البارت التاسع
----------------
محمد:تريدين ادرسين
عندي شروط
اولا:الحارس ما الج شغله بي ترحين وترجعين للدراسه
وثانيا:موبايلاتج تنسحب منج
حسبالج مادري مساعه ويامن تحجين
رهف:شكد حقدت عليه متوقعته هيج يسوي
كتله
شكد حقير يعني انته حلال عليك الحب واني حرام عليه
الرسول مو اتزوج عن حب
شنو هالعقول المتخلفه شوكت تتثقفون مثل البشر
حسيت الراشدي اجاني طاير
ضربني وطلع
بعمري محد ضاربني هسه يجي محمد ويضربني
هفف توقعته يوكف وياي
ضليت ابجي محسيت على نفسي الا واني كاعده الصبح
جانت الساعه ب9
اتأخرت عن المدرسه همزين ماعندي امتحان
ماراح اداوم
جربت ارجع انام مكدرت
طلعت من الغرفه
الكل نايم رحت سويت لفه اتريك بيهه
وحميت الشاي
خليت الكتاب كدامي وكعدت اقرا واكل
صار اليل
ضايجه حيل
جانت عندي كووومه كتب مال روايات وقصص
اشكال وانواع جايبتهن اتلهه بيهن بالعطله
طلعت قصه رؤمانسيه
صار عندي جفاف عاطفي من وره حسين افندي
كعدت اقره محسيت على نفسي الا والصبح
سمعت صوت عياط
كلبي بدت تعلى دكاته وحسيت نفسي عركت وارتبكت
ماعرف شصاير
خفت اطلع خاف انصدم بشي
بس اتجرأت وطلعت صار عندي فضول اعرف شنو سبب هالعياط
طلعت ركض
صار بوجهي محمد اخويه
جان ضايج ومقهور وعيونه حمر مبين باجي
نغزني كلبي
شكووو ولك فهمني ابويه امي بيهم شي
محمد:مابيهم شي
بس عمي راح
مات
رهف:رحت اركض الابوي طبيت بنص الزلم
بتراكي
جان ابويه مكسور ويبجي
اول مره اشوفه بهالحاله
ضليت ابجي واصرخ وحاضنه ابوي
واهدي بي
صارت الفاتحه ابيتنه
صاحوني رحت وكفت يم الشاي
حضرت الاستكانات
بعدين اذكرت
كلت عزه ودوامي شلون
رحت لاخوي محمد
رهف:اكلك روح اخذلي اجازه اسبوع
محمد:باجر عود مو هسه
رهف:براحتك
صارت الساعه ب3 كلت خلي اخابر هدى
بعدين اذكرت منعني من الموبايل
مر اليوم كأيب وبطيء
كعدت الصبح على صوت المنه الساعه بل 11
رحت كعدت اخوي يروح ياخذ هدى وياخذلي اجازه
بدل واخذ السويج وطلع حتى بدون ميحاجيني
كبرر
----------------------------------------------
هدى:بدى الدوام وحيل ضايجه متعوده على صديقتي رهف ومحمد هم متعوده يوميه اشوفه اووف شتاقيتله
ومادري ليش ماجوي هيه ومحمد
كلساع بنص الدرس اتحجج لو اشتري لو اروح للحمام
بلكت يجي محمد واسئله
خامس درس دك الجرس هم رحت للاداره
لكيته يحجي وي المديره علمود الاجازه
طلع محمد
اتشجعت وكتله هلو محمد البقيه بحياتك خاتمة الاحزان انشاءالله
محمد:هلاو بيج هدى وحياتج الباقيه
شلونج.....
زينه وانته
زين بشوفتج
هدى:من كال هيج خجلت صرت طماطيه
محمد:عذريني هل اسبوع ماكدر اجي لان الفاتحه ابيتنه
هدى:لا عادي ارجع وحدي
محمد:لا لترجعين وحدج حاولي اهلج يوصلوج
وتره هدى هواي مشتاقتلج وتسلم عليج
هدى:واني هم مشتاقتلهه انشاءالله اليوم العصر اجي عليهه
محمد:طرت من الفرح همزين راح تجي ايي هلا بيج
بس قبل متجين دزي رساله لرقمي وانطيتهه رقمي
لان اكو زلم هواي بالباب وخاف متكدرين تفوتين
هدى:دك الجرس يلا اني رايحه
محمد:دير بالج على نفسج
هدى:وانته هم
محمد:رجعت للبيت كلت لهدى راح تجي رهف العصر
رهف:ها ها شمدريك وغمزتله
محمد:مو شفتهه اليوم واسلم عليج اهواي
رهف:اممم وبعد وبعد شحجيتو
محمد:شعليج شكد فضوليه لخاطر ربج
رحت يم الولد
رهف:يله عادي تجي هدى واسئلهه
مر الوقت بين التنضيف والشغل
لحد مصارت بل 5 متت تعب
طبيت سبحت
لبست دشداشه سوده مخصره نص ردن
وطويله
محمد:شفت رساله من هدى كاتبه جايه بالطريق
اخوي راح يوصلني لبابكم ويروح
كتبتلهه هلا بيج
شفتهه اجتي والعين كلهه عليها
وين اضمج يا هدى والله مرمرتي كلبي
دصيري يمي اله اضمج بكلبي من عيون الناس
رحت يمهه
محمد:السلام عليكم
رهف:وعليكم السلام
محمد:كتلهه طلعي اكبالي بسرررعه
رهف:شفته عصب راسن دخلت بسرعه
سلمت على االنسوان جانن هواي نسوان حسيت راح ياكلني بعيونهن
شفت محمد راح على رهف مدري شحجه وياهه
محمد:باعي رهف لتخلين هدى اطب المطبخ تعرفين الولد طابين طالعين ودير بالج عليهه
رهف :ايي تدلل
رحنه اني وهدى كعدنه يم امي والنسوان
شفت امي كامت تحجي وي هدى واندمجت وياهه بالحجي
شفتهه حبتهه وارتاحتلهه
بعدين صاحوني ع شاي
دا اكوم امي كلتلي اخذي هدى وياج خلي تتعرف ع بنات
اخذتهه ورحنه اذكرت محمد مقبل
كلت هيه امي كلتلي اني شعليه
كعدت اصب بالشاي ونسولف
هدى من النوع بسرعه تضرب ميانه وي واحد
وحبابه وحلوه وتنحب بسرعه تدخل الكلب ولولد كلهه تباوع عليهه وعليه
جانت هدى تضحك وي ابن عمي
لان حجه نكته
محمد عاط بينه
ادري هيه فاتحه لو زفه بس تتمضحكون
وصاح بأسمي
رررهف
رهف:ها
محمد:وووجع تعااي
رهف:محمد اول مره يعيط بيه وحسيت الموجودين كلهم اتعجبو من تصرفه لان مو من عوايده
راسن وكعن استكاين الشاي مني 😹
خليت بنت عمي تشيلهن ورحت يمه
هاا شتريد ليش تعيط
محمد:اني شكتلج مو كتلج لتخلين هدى تدخل المطبخ
مشفتي الولد شلون تباوع عليهه عبالك اول مره يشوفون بنيه اخذيهه وصعدن فوك
وللحكايه بقيه......
