غشاوه

1

غشاوه
بارت 1
بقلمي ام البنات
سلام...اني نور عمري هسه 32سنه من عائله بسيطه ويتيمة الاب.....بالبدايه عايشه ويه امي الي مثل منكول من اهل الله فقيره وتخاف المشاكل اخواني لا كل واحد يفكر بنفسه ومصلحته وبس
اما مظهري بشرتي  بيضه طولي وسط شعري اسود قريب لون الفحم  طويل عيوني كبار ومسحوبه جسمي متناسق  ومهتمه بي لان حريصه دائماً على مظهري من الصغر واحب اكون محط الانظار واجذب انتباه غير محجبه و اعتبر جذابه....مظهري وجمالي وهو سبب اكدر ابدي بي قصتي من عمر16سنه كنت صغيره واحب الدراسه  وشاطره فرحانه بتفوقي بمعدل80من صف ثالث دخلت الاعداديه حسيت نفسي كبرت شفت البنات غير شكل شلون معتنيني بنفسهم وبشكلهم وترتيبهم ينسقون الاكسسوارات حتى لو اشياء بسيطه حبيت اكون مثل صديقاتي بديت اعتني بنفسي وشكلي مو لشي بالي بس لان اني احب نضرت الاعجاب من اي شخص بالمدرسه او بالشارع ....جانت امتحانات نصف السنه ودنقره  فاكو ولد ينتضر اخته يم المدرسه شكله حلو ومرتب عيونه بيهم جاذبيه ... صار شهر تقريب من انتبهت عليه وهو هم عينه ميشيلها عني وتدرون البنات من يخلون شخص بالهم  لازم يعرفون عنه  وصلت الى اسمه ...محمد وابو بنات وعلاقات
خلصنه امتحانات اخر يوم ورجعنه للبيت للعصر دك تلفوني رقم جاوبته...
نور....الو منو
محمد.....محمد اسمي
نور....واذا محمد اسمك هسه شسوي اني
محمد...نور اني متابعج واحبج من اول شهر داومتي ومنتبه الى نظراتح ...

