#غشاوه
بارت3
بقلمي ام البنات
نور.....عفته كلت للضهر يهداء واتصل بي بس اتصل واتصل محصلته انترنت ماعنده لثاني يوم بقيت الوب خفت عليه حسيت نفسي مشلوله كل ما الزم شغله اسويها الكي نفسي صافنه وافكر بي وين راح وشبي كل تفكيري صار بي ....ثاني يوم راسلني
حسام...نور بطريق للبصر عندي شغل يخص الشركه وشبكه ماكو من اوصل اتصل بيج
نور....توصل بسلامه ..... جريت نفس مابي شي الحمد الله ...صفنت على نفسي معقوله حبيته وتعلقت بي؟!شلون يصير احبه ليش احبه اني مزوجه وعندي اطفال شداسوي بنفسي شلون اذا عرفو بيه اذا بيوم نكشفت شراح اسوي محمد بلا شي موتني كتله شيسوي اذا عرف اخونه حتى يذبحني زين شنو موقف امي اخواني بهيج حاله اطفالي شنو راح يصير بيهم ....هاي فرصه لازم ابتعد مدام حسام ضايج استغل هذا الشي وما اتصل اذا هو متصل كافي الي داسوي غلط وعيب وحرام داسوي جريمه بحق نفسي واطفالي واهلي ومحمد مهما غلط بحقي غلطي ابشع منه....اذم نفسي باسوء الكلمات من عاهره لمنحطه وغيرها .....بديت اعاني من ضميري والفرحه الي جنت حاسه بيها بدت تختفي او تتحول الى خوف ورعب ...بدت شهيتي عن الاكل تقل
حسام نسه الزعل واتصل بيه
حسام....مشتاقلج
نور....الحمد الله على سلامتك
حسام....الله يسلمج
حسام....تغديتي؟
نور.....ما اشتهي
حسام....شوكت اخر مره اكلتي
نور....ما اذكر
حسام.....بداعتي لاتكذبين عليه
نور.....البارحه تغديت
حسام....شنو؟انتي صدك تحجين ؟زين الي وياج بالبيت محد انتبه عليج ؟!
نور.....كتلهم اكلت
حسام......نور انتي مو صغيره حتى اعلمج
نور.....فدشويه اتغده وعد
حسام.....اكيد مو تكذبين عليه
نور....اكيد
حسام...اوكي
نور........اختفيت بدون متكول اي شي
حسام....جنت ضايج ابتعدت
نور....وشنو الي ضوجك؟؟
حسام....يعني متعرفين؟!
نور.....قصدك علمود محمد
حسام....اششش اش لاتحجين
نور....حسام من البدايه كتلك اني مزوجه و...
حسام.....اش كافي كل الي راح تكولينه اعرفه.....بس مو بيدي ...نور عندج علم شيصير بيه من اعرفه متقربلج...عندج علم واني انام اتخيلج كل ليله وانتي وياه وانام مقهور وتعبان ...حسي بيه حسي بوجعي اني احبج وهذا الشي خارج عن ارداتي هو يملك كلشي اني اتمناه ...
نور....سبق وكتلك ابتعد
حسام....حاولت بس مكدرت تعبت اكثر ....انتي بعقلي وكلبي من اشتغل من اكل اشرب اسبح انام اتعب افرح...قبل كنت ارجع للبيت ابدل واطلع لليل ارجع هسه ابقه انتضر شوكت تفرغين حتى اتصل بيج نضمت حياتي وشغلي على اوقات فراغج حتى بس اسمع صوتج
نور....لاتعب نفسك واتعبني وياك خلي منا ونبتعد بعد كافي لهنانه وبس
حسام.....نور تره مو سهله
نور....صدكني وضعي اصعب منك....حبيت انسان مستحيل بيوم اكدر ارتبط او التقي بي حتى لو من بعيد ....يمكن هذا عقاب ربي لان اني خاينه عاقبني بحبك
حسام.....تردين تفهميني انو هو عمره مخانج
نور.......شيسوي يبقه رجال بس اني مصيبه
حسام....تدرين صعبتيها اكثر
نور.....بعدين نكمل راح اروح
حسام....ديري بالج على نفسج واكلي زين
نور....ان شاءالله......
