غشاوه

6

#غشاوه
بارت6
بقلمي ام البنات
نور.....صحيت على محمد يكعد بيه لكيت نفسي على السجاده وراسي على السرير
محمد.....شتحسين
نور......مابيه شي غفيت واني اصلي
محمد.....شنو غفيتي صار كومه اكعد بيج وجهج اصفر وجسمج بارد.....تره انتي متخربطه بس متدرين بنفسج
نور....محمد اخذني للفراش اويد انام تعبانه كولش
محمد.....كومي ويايه
👇🏻👇🏻👇🏻👇🏻
حسام.....هسه صار لازم اتكلم عن نفسي حتى توضح الصوره
اسمي حارث او حسام حسب ما انتو تعرفونه
خريج وموضف بشركه اهليه وحيد اهلي ساكن بغداد مزوج وزوجتي ساكنه بدبي نوعاً ما منفصلين عندي2بنات تؤم ولد احب الرسم طبعي اميل للهدوء اكثر اعاني من فراغ عاطفي حياتي بس شغل اكثر وقتي اشتغل .....تعرفت على نور عن طريق الانترنت عجبتني فكرت مزوجه اكدر اكون وياها علاقه واجيبها للطريق ....اكدر اروح لبنات ليل بس اني اقرف منهم قذرات بديت وياها علاقه على امل اوصل وياها للي اريده ....اول العلاقه كلامها بزوجها حسيتها صدك تحبه ويه الوقت قل كلامها عنه وكدرت اكون علاقه بس بالاتصال لانطت نفسها ولا طلعت ويايه...
بكل الطرق جبتها حسستها بحبي خوفي عليها او غيرتي عليها مصار الي اريده ...ما انكر مرات جنت اغار اذا اسمع بزوجها متقرب الها بس مو بدافع الحب يمكن مجرد غيره او رغبه وعلاقتي بيها عباره عن رغبه وشهوه لا اكثر ...استمرت علاقتنه حلوه اتصالات ورسائل بينه بس حسيت دا اذيها يمكن ضميري شويه صحه ما اعرف بس مرات جنت احتاج وجودها حبيت حنيتها وخوفها ....
حاولنه نبعد وبدت اتصالاتنه تقل الى ان توفت والدتي حتى الهوى صار ياذي اسوء شي ممكن ياذي الانسان هو ان تتوفه امه ....حجزت وقررت ارجع دبي وحولت بفرعنه الي بدبي واكيد رجعت لزوجتي واطفالي
نور اتصالي صار بيها كولش قليل زوجتي موجوده ما اكدر اتصل وما اكدر اتواصل وياها هي حست صحتي شويه تعبت بهذيج الفتره راجعت اطباء وجانت تسأل عليه بين فتره وفتره مرات ما ارد عليها ولا اقراء الرسائل صار عندي شي مو مهم وجودها وعدمه نفس الشي مجرد نزوه فتره جنت احس بوحده قضيت وقتي صح مو صلت للي اريده بس جنت احب احساسي وياها حتى لو كان اتصال ...من تتصل اكولها ويه اصدقائي طالع او عندي شغل وبالبيت ما ارد ابد ومرات اغلق الانترنت ادور اي عذر حتى ما اكلمها بعد رجعت لعائلتي تركتها وبتعدت شويه شويه ماريد اثر على بيتي بسبب وحده عرفتها من الانترنت
انقطع الاتصال ملت وكامت متتصل ولا ترسل اني خلصت منها جنت شايل هم شلون اخلص من هاي الورطه واحسن شي سويته منطيتها معلومات كامله عني لا اسمي ولاعنواني ولا حتى رقم تلفوني نسيتها ولا عبالك بيوم عرفتها.
