بارت7
ندى..
كعدت الصبح الهتفون بأذني والخط مسدود
ومااتذكر شصار
اخر شي ليث كالي نامي وبقي الخط مفتوح
اني شويه ونمت
وبعدها مااعرف شصاار .. اووف يا ربي
اشون عليه سوالف هذا البني ادم حيخبلني
فتحت الفون لكيت مسج منه
(صباح الورد، صباح الياسمين، صباح العسل، اشتاقيتلج اول متكعدين دزيلي مسج )
قريت المسج واني كلبي يدووك سريييع
مااعرف شنو يسوي بيه كلامه
كتبتله مسج..
(صباح الخير هستوني كعدت .. البارحا شصار؟ واشوكت سديت الخط؟!!)
ليث ..
كلتلها خلي الخط مفتوح ونامي
بالبدايه عاندت كالعاده ??
بس بعدين سكتتها وبقت الخط مفتوح بقينا نحجي شويه
وبعدين احجي وياها وهي مترد احجي ومترد وعلى صوت انفاسها عرفت هي نامت ، نامت واني كاعد بس اسمع انفاسها
وكلبي ذايب بيها بقيت اكوللها
احبج .. اعشقج.. اتنفسج .. اموت بيج .. هي نايمه متدري واني استغليت الوضع
اتخيلتها نايمه بحضني مثل الطفل الصغير
واني اباوع بوجها واتأملها
وامسد شعرهاا ...
اوووووف ربي معقوله تحقق حلمي وتصير الي
نذر عليه يا ربي اذا صارت ندى مرتي ما أذيها طول عمري ولا اخلي دمعه من عينها توكع
بقيت احجي وياها وهي نايمه متدرييي بشي
لحد ما انكطع الخط ب4 الصبح
خلص الرصيد .
اني هم خليت راسي ونمت لان نعست حييل
كعدت الصبح ب9 راسي يوجعنيي ألم مو طبيعي
رسلتلها مسج (صباح الخير.... اول متكعدين كليلي)
ونزلت كلتلهم سوولي استكان جاي وانطوني حبايه
راسي مأذيني.. تريكت بدلت وطلعت رحت للدوام خابروني رايديني..
بالطريق دااسوق رسلتلي مسج (صباح الخير ... البارحه شصار...)
اني.. ههههههههه احجي ويا نفسي
لو تدرين البارحه شصار مخليت كلمه غزل مكلتها وانتي متدرين????
رديت عليها..
(البارحه سويتي فلم هندي انتي ومتدرين كمتي تصيحين احبك ليث احبك ليث .. فضحتينا )
ندى... وصلني المسج مالته ????
عزا العزاني بس لا صدوك حجيت هشكل
بسرعه اتصلت عليه
ليث.. اتصلت عليه انطيتها رفض ورجعت اتصلت عليها
رن الجهاز اول رنه ردت .. بعدها نعسانه وصوتها يموووووت الصبح فدوه لله رغم هي معصبه وخجلانه ع بالها صدك كايله احبك
ندى.. هاي شدتحجي انت صدوك اني كولتلك هشكل؟!!!!
ليث... هههههه كولي صباح الخير بالاول
يمعوده دااتشاقه وياج البارحه بس خليتي راسج كمتي تشوخرين ????
ندى.. هههاي اني اصلا مااطلع صوت لما انام ?? بس من صدوك خوفتني ع بالي صحيح كايله هشكل.
ليث.. واذا كلتي شنوو لهدرجه خايفه تحبيني ؟!!!
ندى.. ها .. لا مو قصة خايفه احبك بس احنا اتفقنا تنطيني وقت .
ليث.. امممممم ع بالي ??
تعرفين اليوم احلى يوم بحياتي
ندى.. لويش؟!!
ليث.. لان غفيت على صوتج و صبحت على صوتج بعد شريد من الله
ندى .. خجلت وماعرفت شنو تحجي .. يلا ليث اني صار لازم اروح اتاخرت صارت الدنيا الظهر
ليث.. ماشي حبيبي ديري بالج على نفسج وانتبهي لدراستج
ندى.. ماشي .. مع السلامه
ليث.. مع السلامه عمري .