لحد هاي الحظه اني جنت طايره وفرحانه بمشاعري واحساسي بس بديت اتعب خوف بكل وقت من كلشي نفسيتي تعبت شعري بده يساقط بديت انعزل عن الناس اوجاع بجسمي صارت بكثره كمت احس بنقص امشي بالشارع اشوف اثنين مزوجين قبل جنت لان علاقتهم حلو ادعي اصير مثلهم هسه صرت اقارن نفسي اني انسانه خاينه وهيه لا ...اذا احد كال هاي الانسانه مو زين لاي سبب بيني وبين نفسي شسوي تبقه احسن مني مو خاينه مثلي شداسوي اني وين رايحه وين راح اوصل بهيج علاقه غلط من اولها ضميري اذاني عشت عذاب محد عاشه ...اذا دخل محمد عصبي ارجف من الخوف اكول اكتشف خيانتي راح ينفضحون اهلي واطفالي اخويه اذا سمعت رايدني ارجف اكول عرف وراح يموتني هذا كله بديت اخاف من حسام ماعرف السبب بس صار عندي خوف منه.....بقيت عايشه بخوف ورعب ومشاعر ممعروفه بين حبي ال حسام وبين خوفي منه وبين الغلط والحرام و.....بقيت على هذا الحال 6اشهر اتصل ويه حسام بس قلت الاتصالات بينه
وبيوم شغل البيت مكدرت اسوي بسبب الارهاق رجع محمد تغده وراح ينام بصاله سمعته يتفق ويه حبيبته يطلعون بليل هاي المره مكدرت لا احجي ولا ابجي ولا ازعل شيسوي يبق احسن مني هو رجال ما عليه العيب ...... لليل سألني على الجنز مالته
محمد.....نور الجنز ماكو بالكنتور
نور.....ها هسه اكوي نسيته
محمد....شنو نسيتي واني هسه اكعد انتضر مستعجل عندي شغل
نور....صار هسه اكوي
محمد.....انتي صايره مخربطه كولش
نور.....اني؟بشنوقصرت وياك
محمد.....اشو صاير تردين ويعله صوتج
نور.....استغفر الله ...هسه اكوي دقيقه
محمد.....تعاي تعاي شنو تاخذيني على كد عقلي
نور......محمد تريد تتعارك
محمد....واطيح حظج
نور.....هجم عليه محمد يضرب بيه واني اكوله اي حيل اضرب اقوه انت مو رجال اضربني اقوه وهو يزيد بضرب من شعري وعلى وجهي وخنكني وبكلبي اضرب استاهل اني وحده خاينه وحقيره اضرب اكثر واكثر اخذ بثارك ....ركع راسي بالحايط وكعت ضربني برجله على بطني حيل وطلع اني نص صاحيه بس ما اكدر اتحرك
محمد.....تدري بيه عصبي و تستفزني فقدت عليها عفتها وطلعت بالحديقه صاحتني امي الحك محمد البنيه راح تموت ركضت لكيت نور بس نفس وعيونها نص مفتوحه وتنزف شلتها للمستشفى
سألو السبب وشصاير بيه اني بقيت ساكت امي كالت الهم وكعت من البلكونه ....
الدكتوره....المريضه صحت تكدرون تشوفونها
محمد.....دخلت الها راسها مخيط اصابع ايدها مكسوره ومعالجينها
(ليس كل وجع انسكار ونهايه ربما كان الوجع نفطة بدايه فأحياناً نحتاج الى صفعة قويه ومؤلمه لنستيقظ من اوهامنا)
أنت تقرأ
غشاوه
Short Storyقصه تتكلم عن الخيانه الزوجيه من الطرفين ويبين ان الله حق وما تفعلهٌ يعود اليك لو بعد حين..... وكيف المراءه تبني نفسها بدون ان تحتاج ل رجل في حياتها ....