هنا بدت علاقتنه وحبيته من صدك وتعلقت بي  وهو هم حبني ودز اهله حتى يتقدملي واهلي رفضو مره والثانيه اني اصريت عليهم بعد ضغوط هواي وافقو وتم الزواج وجان شرط اهلي اكمل دراستي ....
بس محمد بعد الزواج رفض اكمل  والتهيت اني بحياتي ونسيت الدراسه صار عندي اطفال اتعب واسهر ومسؤاليه تحملتها بعمر صغير بس مجنت اكدر اشكي لان اني الي ردت ازوج لان احبه
محمد مصان حبي جان من علاقه للثانيه بنات ونسه كمت ما احجي وما ادخل لان الموضوع اطور وصارت عنده عشيقه يفضلها عليه
حاولت احافظ على بيتي تكلمنه بالموضوع اكثر من مره لحد مره صرت عصبيه وكمت اصيح كام ضربني ومكانت هاي اول مره يضربني كل مره يفقد ويضرب ومن يشوفني ابجي لو متاذيه يجي يعتذر مني ومرات يبجي واسف وانتي خليتيني افقد.......واسكت ماكدر اشكي ال اهلي لان اني الي اختاريته ولان عندي اطفال لازم اتحمل لخاطرهم ولان محد يتحملني اني واطفالي واهل زوجي يكولون هاي حياتكم مندخل....بس هاي المره جانت اقوه طلع الخشبه مال كنتور وضربني بيها ودار وجه وطلع ....طلع مدار بال هاي المره اذا متاذيه لو لا ابجي او لا هيه جان بس هاي زينه بي وراحت
هنا ايقنت ماكو امل بي تركته وكلت اربي اطفالي  صرت خدامه اشتغل وانضف واني ساكته مثل الطير المذبوح
هو ينام بصاله الي بصف غرفتنه بشهر مره يوصلني كمت احس نفسي مالي قيمه اريده بس يوخر مني ماتت كل مشاعري الي اتجاه محمد وللصبح لازم التلفون يتصل بعشيقته
اكعد يمه الباب مرات اسمعه كلامه وياها غزل وحب واحترام .... كلام عمري ماسمعته منه ....اسد حلكي وابجي تخاف يسمعني
بيني وبين نفسي ( الضرب وتحملت الاهمال وهم تحملت غلط واهانه وحب عليه وممخليلي قيمه وماذيني بكلشي واهله نفس الحاله شسويت ليش هيج صار بيه شمعنه اني ليش اهلي ممنعو زواجي اكثر ليش معارضو هواي اهل يبقون معارضين اني طفله جنت شلون هيج وثقو بقراري؟!) .....رجعت للفراش واني احس كل هم و الم بالدنيا بيه  وابجي من تعب روحي مو جسمي 
منفذي الوحيد التلفون عندي وي چات اتونس بي وجان اكو شخص كل فتره يرسل صباحو او هلو مارد بس اقره مع العلم داخله باسم مستعار
ومرات  اسولف ويه صديقاتي كروب ونحجي بي وتساب بديت اغفه فزيت عليهم يتراسلون
اشوف كلامهم وسوالفهم بس اقراء ما اكتب ليش اضوجهم ويايه وهمه متونسين بسالفه وضحكه يحجون عن مواقف صارت بيومهم ماكدر احجي شي ماعدي شي اضحك بي كل الي عندي هموم وتعب....عفتهم ونمت
ثاني يوم حسيت نفسي احسن وكمت للبيت وللشغل وهو ميجي بس بوقت النوم .....كملت وماعندي شي اسوي دخلت اسولف ويه صديقاتي
بدو يحجون عن اسماء اشخاص اني ما اعرفهم اتفقنه نشاوف صار هواي ممشاوفين...
صارت بيت صديقتي طلبت من محمد اروح اول مره سكت بعدين شاف الاطفال ضايجين ويردون يبجون قبل اخذتهم ورحت وهو ولا همه لابلبسي ولامكياج ولا ويه منو اروح ماعنده اي اهتمام ...هم فتحو نفس الموضوع كتلهم فهموني السالفه
ميس...باعي كروب مال جامعه ونسولف بي ونتونس وهذوله اصدقائنه علاقتنه بيهم اخويه
نور....ومتخافون احد يشوفكم
ميس....صداقتنه حلوه والفيس مضايفين بي من المعارف والاقارب
نور....صار عندي فضول اعرف الي ديحجون عنه.....تكدرون اسولي فيس ادخل وياكم بي
ميس...انتي موجان عندج فيس وين راح
نور...نغلق وما اعرف اسوي فيس وراح عليه
ميس....اوكي راح اسويلج
نور....بس اكتبي اسمي ما احب اسماء مستعاره
ميس...مدام يدرون بيج ماعندج فيس مياثر عليج
نور.....سوت فيس الي واحنه كاعدين وعلمتني وضافتني لكروبات همه بيها.....بالبدايه جنت بس اقره واباوع بعدين كمت اعلق واسولف وياهم وقوت علاقتي بيهم كامو يعرفوني تونست وياهم بس ماعندي وياهم ماسنجر بس بالعام كمت انشر واعلق يراسلوني ماسنجر اشخاص يحبون يتعرفو ما ارد عليهم
بس مره نشرت بصفحتي الشخصيه وعلقلي شخص بقينه نسولف بتعليقات بس كلامه واسلوبه راقي نعست ونمت عفته.....كعدت الصبح لكيت مراسلني على الماسنجر ماعرف ليش رديت عليه رغم ما ارد على اي شخص
وبقينه نسولف كم يوم وكلي تعاي نتراسل وي چات طلع هو نفسه الي جان يراسلني اني خفت لان الفيس كاتبه اسمي الحقيقي بس ويه الوقت راح الخوف اتجاها  كتله اني مزوجه من باب  خاف تجي باله علاقه غراميه او اي شي الشاب اسمه حسام عنده موهبة الرسم بس بصوره خاصه مو الكل يعرف بي هو سألني عن حياتي وشلون ازوجة كتله عن حب وصفتله حبي لمحمد الي بداخلي اتمنه يحس بي وهو جان يسمعني حسيت بنفسي فرحانه واني اوصفله حياتي الي اتمناها تكون مثل الوصف الي وصفتها مثل ما اني اريد وخفيت الحقيقيه حاولت اخفي جروحي وتعبي...

(وراء كل انسان حياة اخرى يعيشها بمفرده)💔