بيان: كمت نزلت يم البنات بقينه نسولف ونضحك واتعشينه وبقينه سهرانين كلنه بغرفه ملاك وروان وكعدنه نشوف فلم THE BVG كلنا يعني اني ووسام واحمد وكرار وروان وملاك ومحمد سهره الا فد شي تموت اني نعست وكمت كتلهم اني رايحه انام
ملاك :انجبي وين ابقي ويانا
روان : اي فدوه ابقي
بيان :ماكذر حيل نعست يله جاوووو
كرار : عوفوها تره تنام وهي كاعده والله
ملاك : وانته شمدريك 😜
كرار : ويان رايح عنها غير عايش وياهم نفس البيت لعد حيل زين بقيت لهيج وكت بيتهم تلكوها بسابع نومه بس السبع الي يوصللها ويكعدها تقلب البيت كلب
بيان : اشم ريحه قشبه (يعني جاي تحجون عليه)
كرار : استاذ وسام اخذ مرتك وروح
وسام : اصلا اني كايم انام
بيان : طبيت للغرفه لبست ملابس النوم وحطيت راسي ع لمخده وطب وسام
وسام : كمت من يمهم ورحت طبيت للغرفه شفتها نايمه كلت خل اخابر مروه
وسام : الو ها حبيبتي شلونج
مروه : هلو تمام وانته
وسام : شبيج يا عمري شو متغيره
مروه : صدك ذكرتني الف مبروك زواجك
وسام : ومنين عرفتي
مروه : ماكو شي ينضم استاذ وسام.........
وسام : حبيبتي فاهمه السالفه غلط اني اخذتها حل للمشاكل الي صارت لا اكثر وهي بس زوجتي ع الورق
مروه : اييييي حيل صدكت بس عود اكلك عيب عليك وعدتني وما وفيت بوعدك
وسام : مرره تره اجاوزتي حدودج
مروه : لا بربك هي يا حدود هاي تجي وحده من الشوارع تاخذ حبيبي يله باي وقفلته
وسام : نرفزتني من حجت هيج وسدت الاتصال بوجهي.... بقيت اباوع عليها تقربت يمها شفتها تحرك بعيونها يعني كاعده كتلها تره فاشله بلتمثيل
بيان : كعد وسام يحجي ويه حبيبته ويشرحله مدري ليش بداخلي ضجت واني حرام عليه اخذ شي مالت غيري مغمضه واحجي بداخلي احس شي تقرب عليه وكلي تره فاشله بلتمثيل
بيان : هاااا
وسام : وجعا
بيان : وسام ممكن احجي وياك بموضوع
وسام : تفضلي
بيان : صح اني صرت زوجتك بس ع الورق بس اني ميصير اباوع عليك او اتقربلك وانته مو شي يخصني
وسام : بس.......
بيان : بدون بس خل اكمل.... صح اني وياك بنفس الغرفه ويجوز كمت احبك شويونه بس مو معناها انو اخذك من حبيبتك ف اريدك تزوجها لان خطيه البنت من ينكسر كلبها بعد ما يصلح وادري انو اني حضوج وازعل واحتمال ابجي بس انته مو الي انته ملك شخص ثاني والي هي مروه ف ارجوك متوقف حياتك علمودي او علمود اي شخص بلكون واسفه لان كلتها بوجهك هيج هههه بس صريحه محب اضم شي يله تصبح ع خير بيباي ولفيت راسي ونمت
وسام : حجت كلشي بداخلها شكد بسيطه بس انصدمت من اعترفتلي اريد احجي وياها كابت تصبح ع خير ونامت كلت والله هاي مجنونه بس كلامها صح المهم نمت
بيان : كعدت الصبح ب 8 كمت سويت ريوك يس مو حيل اعرف وجاي والي كوب كهوه وطلعت عمتي صبحت عليها
بيان : صباح الخير عمه
ام وسام : صباح النور بنيتي.... شنو مسريه ريوك
بيان : اي عمه تفضلي خل اصبلج جاي..... بهاي الاثناء نزلت ملاك
ملاك : صباح الخير جووووعانه
