لا يا زمن 🔞..

بارت ١

بابا . يلا اساور ..
هممممم 😴 ...
بابا. يلا كومي ساعه سته ...
يلا بابا كايمه ....
🚶‍♀️🚶‍♀️🚶‍♀️🚶‍♀️🚶‍♀️

طبعا كمت واني مغمضه لان البارحه مانمت لحد الثنتين نسولف اني وصديقتي

واني افرك بشعري طلعت من الغرفه ..صباح الخير بابا
بابا ..صباح الخير يلا تعاي تريكي ...
جا وين ماما ....
بابا ..جاي تقره ادعيه ماتدرين بيهه يلا علما تغسلين هيه جايه ...

رحت غسلت وجهي توضيت وصليت ودعيت الله يحفظلي اهلي واخواني
خلصت ومشطت شعري واجيت اتريك(طبعا احنه بيتنه يجوز اكو سالفه شوي مختلفه عن بقية الناس احنه بابا اللي يكعدنه الصبح للدوام موماما صحيح ماما تكعد ويا يكعدون ويصلون ويحضرون الريوك بس متعودين
من احنه زغار بابا يكعدنه وطبعا دائما من يكعدنه يقدم ساعه كامله عن الوقت اللي كعدنه بي بحيث نطفر من الجربايه كبل للحمام هههههه وتالي يطلع مكعدنه قبل موعد كعدتنه اصلا هههههه)...

...كعدت تريكت لكمتين وكمت
ماما ..شبيج ماما اكلي وراج دراسه ...

...يو ماما تدرين بيه مااشتهي هسه من اروح اكل ويه البناات ...

دخلت للغرفه بدلت وخليت مكياج بس حمره مااطوخهه ولا مورد خدود ومن اروح للكليه بالكافتريا اعدل اني والبنات لان بابا اللي يوصلني وزحمه كاعده بصفه ومكياجي قوي بس بالكليه عادي رغم مااطوخ كلش اني....

خلصت رشيت عطر. وطلعت يلا بابا اني خلصت

بابا...يلا اني مخلص ماعندي شي

طلعنه ..طبعا بابا من نطلع يشغل قران بالسياره بس من تصير سبعه ونص يخلص ويطلعون تنبؤات للابراج
كل يوم فاسمعهه يلا انزل .
وصلت للكليه رحت للتفتيش خلص ورحت للكافتريا اللي يوميه نلتقي بيهه اني والعوبات ملاتي

لكيتهن كلهن كاعدات
...صباحووو. بوستهن وكعدت
طبعا اعرفكم ع صديقاتي
نور.
كانت متزوجه من ولد ويانه بالكليه كلش حباب
تزوجو واحنه بمرحله ثالثه وهسه هيه حامل
زينب .
جانت تحب ولد ويانه من جماعة الراسبين دخلنه للكليه وطلعنه وهوة يعيد جان شرطي وظلت اربع سنين ويا وكل يوم مشاكل
دعاء..
تحب واحد امه موظفه بالكليه وهوة كلشي ماعنده غير يفتر ليل ونهار بالكليه وكل يوم مصاحب وحده وسمعته زفت بالكليه بس جان يحبهه وكل يوم ويه وحده ويتعاركون ويرجعون ملينه منهم

فاتن .
حبت مرتين مره ولد حبته وظلت سنه ويا تالي مااتفقو وواحد ترك الثاني

والثاني علاوي ويانه بالقسم بس مدري شلونه عينه زايغه حتى ع بنات قسمه ومايحبهه بس هيه اكول اني احبه واظل ويا ....

زينه .
من بغداد بس مهجرين وكاعدين بالعماره يم خوالهه .فكاعده بالاقسام الداخليه بداخل الكليه ويم قسمنه
حبت واحد اول مادخلنه للكليه ورما موت روحه عليهه ومن ارتبطت بي وره فتره درت بي متزوج وتركته ولماارتبطت بعد لحد مرحله رابعه اسمه محمد يحبهه وارتبطت بي
يعني بالمختصر صديقاتي كلهن مرتبطات الا اني .....
.
.
اكولجن بنات شنو شخباركم ماكو جديد
نور ..ماكو انا الحمل موتني وكوة يالله وصلنه اليوم ازدحام متت
فاتن و زينب...ماكو جديد
دعاء يا ولج سكتي شفت منو
...منو
دعاء كريمه كريمه ههههههه
...اهوووو هذا مايمل(طبعا اسمه كريم بس الشله مسميته كريمه كريمه ماادري ليش ههههه)