الشيخ والعشق

البارت28/29

بارت صباحي للحلوين

#الشيخ ولعشق
البارت الثامن والعشرون
ل وردالعامري
ايهاب: ناي هذا غش يسموه ارواح الناس مورخيصه تره
ناي: شصاير شبيك
-من تعرفين بنفسج منهي عليج ليش تورطين الناس لعب جهال هوه
-منهي عليه شنو شتحجي انت
-ناي كافي عاد عرفت كلشي خلف الله ع الرجال الي بلغني
-ايهاب رجاءاحجي بسلوب يارجال وشبلغك
-اجاني رجال وصيت خير من ابن عمج بلغني انه ناهي عليج ليش مكتيلي
-شنو ابن عمي منو هذا بيك شي بابا هوه اني ابويه مشايفته ابن عمي منين اجاني
-ماعرف بس جيت اكولج عيب عليج الناس مولعب عندج.
-اهوووو دوخر خل اشوف ابن العم اللكف منين طلع
طلعت من المحكمه اعصاب همه وين عرفوني حته ايحق الهم ينهون عليه صار سنين هسه اذكرو بت عمهم سيارتي بالكراج كدامها سياره من عصبيتي منتبهت سياره قيصر بعدين انتبهت من بعيد اتفتحت الباب نزل قيصر لابس دشداشه وغتره بيضه وعكال ايفر بسبحه بيده
قيصر مو وقتك طلع سيارتك ده اولي عندي شغل
-اي تدللين وبدربج سلميلي ع ابن عمج
-ناي حاجيته ومشيت لسيارتي من كال ابن عمج انداريت عليه شكلت
-سلامتج بس كلت سلميلي هاا سلميلي هووواي عله ابن عمج هذا الناهي عليج هههه
-رجعت عليه شتقصد انت منين سمعت
-ههههههههه لامسمعت بس اني طباب خير وصيت خير نبهت الولد خطي شنو ذنبه
-قيصر شتحجي انت
-ههههههه اني الي رحت للكتكوت مالج وكتله منهي عليج لاتتقربلها لان معروفه المنهي عليه ويتقرب الها احد دمه ينهدر
-انت مجنون صح
-والله مادري يمكن بس حطي ابالج انتي ياا الي يامتكونين لغيري هل مره جيت وكتله منهي عليها مره ثانيه الي يحجي بيج ويلكه موافقه اهدر دمه
-لابله مجرم حضرتك
-شوفي اله جنون الدليم لاتتقارشين وياه
-جنونك ع نفسك موعليه
-ههههههههه عشكنه بخبال وصار عشكي ال فيا تكونين الي يا وحق من حق الحق ماتكونين لغيري فكري بكلامي زين سلام
-صعدت سيارته وراح ضليت صافنه هذا عاقل مخبل بس فرحه بداخلي بكبر الدنيه صعدت السياره وحركت كمت اضحك بصوت عالي من كل عقل شكد جنت ضايجه من كلام ايهاب بس لموقف حسسني بفرح غصبا عني
فدوه ايخبل عليه لعكال ييااااي
لاوين اكو اصلا موحلو
يمه فدوه شلون هيبه فديت طوله
امين اصلا شطوله جنه تيل
اوووف خبلج ناي كمتي تحجين ويه نفسج وتعاندين نفسج لحضه بس هوه شلون عرف
يعني امين عرف ناي اكيد الBBCكالت لمحمد وكله

