ولا شي ، اريد منج وعد واذا خالفتي كلامي لا اني امج ولا انتي بنتي بعد .
ندى.. ماشي ماما .. وعد مااحجي ويا بعد لحد ما الله يفرجها ومحمد يقنع .??
الام .. اوكي ان شاء الله اذا من قسمتج ميصير لغيرج.
ندى.. الله كريم ??
ليث..
صبح الصبح واليوم اطلع من المستشفى واخيراً
فتحت الفون ورسلت مسج لحبيبتي ..
(صباح العشق .. صباح العسل .. صباح الورد ..اموووت عليج مجنوني)
ندى .. شفت المسج من ليث واتذكرت كلام ماما ..
اوووف اشون يا ربي .. خلي اكوله ع طلب ماما حتى ليضل باله ويعصب عليه مره لخ وهم تصير كارثه.. كتبتله
(صباح الورد حبيبي .. حجيتله كولشي كالته ماما وشنو طلبت مني ورسلته اله بمسج )
ليث.. ردت بمسج فتحته بسرعه .. قريت شنوو مكتوب بي ،
حيل ضجت بالبدايه.. بس بعدين فكرت بيها كلت حقها تخاف على بنتها واني هم ما اريد أذيتها ومااريد تخسر امها بسببي .
كتبتلها ..
(ماشي حبيبي راح اصبر امري لله اهم شي امج تستعجل وتقنع اخوج واجي اخطبج وتصيرين مريتي ??)
ندى .. شفت المسج منه وقريته مجاوبت بعد .
خلص اليوم عادي رحت ويا اختي سهى تشتري اغراض لزواجها لانوو بس تخلص السنه هذي تتزوج
فأنشغلت وياها انحضر ونشتري ونجهز
بالليل اجه انجمعنا كولنا ومحمد هم موجود ..
ماما غمزتلي يعني حتفتح الموضوع وياهم ..
اني بسرعه كمت ورحت لغرفتي .. مااريد انحرج لو اسمع كلام محمد وانغث .
الام .. ابو محمد عندي وياك موضوع .. وما دام الولد كاعدين حتى هم يعرفون وينطون رأيهم
الاب .. خير ام محمد شصاير ؟!!
الام .. ان شاء الله خير .. اكوو ولد ويا ندى بالدوام متقدم لندى .. ويريد يجي يخطبها على سنة الله ورسوله
محمد .. هاي شنوو هم من الجامعه اكيد عدها علاقه بي .
الام .. محمد احترم نفسك بناتي اشرف من الشرف وهاي الي تحجي عليها اختك .. والولد جاي من الباب ويريد يخطبها عيب تحجي على اختك هيج.
محمد .. دنك راسه وسكت مكدر يحجي شي .
الاب .. والله يا ام محمد اذا خوش ولد وابن ناس ما عندي مانع وان شاء الله اذا من نصيبه متصير لغيره.
محمد .. خلي نسأل عليه بالاول وانشوف أصله وفصله وبعدين يتقدم الله كريم
طبعا ام ندى مكالتلهم هو من غير مذهب حبت تحطهم كدام الامر الواقع حتى لتصير مشكله من هسه ومحمد يعترض.. رادت يسال عنه وبلكي يغير رأيه اذا عرف هو خوش ولد .
ليث...
طلعت من المستشفى ومرت الايام واني مااحجي ويا ندى ولا اشوفها لان اني مدااداوم ماخذ اجازه بسبب رجلي ، كل الي بينه مسج واحد باليوم مجرد اسألها عن اخبارها واكللها اشكد مشتاقلها
هي ترد بمسج واحد وبس.
اني خلال هاي الفتره متت مااكدر على بعدها..
حتى صوتها ما اسمعه ، ولا شايف عيونها صار اكثر من 10 ايام
اوووف يا ربي بعد مااتحمل اشلووون بيه
صح اني احبها بس مجنت اتصور لهدرجه متعلق بيهاا
احس روحي بعيده عنيي ، كلبي ماخذينه مني
بس اللي مصبرني انوو بالنهايه هي راح تصير الي .
ندى..
مرت تقريبا 15 يوم وليث مشايفته ولا سامعه صوته ..
احس شي بداخلي مفقود ، حتى ضعفت ووجهي تغيرت ملامحه ، وعيوني ذبلت
معقوله هذا الشوق هيج يسوي ؟!!
مكنت متصوره اني احبه لهدرجه بحيث بعده عني .. مرضني
بس اتحملت كل هذا في سبيل ما اخلف وعدي لماما
ليث كان يرسلي مسج واحد كل يوم .. واني كنت ارد عليه هم مره وحده لان اعرف هو مشتاقلي .. وكمت احس بالفراك اشون يتعب ويهدم الحيل
بس شنسوي لازم نصبر ماكو بأيدينا شيي .
مر شهر .. كانت الايام تمر عليهم سنين بسبب البعد والاشتياق
بس خلال هذي الفتره حبهم زاد اكثر وتأكدو اكثر من مشاعرهم .. وبقوا صابرين
يتبع....
