لا يا زمن 🔞..

بارت٢

صار الصبح اجه بابا كعدني كالعاده كمت غسلت وصليت تريكت وبدلت وطلعنه
وصلت للكليه ورحت للكافتريا صبحت ع البنات وكعدنه
...اكول تدرون ماظل شي ع نص السنه واحنه البحث مالتنه صلوات كلشي مابلشنه بي
فاتن..اي والله نوب مااعؤف شون ابلش بي
دعاء...نسال جماعة منتظر اللي جانو العام مرحله رابعه
زينب...لابربج منين تجيبين منتظر حبوبه
....لا شالقضيه كل وحده تسال المشرف مالتهه
اني وفاتن وفرح مشرفنه هاشم
وانتي دعاء
دعاء ...اني علي
بس نويره وزينه ماادري منو مشرفهم
...صدك نور وين اليوم امتحان ولحد الان مااجت
زينب ...خابرتني الصبح كالت عندي الام قويه مابيه اجي ويمكن رجلهه ياخذلهه اجازة ...
..ها اوكي ...
.
اكللكم اني ماراح ادخل محاضره هسه رح اكعد اراجع محاضره ثانيه الامتحان واستاذ عبظ المنعم مايرحم ....
هسه يجي يكول اول امتحان سؤال فكري ههههه
دعاء ...لا وكل مره نفس السؤال
....لا ولج وشما نجاوب مستحيل ينطينه درجه كامله ههههههههه
ظلينه مادخلنه حتى البنات ظلن وياي صار الامتحان امتحنه وطلعنه افترينه ورجعنه
...بنات هسه شنو عدنه ...
.
عبد الرحمن : هسه عنده سيد هاشم '
.
طبعا ماعرفتكم عليه ..عبدو جننه نصيحله احنه محد يصيحله عبد الرحمن طالب ويانه هوة جان من طائفه غير بس ماعنده تعصب
جان حباب الى اخر درجه اني شخصيا جنت اموت عليه بس حب اخوي موغير شي وصدك جان ع كولة اهلنه اخو خيته
يعني يوم اللي مايجي عبدو اضوج جنه طول اليوم نتناكر اني ويا وكون يضوجني يلا اطلع للبيت يكول احب اضوجج
.
نرجع...
...ها هشومي يعني
عبدو ..هههه ولج هشومي شنو يلعب وياج ...
سيد واستاذ وهاي تصيحله هشومي ...

.هسه انت شعليك يجوز يخطبني هوة سيد واني علويه ومايحلى السيد الا للعلويه ههههه ...

خرب حظي ياخذج انتي شبي عايزه خبالي هههههه ...
لزم بطنه وياشر عليه عود يقلد رح يموت من الضحك ...

...عبدو سد حلكك شكد اضوج منك اوي ...

اجه الاستاذ. ...
طبعا جان لازم كلما يدخل يشمرلنه حجايه احنه العصابه لان كاعدين وحده بصف الثانيه وماتخلى المحاضره من مشاغباتنه بس بدون مانجرح باستاذ لو نسوي شي بدون ذوق....

خلص المحاضره من راد يطلع كال اللي بحثهم عليه خل يجون وراي لغرفتي...

رحنه اني وفاتن ومحمد ويانه

من الناصريه نطانه اسماء

البحوث واتفقنه بس اني ردت شي صعب وياريت ماردت ...

جان بحثي بكلية العلوم واني بباب الزبير يعني بين الجامعتين مسافة ساعه واكثر بس ماعرفت هيج ينشلع كلبي...

المهم رجعنه للقاعه. خلصنه محاضراتنه وجان لازم يوم ثاني نبلش بالبحوث ولازم اسوي دراسه ميدانيه للموقع مال البحث حتى اودي الاستبيان....

رجعت للبيت وكالعاده نفس الروتين خلصت دراسه وكويت ملابسي وخابرت لدعاء ماردت تالي خابرت لزينب...