش واطية زى عيلتك
محمد.😒
__
تاني يوم الصبح ف بيت العرسان..سارة نايمة ومحمد واقف ف الشباك بيشرب سجاير لما سمع صوت الباب
محمد.سارة😨
سارة.خمس دقايق يا ماما💤
محمد.ماما مين😠قومى انا محمد
سارة.عايز ايه...سيبني انام
محمد.الباب بيخبط😓
سارة.طاب م تفتح
محمد.اكيد مامتك
سارة.ماهى اكيد مامتى...ماهى عارفة اننا متجوزين ..روح افتح وسيبني انام
محمد.سارة😠قومى اصحى...انا هفتح الباب بس اوعى تقولى حاجة لامك
سارة.لا ماتخافش..روح بس افتح
راح محمد يفتح وكانت نهال و ياسر
نهال.صباحية مباركة يابني
محمد.الله يبارك فيكى يا طنط اتفضلوا
ياسر.الف مبروك يا ابو حميد.. الجواز بان عليك
محمد.بان عليا😨بان عليا ازاى...قصدك ايه 😓
ياسر.ايه يا عم مالك...قصدى البيجامات الحرير والبرفانات النضيفة...ده انت معفن
محمد.ا...اه😁 هنادي سارة
سارة.من غير م تنادي ...انا جيت ازيك يا ماما
نهال.ازيك يا حبيبتي...عاملة ايه
سارة.الحمد لله ..بخير ،ازيك يا ياسو
ياسر.مبروك يا بت يا سارة 😘خلاص كبرتى واتجوزتى وكلها كام شهر وولادك اشيلهم على أيدي
سارة.ربنا يخليك ليا يا ياسر..اومال فين يامن و زين و ريم وفين بابا ماجاش معاكوا ليه...دول وحشونى اوى
ياسر.لحقوا يوحشوكى..الله يرحم الخناقات اللى كانت لحد امبارح
محمد.تشربوا ايه 😁
نهال.اقعد انت يابني
محمد.لا اسيبكوا تتكلموا مع بعض انتوا 😃
دخل محمد المطبخ وعند سارة
ياسر.خدى يا سارة ...دى نقطتك منى
سارة.كل ده يا ياسر
ياسر.مفيش حاجة تغلى عليكي ..الف مبروك
نهال.ايه ده يا ولاد
محمد و سارة.😨ايه
نهال.ده صينية العشا زى م هى ..حتى م اتفتحش
سارة.ماكنش لينا نفس يا ماما
ياسر.صحيح هما فاضيين بقى😉
محمد.هه..ههه..ه...هههه😧
الباب بيخبط تاني ومحمد و سارة بصوا لبعض بقلق وراح محمد يفتح
عبلة.صباحية مباركة يا نور عيني 😄
فوزية.صباحية مباركة يا عريس😏
محمد و سارة .انتى 😨😨😨😨😨
........
محمد.ايه اللى خلاكي تجيبي الولية دى معاكي 😠
عبلة.خبطت على بابي وقالت نيجي نطمن عليك ..اردها
محمد.انتى هتجننيني..هتخليني اطلع اردها انا 😠
عبلة.عشر دقايق وهاخدها ونمشي
محمد.انا لسه هستنى عشر دقايق تكون زعلت سارة
عبلة.سارة 😒سارة دى ايه كمان اللى خايف على زعلها من دلوقت..ايه هي لحقت تاخدك تحت جناحها
محمد.جناح ايه ...هو انا متجوز فرخة 😒وبعدين سارة دى مراتى عاجبك او مش عاجبك مراتى..هتقومى تطلعى معايا والا اطلع واسيبك مش كفاية مجرجرانى هنا وحابساني ف الحمام زى العيال الصغيرة 😒
عبلة .غور قدامي 😠جوازة الندامة
طلع محمد وأمه وكانت نهال قاعدة بتتكلم مع فوزية
عبلة.يلا يا ام يسرا
فوزية.اتاكدتى أنه اتجوز ؟
عبلة.ايوه طبعا .ربنا يحفظه
فوزية.طاب فين الدليل
محمد.دليل ايه
فوزية.دليل انك اتجوزت وان اللى اتجوزتها بنت بنوت مش.....😏
نهال.اخرسي قطع لسانك ولية قليلة الادب زفرة...ده انا بنتى اشرف م الشرف دى م اتكشفتش على راجل غريب..ال بنت بنوت..اتبنت عليكي حيطة ..جرى ايه يا محمد انت هتسيب الولية دى تخوض ف عرض مراتك
عبلة.انتى اتحمقتي كده ليه...عندها حق ..لازم نطمن على ابننا وشرفه
ياسر.شرفه...قومى يابت البسي..مالكيش قعاد ف البيت ده
محمد.ايه يا ياسر..تمشي معاك فين انت بتهزر
ياسر.لا يا عم مابهزرش...اما اهلك يعرفوا ازاى يحترموا اختى ابقى تعالى خدها..هتبقى ف بيت ابوها
سارة.بس اهدوا يا جماعة...انتى ياست انتى
فوزية.انا
سارة.اه انتى ....بره
كلهم.😮
سارة.ايه قلت حاجة غلط...بره
محمد.عيب يا سارة دي ف بيتك
سارة.طالما ف بيتي يبقى تحترم صاحبة البيت ...وطالما م احترمتوش يبقى مش من حقها تدخله
فوزية.انا همشي بس انتى اتحمقتي كده ليه..والا كلامي جه ع الجرح
سارة ودانها بقيت بتطلع دخان وعينها بتنور بشر
محمد.لولا انك مرات عمي كنت ضربتك...بره
نهال.مستنية ايه ...ما قالولك بره والا السمع بعافية
عبلة.انا مش شايفة اللى قالته غلط
محمد.تعالي معايا
سحب محمد امه من ايدها لاوضة نومه وقفل الباب
عبلة.عايز ايه...قولى ايه اللى حصل
محمد.اللى هقوله ده ورحمة امك ماتقوليه لحد
عبلة.انا عمرى طلعت سرك
محمد.ماما😠
عبلة.خلاص مش هقول المرة دى
محمد.انا مااتجوزتش
عبلة.نعم ياعين امك...ازاى
محمد.مش امبارح كانت ليلة دخلتى..انا م اتجوزتش
عبلة.يالهوى😱
محمد.عمي ادانى حبوب امبارح
عبلة.وخدتها منه😱
محمد.امممم
عبلة.يا نكبتي فيك 😱الولية دى شربتك العمل يا ضنايا😭
محمد.اهدى ياما ...خير
عبلة.وديني وايمانى لأكون فضحاها
محمد.تفضحي ايه بس سيبك منها ...عرفتى ليه بقى سارة مش طايقاها
عبلة.عرفت يا محامي😒
........