نور.....حقيقت حسام كنت مؤلمه اكثر متتصورون بقيت استرجع كلامه واربط بعض الامور وابجي على غبائي ابتعدت ونعزلت فتره طويله عن الكل ثقتي شبه نعدمة بناس كل وقتي اشتغل بدون كلام ومحمد رجع ينام بصاله وعلاقته بعشيقته رجعت ورجعت انام وحدي بس هاي المره حبيت الموضوع لان جنت محتاجه وقت اراجع بي كل اموري وقت ارجع نفسي واحاسبها على الاخطاء الي سويتها بس ابد مرتاحيت كل وقتي عايشه برعب حسام طلع كذاب ومخادع نغشين بي يعني ممكن ياذيني بيوم من الايام صوري عنده ممكن يفضحني او يهددني او يطلب مني شغلات اني ما اكدر عليها شسويت اني بنفسي ب اطفالي بعائلتي شلون اغلط هيج غلطه واذا الناس غفلو عن الي داسوي وين اروح من عذاب ربي اني خنت تربيتي وديني واهلي واطفالي .....زين شلون مفكرت بطفالي اذا بيوم نفضحت ...
بس افكر واشتغل واكلي كولش قل من78الى55صار وزني مرات انهزم من الكعده وحدي لان كول فكره مو زينه تجي بالي ...ساعه اتخيل محمد يكشفني وساعه اخويه او حمايه اوحسام يفضحني وشلون يصرفون ويايه واطفالي شلون ينذلون ويتاذون امي شراح يصير بيها من تعرف هيج شي عني اخويه الي يتباها بيه وباخلاقي نزلت راسه صرت من اشوف الناس احاجيهم بكلبي...اني الخاينه اني وحده قذره اكثر متتصورون انتو منطيني اهميه اكثر من ما اني استحق .....عشت بعذاب الضمير وهذا العذاب دمرني اطفالي تاذو لان صحتي بنازل وماعندي واهس الهم صفنت على نفسي كافي لازم احسن وضعي والحمد الله لحد هسه ربي ساتر عليه ...محمد لازم اكعد واحجي وياه حياتنه لازم تتعدل عدنه اطفال ...
نور....محمد ممكن شويه من وقتك
محمد.....بعدين مشغول
نور.....بس شويه عندي كلام مهم وياك
محمد.....كعدي فضيها بس اختصري عندي اتصال مهم
نور.....محمد اني كل هذا الوقت تركتك براحتك واني اعرف بعلاقاتك والي انت تسوي بس كافي احنه عدنه اطفال هذوله امانه بركبتنه لازم نحافظ عليهم الي ديصير كوله غلط نومتك بصاله وتلفونك للصبح اهمالك الي ولاطفالك ...تره احنه مو صغار كبرنه بعد اطفالنه يتاخذونه قدوه الهم من يشوفنك بهذا الحال شراح يطلعون وشنو يصيرون خلي نترك الانانيه ونفكر بيهم شويه هذا وضعنه بالاخير احنه منفصلين وهمه مشردين ويعانون
تقبل اخويه وزوجة اخويه يتحكمون ويامرون عليهم وياذونهم او عندك يبقون وانت تلتهي بحياتك متدري بيهم الي يضرب والي يغلط عليهم تتحمل مثل هيج نتيجه
محمد....الي يوصل يم بناتي افني
نور.....بس انت الي جاي تاذيهم انت الي جاي تفنيهم ....محمد اصح على نفسك وكافي وين محمد الي حبيته محمد الي وكفت بوجهي اهلي علموده محمد الي جان مينام اذا ميسمع صوتي ...تعرف انت من يشوفون بيت عمهم وبيت خالهم عائله حلوه علاقة امهم وابوهم شيصير بيهم ؟!لايغرك صغر العمر بس تره يفتهمون واعين وديشعرون بنقص .....

تره تعبت وكبرت وصبري قل طاقه بعد ماعندي لا للضرب ولا للاهانه ولا اي شي حتى لخاطر اطفال ما اكدر اتحمل بعد لان انت عايش حياتك واني الي دا اضحي....اذا مو ايدي بايدك ما اكدر اربيهم واعلمهم
محمد.....كلامج صح واني اذيتج هواي بس اطيني وقت
نور....شكد؟تره صبري خلص
محمد.....وقت بسيط يوم او يومين ارتب وضعي
نور.....اوكي .....اخذ راحتك.... وتصبح على خير
رجعت لغرفتي حسيت نفسيت ارتاحيت شويه الخطوه الي سويتها صح احاول ارمم حياتي ....