بيان : تعاي اكعدي صبيلج جاي بين مكعد وسام عنده شغل صعدت اكعده شلون نايم اول مره انتبه لملامحه كلش حلو انوب ايدي اخذتني لحيته كمت العب بيها فتح عيونه وكال
وسام : جنت شبه نايم حسيت احد اجه يمي اشو كام يلعب بلحيتي فتحت عيني عاي بيان شجابها وكتلها صباح الخير بس اباوع عليها صارت خدردها حمر من الخجل
بيان : عزززززززا ولج يا ثوله شسويتي هسه شنو يفكر امداج يلفطيره امشي خل انزل جوه اساعدهم بلشغل
ام وسام : بنيتي تعاي اعلمج ع الطبخ
بيان : اي عمه علميني
ام وسام : كعدت اعلم بيها بسرعه تاخذ وكلت بداخلي الله يهدي ابني عليها
وسام :نزلت لكت الكل موجود واكلت جم لكمه وكمت رحت للشغل التقيت بصديقي
عباس : هلو عمي وين ما وين شو مختفي
وسام : والله تعرف ضروف صارت بلبيت
عباس :الله يساعدكم عمي الي صاز بيكم مو قليل
وسام :الحمدلله وشكر على كل حال هاي ارادة ربك شنسوي عباس :ونعم بالله
وسام : شخبارك امورك والله مشتاقلك يا جلب
عباس :اهوووو رجعنه للسانك الزفر الحمدلله مدام صقيقي الجلب بخير اني بخير
وسام :عههههههه امشي خل نكمل الي بيدنا ونرجع نسولف
عباس:مشينا
........
صازت الساعه ب 1 زجعن ع البيت لكت بيان بلمطبخ د تتعلم تسوي اكل شفتها شلون كايله هههه شكلها يضحك تخاف من السجين رحت سلمت ع الحجيه وعلى ابوي وصعدت ارتاح وصحت عليها بيان بيان تعاي اريدج
ملاك : اعتقد وسام يريدج جيبي من ايدج صالج ساعه بس بهاي فطيره.
بيان : طالعه عليج حبي 😜..... رحت صعدت علي كتله ها
وسام : بلا زحمه عليج حضريلي الحمام اريد اسبح وملابسي هم حضريها
بيان : يدلل الحلو رحت حضرت الحمام وملابسه كتله شنو تليس كال تراك لونه اسود...... على فكره ملابسه كلها سود حضرت كلشي بس اصفنت بين تراكين ثنينها سود وانتظرتع يطلع طلع حاط الخاولي ع جسمه باوعت علي وفتحت عيوني وحطيت ايدي ع عيوني وكتله شنو مخبل تطلع هيج
وسام : عليمن ولج
بيان : عليك متكول اكو مره هنا عايشه وياك نفس الغرفه
وسام : عادي مو غريبه انتي زوجتي
بيان :لا مو زوجتك وانته مو شي يخصني لذلك بعد لتعيد عاي الكلمه لا الطش بيك وماخليك تاخذ غيري ههههه
وسام : صدمني كلامها وكمت اضحك كتلها اني مو ملك تحد فهمتي وكرصتها من خدودها وبدلت ونزلت
بيان :خجلت كلش من كرصني ونزلت جوه جنه كاعدين كلنه ع السفره جاي يكرل وسام عندي شي مهم احجي وياكم
ابو وسام : اي بويه اتفضل
وسام :بويه اريد ازوج وحده وياي واحبها اريدك تخطبلي اياها بيان :غصيت ب الاكل وباوعت لكرار لان يدري اني احبه
كرار :اخوي انته د تحجي صدك لو شقه
وسام :اي صدك حته بيان تدري وهي مالتلي ازوج مو بيان
بيان :تلبكت وكتله ايي بلعافيه بس كلش مقهوره وكمت كتلهم دايمه صعدت للغرفه علمود انقل غراضي بغرفه ثانيه لان بعد ماترهم نبقه بنفس الغرفه.....
تسريع الأحداث اجه يوم حلفه مالت وسام
ملاك : ولج عوبه كعدي وراج مكياج وملابس
بيان : اوووووف ماروح فدوه مابيه حيل اكعد.
ملاك : ترديهم يشمتون بيج ولج كومي لاموتج
...... شنو تتوقعون البارت الجاي.... بليز ساعدوني تره بعدني كاتبه جديده هاي اول قصه الي هنا 😘😘😘
