البارت☆14☆
----------------
رهف:رفضه محمد وثاني يوم داومت
جان عدنا بابين مال دخول الطالبات
كلت لمحمد دخلني من الباب الخلفي
ماريد اشوف شكله وانقهر
اعرف نفسي بس اشوف عيونه اضعف
----------------
مرت الايام وصار شهر اني مشايفته ولا اعرف أي شي عنه
وكل يوم باليل اكضيهه بجي
طلعت الاربعين مال خالي اجه محمد حجه وي امي تروح تخطبله هدى
امي كيفت كالت وين اكو مثلهه بنيه حبابه وشاطره وطيبه
ثاني يوم رحنا اني وامي لبيتهم
ام هدى:فدوه وين اكو مثل محمد بس اول شي ناخذ رئي البنيه ونردلكم خبر
...........................................................
حسين:مرت الايام واني كل يوم انتضرهه على احر من الجمر
بس المشكله ماكو متداوم لا هيه ولا صديقتهه
خفت خاف صاير شي
حجيت وي اخوهه ماكو شي بخير
مكدرت اسئله عليهه لان عيب وهوه صديقي
شيكول عليه
المهم فديوم جنت كاعد اجاني اتصال من محمد
رديت عليه سلمت وهاي
كالي
معزوم على خطبتي باجر قراية فاتحه
اني فرحت راح اشوف حبيبتي والله مشتاقلهه بكد رحمة الله
------------------------------
رهف:يومين وردولنه خبر انو همه موافقين
بدينه نحضر للخطبه
ثاني يوم رحنه اني وهدى نشتري ملابس
محمد اخذنه
اني اشتريت فستان لون ذهبي طويل وضيق
مخصر ع جسم ومن يم الضهر مفتوح على شكل مثلث جبير لحد نهاية الضهر ومابي اردان
واشتريت كعب لون بيج
هدى:اجوي خطبوني مصدكت حييل فرحت
بيومهه منمت بقيت الليل كله افكر
ثاني يوم طلعنا اشتريت بدله لون وردي
تجنن شغلهه حيل حلو واخذت كعب وردي
ورحنه حجزنه على صالون اني وهدى
ثاني يوم كعدت ب11 خابرت رهف تحضر نفسهه للصالون
اجه محمد ذبهه يمي واخويه اخذنه للصالون
.............
رهف:رحنه للصالون حفيت حاجبي وسولي اضافري وبعدين بدن بالمكياج والتسريحه بسيطه
بس سرحت شعري واخذت خصلات ثنين وخلت ماشه بالنص
اني كلتلهه هيج سوي لان شعري طويل يوصل للركبه
واني ساحبه خصل لون اشقر فاتح
اني اتفقت وي اخوي مالبس شال
مخلني اباوع بالمرايه لحد مكملن
باوعت مو اني
صدك الحاجب والمكياج يغيرن الوجه 180 درجه
باوعت على هدى سبحان الخالق تخبل طالعه
احسد اخوي عليهه همزين صديقتي
رحت حضنتهه وهيه حضنتني ونضحك اني فرحت الفرحهه واخويه هم فرحان حييل
هدى خابرت اخوهه واني خابرت اخوي
رحت بالحمام مال ام الصالون لبست الفستان والكعب
سمعت صوت الهورن مال اخويه طلعت ركض
اجه باسني براسي
محمد:فديتهه الاختي تجننن
رهف:شكرا حبيب اختك انته هم طالع كيوت
محمد:اكلج وينهه هدى
رهف:جوه هسه يجي اخوهه ياخذهه
محمد: لج بعد ماتحمل اريد اشوفهه😠
رهف:لا عيني اتحمل
خليهه مفاجأه من نروحلهم شوفها
محمد:ديلا صعدي منا الناس ديباعون
رهف:صعدت ويا الطريق كله محمد يصفن ويبتسم وي روحه
اذكرت حسين جاي تنزل دمعتي بعدين قويت روحي
وصلنه البيتنه نزلت من السياره شفته اباب بيتنه💔💔💔💔💔💔
وللكايه بقيه
--------------
حبايبي القصه حقيقيه
بس اخذت تفاصيل بسيطه منهه
والباقي كله من خيالي
............
ااااحبكم😻😘