قيصر: لااجاوب ع تلفون ولاتطي مجال احد يحجي وياها كلت خلي ترتاح وتهدء وارجع اروحلها خابرني محمد
شلونك قيصر
هلا محمد شلونك
اكولك اكو شغله قبل فتره سمعت بيهه كلت ده اضوج قيصر مكتلك بس هسه صارت صدك
-شنو هيه مفهمت
-شسمه ااااا ناي انخطبت
-بيدي ستكان جاي وكع ع هدومي كاعد يمي اخوي صادق صاح اللله شبيك بس لاحتركت واني محاس بحراره الجاي اصلا كتله لمحمد سده اني جايك ساعه 8لمغرب رجعت بدلت وكتلهم عندي شغله ببغداد اخذت هدومي ونزلت لبغداد اغلي وصلت بغداد ساعه 11بليل خابرت محمد كتله اطلع مانكدر نحجي بالبيت طلع اخذته جانت الجادريه ممسويها مطاعم بعدها بس ساحه وشط وكفنه هناك كتله فهمني وحده وحده
محمد: موتدري من رحتلها حته تصالحنه اني وسرى بيومها خابرتني سرى كالت راح تنخطب ناي اني كلت تريد تقهرك بس البارحه خابرتني كالت اجوهم الولد وامه واتغقو الجمعه يحجون بيها رسمي
-وليش مخابرتني بساعاتها
-كلت اشوفها بالكليه وافتهم منها مومال تلفون وطلعت الشغله صدك لولد محامي اكثر من مره محاجي ناي هل مره كايلتله موافقه
-خابر سرى خل تحصل اسمه لكامل
-شتريد تسوي قيصر
-يااخي سوي الي كلته اترجاك
-اي شكولها اطيني اسمه قيصر ايريده
-محمد اتحجج واخذ الاسم يله فضني
ساعه جانت 12رجعنه للبيت همه يتخابرون ع خدمه تبدي ب12:30خدمه خط اسيا
كعدت يمه كل شويه اأشرله بيدي يعني بسرعه
كلها هسه شنوت ناي ع ولد هيه ردت يكولها بيهه الخير شسمه هوه هاااا يمكن سامع بيه ايهاب شنو بله هاااا ايهاب الزبيدي عاد عنده مكتب لوبعده جديد
حلوو معروف هذا عدي العاني يمكن هم بالكراده مكتبه اي زين
هوه هم بالكراده ساكن هااا خوش هياتهه بغدادالجديده موبعيده
-فهمت القصه ساعه جانت ب2ضليت الوب شيطلع الصبح للصبح كاعد جكاره وره جكاره طلعت الصبح للكراده افتريت واسئل ع مكتب دلونياه دخلت جان بس لفراش بالمكتب سئلت عليه كال طلع
هااا بلكن رقمه لان انمسح من عندي اطاني رقمه اتصلت بي مرد كررت الاتصال جاوب
الو السلام عليكم
وعليكم السلام
استاذ ايهاب
اي حبيبي تفضل
اني محتاجك بشغله بس مو مال تلفون اذا ممكن اشوفك وين انت اني اجيك
-شغله بخصوص شنو عزيزي يعني دعوه عندك بالمكتب تكدر تجيني
-لالا بصراحه الشغله اني وصيت خير دزوني عليك جماعه بشغله اذا ممكن نتشاوف
-ماشي حبيبي اني حاليا عندي شغل اذا تحب تفضل للبيت اطيك العنوان
-رد العنوان وتواعدت وياه ساعه 7المغرب يتواجد بالبيت
لبست عكال ودشداشه الشغله مو بناطير  اني اعلمج ناي رحتله الولد ضيفني
بصراحه اني دزوني عليك حته اكون وصيط خير بينكم لان توقعنه يمكن متعرف انت بهل شي
-حبيبي بس ع شنو ومنو دزك
-دزني ابن عم ناي المحاميه
-اي اهلاوسهلا بيك وبيه
-انت تعرف ان ناي ناهي عليها ابن عمها
-ناهي عليهه?
-نعم ناهي عليهه وانت تعرف اكيد بنهوه ماتاخذ غيره وان اخذت ينهدر دمها ودمه حبيت ابلغك لان توقعت انك متعرف
-بصراحه ماعرف ورحم الله والديك تعبت وجيت بلغتني اشكرك واعتذر لان مثل مكتلك مكان عندي علم واحنه فقط رحنه كتعارف بعده مصار شي رسمي
-الله يعوضك بالاحسن
سلمت وطلعت جانت ساعه 8:30بليل دكيت مجاوبت عفتها اني اعرف وين الكاها باجر
الصبح خابرت ع سرى من تلفون محمد
كالت طلعت عدها جلسه لليوم بالمحكمه
عرفت بس ردت اتاكد لبست دشداشتي وعكالي وطلعت طبيت لكراج افتريت لحد مشفت سيارتهه طبكت كدامها مشغل تبريد انتضرها تجي شفتها جتي نزلت بيدي السبحه افرربيها من غضبي حجت ورديت الها وع الله تاخذ حجايتي بعين لعتبار حته مااسوي كارثه رجعت لبيت احمد محمد بعده مجاي كعدنه ع غده ودك تلفون محمد وكام يحجي