لا يا زمن 🔞..

بارت ١١

اجه عليه وخذينه الغراض مالت الطفل كنتوره والجربايه والغراض بلسياره
طبعا ماما ونورهان يبجون ع سيوفي ابني لان تعودو عليه بس اول وتالي نروح
وصلنه ونزلنه رحت سلمت عايهم مكووة يسلمون ومبين الغضب واضح عليهم خذو سيوفي وباسو
وظلت خالتي تشمر حجي اسمر
مع العلم مواسمر هوة حنطي جان وتوة جاي يصير طبيعي
بس ابو اسمر يعني على ابنهه موعليه بس المهم مدام ابني تعيب
رحت للغرفه نوار طاير بينه لان صار فتره مويمه
كعدنه نرتب الغراض
طلعت اترس ماي ثلاجتي مابيهه وسمعتهم يحجون
ام نوار ...شعدهه مشتريه كنتور هوة طفل جايبتله كنتور شكو  وطبعا رجلهه وبتهه وياهه ع مستوى الحديث
...اوووف ماراح نرتاح
صار يوم ثاني كلت خل اكول لسمر نرجع ع نظام شغلنه
اكلج سمر نرجع ع نظام الشغل يوم عليه ويوم عليج
..سمر   والله خيه تعذريني هذا الحجي ويه ابوي.. اني اول وتالي طالعه لذلك مالي علاقه بشغل البيت

صفنت هاي شبيهه موجنه متفقين هم حجو براسهه
ظلينه ع مشاكلهم الماتخلص وكل حجايه احجيهه لازم يسوون اجتماع ومغلق ويتناقشون بيهه وياخذون قرار
مااكتفو بيه وبمشاكلهم وياي لا قررو يدورون ع نوار.
هوة بهاي الفتره استلم بيوت واحد وره الثاني وظل مايفرغ من الصبح لليل بالشغل يجي يسبح ويتعشه وينام وهالوع ع اشهر ظل
ظلو يحجون وين يودي فلوسه وشعنده هلكد يشتغل وشدعوة   بحيث هوة ظل يظوج يجي للبيت ويكلي صبري لخاطري بس يصير عندي نطلع

ظلو يزيدون مشاكلهم وياسمين كلما تجي وياهه ابنهه  ياخذون ابنهه ويدخلون لغرفتهم وسيوفي من يروح يزحف وراهم يسدون الباب لو شكلك يبجي ويريدج
لو من نكعد ناكل هوة طفل يظل يفتر ع السماط  كلساع صاحو اووف ياسويف مايكعد راحه لو سمر تصيح مامتربي
يعني هذا وينه وين التربيه وهوة سنه ماقبط
ظليت اسكت وافوت اخر شي ظلو يكظون نوار مرتك هيج ومرتك ماتطبخ وامك تكلهه طبخي تكلهه اني مااعرف ...
.

لذلك اعزل اكلك مرتك تريد تاكل بحدهه
اني هنا ظجت كتله عمو اني عندي لسان واذا اريد اعزل راح اكول ماانتظر واحد يحجي عني
 
سكت.
حجت  خالتي كالت اي ساحرته مايكدر بلياج فنه فد يوم لزمج وظربج وين يكدر مسويته خروف ومن هالحجي  هوة ظل ساكت كلهه يمه ليش اضربهه بنيه كايمه بواجبي  اضربهه شنو اطلع عضلاتي  بس يحجي باسلوب حلو مايعيط ...
.

ظلو يحجون ساعه عليه وساعه عليه
اخر شي كلوله تاكل وتمسح ايدك بالحايط
خطيه حسيته صدك  انقهر  ..
.

