البارت ☆14☆
------------------
محمد:رحت لبيت هدى
بس دكيت هورن راسن طلعت
هدى:هلاو شلونك
محمد:تمام بشوفتج انتي شلونج
هدى:اني بخير
..ضلينا الطريق كله ساكتين
لحد موصلنا شفت رهف
كاضيه وتعبانه
مبين اكو شي المشكله كتلني الفضول اريد اعرف بس حمودي مكابلنه وكاعد
رهف:حمودي شنو اليوم ناوي للصبح تكعد هنا
بعدين انت شعجب هسه
اتذكرت اختك عدهه غرفه
شو بالسنه حسنه اشوفك داخل لغرفتي ومتبقى 5 دقايق وتروح
شو هسه مطووول اول تالي منك من الشيطان
محمد:شلون فشلتني
رهيفه كدام هدى ااخخ ياكاع انشكي وبلعيني شوكت اخذج يا هديوه والله اخليج كبال عيني اربعه وعشرين ساعه
كتلهه تغارين اني اليوم عاجبني اكعد بغرفتج اكو اعتراض
رهف:غمزتله واشرت بايدي يعني اطلع
محمد:عرفت يردن يحجن راسن طلعت
رهف:ولج لو تدررين شصاااار هففف هفف
هدى:خووفتيني شصاير احجي الفضول كاتلني من الصبح
رهف:حجيتلها كولشي صار
وكمت ابجي واشهك مثل الطفل
ولج هدى والله مجروحه حييل والله احبه ليش هيج سوه بيه والله والله والله احس كلبي ديتكطع انوب شلون حاضنته وهوه عبالك مستمتع اووف لو كاتلتهم ثنينهم بوقتها هم مجان ارتاحيت ليش اني ماعندي حض بالحب هوه مو خطبني من اهلي يعني رايدني ويكول احبج واموت عليج وين راح هاذا الكلام
بس والله مو رهف التنخان اني اله اعلمه واندمه على كل دمعه نزلهه من عيني
هدى:حبيبتي حاولي انسي والله ميستاهلج لو يحبج مجان سوه هيج
يلا مسحي دموعج منريد دموع بعد صيري قويه ولا تهتمين معليج بحسين بعد دراستج وبس
رهف:والله ارتاحيت لمن حجيت وياج وصح الكلتي
باعي اليوم مريضه اني
باتي يمي حبابه قنعي اهلج شكد متكدرين بلكت يقبلون
هدى:ها ولج مو يدرون اخوج جبير اخاف ميقبلون
رهف:معليج جربي وشوفي واذا مقبلو اني اخابر امج اعرفهه تحبني وبسرعه تقبل
هدى:خابرت امي طلعت 50 حجه
كتلهه يمه متريدن ابقى كولي من البدايه وبلا هالحجج
رهف كامت تغمزلي وتكرص بيه وتشاورني
رهف:شكد ثوله المفروض تتلوكيلهه علمود تقبل
شو انطيني اني احاجيهه