خلص اليوم كوله شغل وقرايه وتعب لانوو دنحضر للمشية مالت سهى
كعدنا كولنا مجموعين بالليل ودخل اخويه محمد..
سلم وكعد .. كال اني اليوم سألت ع هذا الولد الي متقدم السهى وطلعوا اهله خوش ناس وهو ولد خلوق ومؤدب كلها حمدت بي وبأخلاقه والاهم من هذا انه هو من نفس طائفتنا
يعني اني ماعندي اي مانع من بعد رأيك يابه طبعا خلي يجي يتتقدم وان شاء الله شايفه كل الخير سهى .
طرنا من الفرحه واخيرا محمد وافق كلللوووش
بابا..
الخير فيما يختاره الله ابني
بنتي سهى باجر بلغي للولد وخلي يجيب اهله ويجي وان شاء الله شايفين الخير
سهى خجلت وكامت واني رحت وراها
بقينا نركص ونكمز من الفرحه
ندى..
يا ربي مثل ما فرحت سهى فرحني ويا ليث اذا بي صالح الي يا رب ??
رحت لغرفتي ...حضرت ملابسي باجر دوام واشوف ليث ??
وراجعت شويه صارت ب11 ونص
باوعت ع الفوون ليث ممتصل ولا راسل مسج!!
استغربت صارله يومين جهازي ميسكت من رسائله اليوم ماكوو لا حس ولا نفس
ان شاء الله مصايرله شي ..
بصراحا ضل بالي ..
فكرت ارسله مسج بس اترددت
بعدين ماكدرت اتحمل كتبتله مسج ...
( مسائوو .. اشونك؟)
ليث...
وصلت للمقر وطلع عندي جرد بالرواتب مالت الجنود وتوزيع
اشتغلت النهار كله متت من التعب
و ندى لحظه مغابت عن بالي ..
بس مردت اعطلها عن دراستها واخاف لا اهلها يحسون ويسوولها مشكله ويخربون علينه بعدين.
ب4 الظهر كملت شغلي ورجعت للبيت سبحت وكبل نمت كلتلهم لحد يكعدني
ما صحيت الا على صوت الفون
باوعت الساعه ب 11 ونص بالليل
معقوله كل هذا الوقت اني نايم ??
شفت الفون لكيت مسج من ندى ..
يا ربي معقوله راسلتلي مسج؟!!!!
معناها اشتاقتلي ههه الظاهر وكعتي بالحب ست ندى
طلعت الرقم واتصلت عليهااا بلا مقدمات لان عرفت الفون عدها ومحد يمها من رسلتلي .
رن رنتين بالثالثه جاوبت ...
ندى.. هلاوو اشونك ؟!!
ليث.. هلو حبيبي الحمدلله من سمعت صوتج صرت زين انتي اشلونج ؟!!
ندى.. الحمدلله زيينه اني
ليث.. اليوم شعجب رسلتي مسج اكيد اشتاقيتيلي
ندى .. هههه لاااا مشتاقيت الاحد بس استغربت مو من عوايدك مترسل خفت صاير شي
ليث.. طبعا متشتاقين الاحد انتي تشتاقين بس الي اني ( مالتج)
ندى... خجلت ... مكلتلي لويش مختفي ان شاء الله مصاير شي !!
ليث ... لا حبيبي مصاير شي بس بالدوام اليوم خابروني وطلع عندي كوومه شغل واللتهيت مكدرت ارسلج ومردت اشغلج عن دراستج بس وداعت عيونج لحظه مرحتي من بالي .
ندى.. صدوك مكلتلي انت شنوو تشتغل؟!!
ليث.. اممممم تردين تعرفين؟!!
ندى.. اكيد
ليث.. ماشي باجر بالدوام حسويلج مفاجأة وانتي حتعرفين شنوو اشتغل اني .
ندى.. ماشييي .. يلا حروح انام باجر دوام
ليث.. يلا نامي وبقي الخط مفتوووح
ندى... اهوووو ليث شنوو كل يووم هي ؟
ليث.. احنا شنووو اتفقناااا كلتلج بلااا نقاش يلا نفذي ??
ندى.. اوووووف منك .. ماشي تصبح على خير .
ليث .. اصبح على عيونج.. احبج يلا نامي .
يتبع
