&_& لآ~تستهزأ بي "_"يا هذآ &_& (باللهجة الجزائرية)

# 1 #

فلاش باك: 

قبل 7 سنين

اثير:هيا نوضي نروحو نقراو راح الحال ايار نوضي

ايار:مممممم شحال الساعة 

اثير:اي 5:30 وماني اي تحوس عليك هيا نوضي ازربي

ايار : اوك اني نايضة 

ناضت وجدت روحها لبست هكدا وهبطت عند جدتها وداها خوها وصلها لليسي كان عامها الاول كانت من الاوائل تقرا ملييح وشاطرة تقعد فلاطابل الولى فالصف لي فالنص (خباشة كبيرة) كنت قاعدة وحدي بسكو البنات لي كانو معانا كامل سيفيليزي ويقولولها نتي تاع الشيعة والارهاب علا حجابها وهي كانت تقرا في مدرسة خاصة كنت قاعدة دخل المدير جابلنا واحد كان بقلاوة الله يبارك مي ماديتهاش فيه والبنات كامل يشوفو معاه قاللنا 

المدير:هدا زميلكم جديد اوس +++ احترموه وعاملوه كيما زملائكم لخرين 

التلاميذ :حاضر 

الاستاذ:ايار بنتي ماعليش يقعد حداك مكانش بلاصة 

ايار:نعم استاذ عادي

راح اوس قعد حداها لا سلام لا كلام 

حسيتو متكبر وحاسب روحو ماحكيتش معاااه طول وديتها غير فقرايتي فاتو ايامات وشهور وانا واوس ماحكيناش مع بعضانا وحد النهار كنت مريضة ماقدرتش نزيد نهز راسي حطيتو على الطابلة وغمضت عينيا 

اوس:اي نتي يا وسمك هزي روحك والخماج لي عليك من فوق ادواتي ياخي ارهابية 

هزيت روحي وماكترتش معاااه 

الاستاذة سمعتو وقالتلو:اوس احترم زميلتك وواحد منزيد نسمعو هدرلها حاجة على اللباس تاعها ولا على هندامها كل واحد واش يلبس هي اوموا ساترة روحها ماشي كيما بنات وشافت مع اناييس 

اوس:حاضر استاذة (وتنشع قدام التلاميذ )

من تم ماحكيناش انا وهو خلاص ومبعد كملنا القراية وفوتنا العامين لي مازالو وصلنا للباك وانا زدت شبحت روحي واوس مزال حدايا كي كان يقعد حدايا ويكونيكتي كنت نشوفو يحكي مع خمس بنات في نفس الوقت والكلام لمعسل مي وحد لمرة وصلو ميساج من عند واحد وسمو ريان يبان خوه قالو يما راهي مريضة وفالسبيطار لازم تجي حتى لقيتو خبا تيليفون خبا ادواتو وخلا النص فيهم وخرج بلا استئذان وراح مقلق بقيت مقلقة عليه وغدوة جا يقرا كي جا جبد ادواتو لقاني مديتلو ادواتو لي خلاهم حطيتهملو فوق الطابلة وقتلو بلا مانشوف معاه