خلصت عطلة نص السنه طبعا جنه نتواصل اكثر شي ع فيس اني والبنات والولد جنه مسوين كروب لقسمنه كله بمافي المراحل السابقه واللي ورانه
المهم اتفقنه اني والبنات نداوم واتفقنه شنو نلبس « دائما جنه نتفق نلبس نفس اللبس بالضبط»
داومنا وبعد لقاء حار بيني وبين البنات كعدنه بنفس الكافتريا ونسولف ونضحك
.
...اكلكم بنات شخبار الولد ماشفتوهم ...
زينب شفت علاء توة تعده بس ماشافني كلت من نروح للقاعه نسلم عليهم ...
...صدك يا الله والله مشتاقتلهم صار هواي مامتعاركين ...
نور..ليش شعجب ماخابرتيهم بالعطله ...
لا خابرني علاء وعبدو ومحمد بس مومثل هنا نتعارك..
يلا خل نروح ...
رحنه وسلمنه عليهم وع الاساتذه وداومنه اخذنه النتائج جنت ناجحه والبنات بين مكمله بدرس وبين ناجحه اما الولد معروفين اقل شي اربع دروس لو تلاثه .
مشت الايام بدون جديد بين بحوث ودراسه وفره بالكليه احنه الشله ماكو جديد
اكلجن بنات ملاحظات هليام بنات المسائي هواي يجون ...
نور : شبيج ولج غير علمود بحوثهم يجون الصبح لان اكو مراكز مايفتحون وره الظهر لذلك يجون ...
اها مو اكول شفت نوار اجه مساع سلم عليه وصعد ...
نور : اي اني هم شفته سلم عليه شكد حباب هالولد وكلش خلوق وعمرنه ماشفنه منه شي موزين ..
نسيت اعرفكم
نوار ..مواليد 1986 مرحله رابعه مسائي
طويييل طوله 185
شعره بني عيونه وساع وحاجبه طويل واللي يشوفه يكول محفوف بالمختصر وسيم
جان موظف عقد لذلك جاي يكمل كليه حتى يرفع راتبه
ولد مؤدب الى ابعد حد عمرنه ماشفنا مشه ويه وحده ولاتجاوز ع وحده وبينه وبين الاساتذه حب عجيييب لان يحترمهم واي شي يردونه هوة يروح يسوي بدون مايطلبون وبالاضافه الى هذا جان لسانه حلو يعدل حتى الاعوج بي طعم ذوق ع فكاهه لذلك الكل يحبه رغم معروف يغش بالامتحانات والاساتذه يدرون بي بس محد يحجي ويا
المهم عدت الايام كاعده بالقاعه محاضره رابعه مااجه الاستاذ البنات طلعو اني مالي خلك كتلهم روحو اني شوي ويجي عبدو نظل نسولف اني ويا
قبل لايجي اجه نوار دك الباب رغم جان مفتوح
كمت
...هله نوار شلونك
نوار...هلو اساور شخبارج
...ماشي الحال شعجب اليوم جماعة المسائي عدنه خير انشالله ....
نوار ...لاوالله استاذ عبد المنعم خابرني علمود البحث كال كلشي ماسويت صلوات يمته تجي لو هم تكظيهه غش ههههههه ...
هههههه اي هاي العايز ...
نوار...اكلج اساور عفيه ماانطيج المراجع متكتبيلي اني ياهو اشوفه انطي كتاب ويكتبلي ....
.
هههههخ دروح تحجي صدك اني بحثي مالي خلكه ....
هههههع بخيله .....
يلا راح اروح لغرفه الاساتذه بس خلي لابتوبي يمج ...
اوكي ماشي ...
اجو البنات ...
زينب :: شنو هذا لابتوب منو ....
لابتوب نوار خلا وصعد فوك ...
زينب ...ها اوكي
اجه نوار ...سلام عليكم
الكل ...عليكم السلام شلونك اخبارك
نوار ...الحمدلله تدرون بيه شاطر ومكطع روحي ع البحق والدراسه ....
أنت تقرأ
لا يا زمن 🔞..
Romanceالبطله حيطرأ حب على كلبها وراح تشووووف حب مو طبيعي يا ترى شكد راح يدوم وياها وشنو نوعه . انوه شي مهم هلقصه تنقيحي اني وكتابه صاحبه القصه ومراح اضيف عليها اسمي القصه حقيقيه ما عدا الاسماء ... تحياتي للجميع .. قرائه ممتعه . غير مسموح بنقلها نهائياا...