بعد اسبوع محمد بده ينتبه على بناته وعلاقته بيهم شويه دتتحسن بس هو بقه نفس وضعه ....وسكتت لان اني المراءه ولازم اتحمل وما اكدر انفصل بسبب المجتمع الي مراح يرحمني اعيش حياتي وين متوصل توصل.....
نور....محمد راح تطلع
محمد....اي متواعد ويه الولد
نور.....اني راح اطلع ويه صديقاتي
محمد.....روحي
نور.....محتاجه فلوس ماعندي
محمد....من الكنتور اخذي شكد تردين اني رايح باي
نور.....اخذت فلوس وبدلت وطلعت وره محمد بساعه متفقه ويه صديقاتي نطلع للمول محتاج اشتري هدوم صار فتره ناسيه نفسي عجبني هاي المره ادلل روحي
ساره.....نور كولش ضعفانه
نور....اي والهدوم دتكبر عليه
ساره....اليوم نشتري
نور.....وصلنه للمنصور شفت محمد بسياره وياه بنيه بس مشفت وجها ...نزلت دمعتي
ساره....نور ممكن تكون زميلته
نور.....ساره كافي اكذب على نفسي محمد ميتغير ....رجعت للبيت وسويت الامر طبيعي ومبينت لمحمد ولا عاتبته
وره اسبوعين اجاني اتصال من رقم بس محد حجه سديته رجعت اجتني رساله(زوجج ميحبج كافي تهينين نفسج واذا مصدكين تعاي لهذا العنوان اليوم وره ساعه 5 )
شفت الرساله ورجف جسمي ودموعي مسيطرت عليها اجه محمد تغده ونام شويه سبح وطلع اني اتصلت بساره عدها سياره جتني لبست ورحت للعنوان بالكراده مشتمل طابق ثاني دكيت الباب واني ارجف سمعت صوت محمد يتقرب من الباب
فتح الباب واني دموعي مسكتت دفعته ودخلت الصدمه البنيه جانت صديقتي قبل كم سنه وهو حذرني منها بقيت صافني انتي!!
اباوع لمحمد مستغربه شنو الي ديصير
نور.....محمد ميس ؟!معقوله....
محمد.......امشي بالبيت نحجي
ميس......مو هاي الي جنت تحذرني منها مو هاي الي منعتني منها
محمد.....نور كتلج امشي
ميس.....منعج يضحك عليج لان تورط بيج
محمد.....انتي سكتي لا اشوفج الي عمرج مشفتي....نور امشي للبيت
نور.....يا بيت هذا ؟!بيتنه الي هجمته علمود وحده منحطه
محمد....انتي كلتيها منحطه ميصير نخرب حياتنه من وراها
نور.....لا انت خربتها علمودها واني سبق وحذرتك
ميس....منو منحطه انت واحد ماعندك شرف
محمد.....اني ماعندي شرف لعد انتي شنو وحده تهجم بيوت و.....
ميس....اني وحده عفت مرتك علمودها
محمد.....جنت اتونس مو ميت عليج
ميس....كذاب ....جنت تهجرها لان اني ماريدك توصل الها
نور....اباوع عليهم واحد يغلط على الثاني واحد يفضح بثاني احقر من هيج مشايفه عفتهم وطلعت ارجف صعدت ويه ساره ورجعت للبيت دخلت للغرفه وقفلت الباب اريد اوصل لحل للي اني بي كول ما اكول الوضع راح يتحسن يتازم اكثر هذا كله بسبب كثرت التنازلات الي قدمتها لشخص استغلني من باب مزوجين

(الخذلان هو ان يكسرك الشخص الذي قضيت وقتك محاولاً ترميمه)