محمد.مبروك يا عروسة
سارة.الله يبارك فيك
محمد.بقيتي عروسة بجد اهه...مش كلام على ورق😘
سارة.ماهو الكلام ع الورق كان بسبب علتك يا حبيبي 😏
محمد.مايبقاش قلبك اسود بقى 😂
سارة.تشرب حاجة؟
محمد.حاجة ايه اللى هنشربها دلوقتى انتى بتستعبطي..ده انا عريس ولازم اتغذى
سارة.اه صحيح م انت م اتعشيتش امبارح 😂عموما الاكل بره ماما جايباه
محمد.جايبة ايه😄
سارة.فطير و عسل و بط
محمد.اللهم صلي ع النبي 👏
__
حسين.انا مش فاهم هما عايزين مننا ايه..هو الجواز بالغصب ده كله نصيب
عبلة.مرات اخوك طول عمرها بتكرههم عشان انا جبت صبيان وبنات وهى ماجبتش غير البنات...وكانت فاكرة انها اما ناخد العيال لبناتها تبقى كده غلبتني
حسين.طاب وبعدين هنرتاح من اذاها ده امتى
عبلة.محمد هياخد مراته ويسافر اخر الشهر واهو نخليه يشوف حاجة لاخوه ويبقوا الاتنين بعدوا..والبنات اسراء هتتجوز اخر السنة وهتبعد مش هنعرفهم حتى طريقها فين احسن ترش للبت حاجة...مفيش غير جميلة ودى مدارية ماحدش يعرف حتى شكلها غير ف المناسبات
حسين.ربنا يسهل الحال
__
اسراء.سمعتي اللى سمعته🙈
جميلة.لا ماسمعتش😂
اسراء.يا عيني يا محمد..تلاقي فضيحته بقيت مسمعة
جميلة.😂😂🙊
الباب اتفتح وامهم باصة لهم بغيظ
عبلة.انتوا سمعتوا ايه
جميلة.كوووول حاجة...من اول الحبوب لحد الخناقة 😂🙊
عبلة.تبقى واحدة فيكوا تنطق بحرف وانا هقطع لسانها
جميلة.ف بير🙊
اسراء.ابدا(حمدى و خالتو ميرفت بس )
عبلة.اسراء😠
اسراء.خلاص والله
__
بعد يومين ف شقة سارة ومحمد
زين.مبروك يا ابو نسب
محمد.عقبالك
زين.ده لو اتخرجت من الكلية الفقر دى ابقى قول عقبالك😧
يامن.الراجل بيقول كلمة هتفتح له محضر
ريم.هو انتي يا سو مش هترجعى تعيشي عندنا
محمد.لا خلاص دى هتعيش ف قلبي هنا مش هتسيبه ابدا
زين.ايوه يا عم 😉
نهال.ربنا يحفظكوا يا ولاد..اتشطروا كده وهاتولنا عيل بسرعة
محمد.دعواتك يا طنط
احمد.يلا يا ولاد
سارة.يلا ايه بس يا بابا..انت واحشني اوى
احمد.يلا نسيبكوا انتوا يا عرسان بقى عشان مانبقاش ضيوف تقيلة..خدى بالك من نفسك يا سوسو ...خد بالك منها يا محمد
محمد.وصيها هي عليا ...ده انا غلبان
ياسر.غلبان اوى 😏
محمد بيضحك بتوتر وهو بيحك رقبته
محمد.هتفضحنا والا ايه 😂 خلينا ساكتين
يامن.بتعمل ايه يا طفس
زين.ايه باخد شوكولا
يامن.واحدة مش العلبة
زين.سارة راضية..اطلع انت منها 😒
سارة.عينيا ليك يا زينو..خدها كلها يا حبيبي
محمد.هو ايه اللى حبيبي..الكلمة دى ماتتقالش غير ليا انا بس
احمد.طاب يلا احنا بقى😂
__
محمد.سارة حامل
عبلة.انت لحقت😨على راي المثل..الخلفة الزفت دايما مبدرة😒
محمد.شكرا😁