نوار ...يابه ياحايط هذا اللي اكل وامسح ايدي بي اني ملابس ماجاي اشتريلي واسد فلوس البناء
المهم ظلو يحجون  هوة صاحلي كال سيوفي يبجي روحيله
رحت انيمه وهو.ه دخل كلش ضايج كال ياربي شيردون مني
حسيت بعد شوي ويبجي
ظليت اصبر عليه رغم اني اريد واحد يصبرني
اخر شي كتله لاتضوج باجر اطيح عليهم وانهي السالفه وصدك مثل كل مره كعدت الصبح وطحت عليهم.
ظلينه ع هاي سوالفهم ومن يدخل للبيت جايب علاكه الي البيت كل يصفن عليهه مع العلم يجيب للبيت مثلهه 
يوم من الايام سيوفي طلعته بالبستان يلعب هنا صار عمره سنه واربعة اشهر بلش يمشي
خالتي وعمو راحو يتمشون كتلهم اخذو كالو جيبي بس حذاءه  صيفي بس شوي بي زغر
خالتي كالت ماعنده غيره هذا زغير كتلهه لاوالله ماجبتله ونوار موفارغ نريد ننزل هايىالايام ونتسوكله غراض
خذو وراحو
وره شوي ماما خابرتني جاي نسولف وحجيتلهه كتلهه خطيه زغير حذاءه كالت اني اجيبله علما تنزلون انتو
ماما.  ...اكلج زين وين حذاءه اللي جابه نوار  من .جان زغير وظميتي
..اييي صدك ذكرتيني خل اطلعه يلبسه
رحت صدك طلعته جنت ضامته وناسيه
من اجو حجيتلهم بسلامة نيه  يعني شغله عاديه اني نسيته وماما ذكرتني بي.   اثاري همه فكرو غير شكل
خلال هاي الفتره نوار سوة سلفه كال هاي الج شتسوين بيهه كيفج  لان اني اخذت فلوس صبحيتج
كتله مااريدهه اريد نشتري بيهه سياره. وفعلا دورنه  ولكينه وخذيناهه بس يرادلهه شغل هواي 
ظل نوار يشتغل بيهه هوة وبابا لان بابا فيتر ومضبوط شغله. ف نوار يجي بس لبابا يشتغل بيهه
مرت الايام ماكو جديد 
يوم من الايام اقارب نوار عرسه بقاعه وعزمونه ورحنه اني ويا وسيوفي
هنا مرت ابن عمه تريد تروح ويانه لان زوجهه عسكري وملتحق  فظلت كلساع تتصل  لان نوار بيومهه طلع شغل وتاخر فاجه سبح وطلعنه .
شكم شغله بالغرفه ظلت مارتبتهه  كلت من ارجع. وماالحك
خليت الغرفه بدون قفل وطلعت
طبعا ممنوع تنقفل الغرفه ميقبلون عني يكولون شنو احنه مو امان ...
رحنه وتونسنه ورجعنه ماادري باللي صاير من وره ظهري....
وره شكم يوم اجت عدنه ياسمين .رحت يمهم بالصاله. ونوار بالغرفه هوة وسيوفي 
ف ابن ياسمين يردون يشغلوله اغنيه بتلفون عمو  وخالتي ماعرفت تشغلهه. كالت شغليهه
هوة مسجلهه فديو من التلفزيون يعني مامنزله تنزيل
فرحت كبل ع الفيديوهات  افتحهن واحد واحد لان تلفونه مثل الصرصور مو لمس
فتحت واحد وتفاجات هاي شنو
همه عرفو اني شفت
ظليت صافنه كتلهم هاي شنو
ياسمين ..هاا. هذا ابني تدرين يظل يصور ومايعرف
...يعني ابنج هيج عرف يصور
ظلن يلزكنهه بس ماتنلزك مبين جذب
ظليت افور هالمره كلت اكول لنوار  مليت من كدما اظم
دخلت للغرفه كعدت يمه
نوار تدري شنو شفت بتلفون عمو
نوار ...شنو
ابوك من رحةه للعرس وعفت غرفتي مفتوحه
داخل للغرفه وفاتح الكناتير ومصور الغرفه وحتى هدوم نومي
نوار ...شنووو
والله العظيم  هاي شنو معناهه. نوري لاتزعل ابوك موثقه عيب عليه هيج. شنو معناهه بعدين هدوم نومي موعيب 
نوري خلص غرفتي بعد ماتظل مفتوحه  والصراحه ابوك بعد ماامن نفسي يمه. اليوم هيجي سوة باجر شيسوي
نوار ... حقج مااكلج لا .
.