قصه بدور

بارت 11

بدور
ج 11
تغديت وكملت بس رجع بالي يمه مثل ذيج الايام....مال سطح وسهر الليل ..... بس اريدهم ينامو يطلعون اي شي داتصل بي بعد صبر ماعدي لو بيدي هسة اروحله ..وافتهم منه شنو الصار وتركني كل هلسنين ....ضليت انتظر.... امي اول وحدة ة نامت وراها مرت اخوي تعبت وياي كالت حنام بدور كتلها انه هم انام نامت ونومت جهالها بقى اخوي كاعد ع تلفيزيون ...يارب شون شراح يخلصه اليوم ..مطول كال طفي اذا تنامين  انتي حنام تعبان كتله الله يعينك ويساعدك ....تاكدت الكل نام ...خذيت الجوال وطلعت بي برة دكيت عليه مجاوب ضجت دكيت مرة لخرة جاوبني.الو ...الو سكتت كال بدور دقايق واتصل بيج ...كتله ميهم انتظرك ماطول علي شويه ودك وانه الوب بلطرمه ودنيا حارة وهوة يذبح دك رحت كعدت بفي التيغه وجاوبته سلم عليه ....وكتله ازوجت كال اي سكتت كال بدور سمعي مني كتله اسمع انه من عفتج طلعت اخذت الطريق مشي لا عندي هويه ولا شي صعدت سيارت عبرت لصوب بغداد ونزلونه الامريكان واني ماكو شي يثبت هويتي اخذوني وضليت يمهم ست اشهر اني ابجي اسمعي فدوة والله ماكذب ..كمل ...طلعت وضعي تعبان وكل هاي مجرد اشتباه بس اخذت وكت علما اهلي اندلوني ..اهلي تعبو من وراي ابالهم ميت وامي تمرضت بسببي .... والوضع تغير علما كمت ع حيلي طارت سنه من عمري  وانه مامفتهم شي ومن دوامي نفصلت ...لحد مابرئت نفسي يلا كدرت ارجع لشغلي ...ويوميه ع بالي وبسجن محد هون عليه غيرج كلما احط راسي ع مخدة اذكرج واذكر كلامج وبرائتج ...جت ايام ابجي عليج والله بدور مداكذب بشي اسمعي فدوة لا تبجين يابعد عشيرتي انه لحضه ماوكف دمعي  ..مدري صدك ..مدري جذب ...كمل وراها اخوي استشهد الله يرحمه  وهم اللتهيت ....وامي تمرضت فدنوب  ..لحد ماجا يوم كلت لازم اروح يمج اخذت اجازة و طلعت الصبح ركبت الكم وصلت جيت اتمشى بدربونتكم لنه  انه غلطان ماشفت بيتكم.... رجعت فتريت وهم ارجع ليمكم لحد ماواحد سالني خويه مضيع شي ..كتله والله جاي ع اقاربي هنا بيت ابو محمد رجال جبير جان ساكن هنا وعدة ولد اثنين  كاعدين بغداد وبنيه ...كال تقصد الي جان بيتهم هنا بهذا المكان كتله ي كال والله نطاك عمرهه وولدة اثنينهم باعو البيت ومحمد راح لبغداد واخذ امه ويا والاخر راح بلجنوب كعد ضلت فد بنته بيت عمها اخذوها لابنهم الكصاب ودلاني بيت عمج ...لابيه اجي لهناك ولابيه ابقى ....رجعت وعرفت تأخرت وخسرتج ...بعد ميفيد الحجي ...زوجت وحدة امي اختارته الي وصار عندي منها جهال 2 ولد ... ..وعايش وياها بس مانسيتج كفيلج العباس الي هوة بيناتنه ...هذا الصار والله ..بدور بدور كتله ها محمد ...ماعدي شي اكوله بس بعدك نذليت والدنيا فرتني فر ...وتهجولت وتيتمت .....كال انتي زوجتي كتله اي ..مرتاحه ويا ..كتله ماعرف طعمها للي تكولها الراحه ..اوف ليش ...حجي ..هوايه ماينحجي ...زين شبيج مريضه ..مابيه عبالهم عاكر وماخلف بس طلعت مابيه شي ..كلي ربي يرزوقج اطفال ...كتله ربي لايرزقني وماريد شي بعد ...محمد انه شسوي هسة فهمني الطم لو احرك روحي .ليش هيج شبيج يابعد عمري ..شبيه  كل هذا وتكول شبيج نجبرت بزواجي وكلت ميخالف عمتي سممت حياتي وكلت تتغير ..ابوي مات وكلت اصبر ...اهلي شالو عني كلت مدة واتعلم ..رجلي زوج عليه ..وكلت تهون ...لاحضيت بطفل ولا رجال ولا اهل .ولا انت ...وتكولي شبيج ..كلي والله الي تريدي يجرالج ع لسانج انتي اذا مامرتاحه ويا عوفي وانه ازوجج ناقص عرض الماخذاج .ومرتك .وجهالك اهدم بيت ع حساب سعادتي ....بدور اني اسف اني وصلتج لهل مرحله وخسؤتج بس مايفيد الندم هسة ...الي تكولي اسوي ..كتله ماعندي شي اكوله الله يوفقك وانه الله ياخذني واخلص ..لا تكولين هيج من غديتلج فدوة ...ضلينه نحجي فوك الساعه لحد ماكتله راح يكعدون وانه باجر راجعه لعيالي وماكدر اتصل بيك لحد ماشوف فرصه واكدر ....سديته منه ..اجس نفسي رجعت لذيج الايام وصعدته الدرج والبيتونه ....ضليت ع كعدتي هاي لحد ماطلعو الي مرت اخوي بدور شجرالج هنا بهل حر يمعزدة راح تموتين روحج علمود محمود كومي حبيبه كومي وتعزذي الشيكان وطبي غسلي ..طبيت وياها .غئلت وحضرت روحي ع باجر ارجع فد هنا فرحه بكلبي وبروحي ..حته الكل شافها فرحانه بكد رحمه الله واكثر واخيرا لكيته ماريد شي بس اسمع صوته كافي عليه وشيؤيد يصير خلي يصير عساهم ماذبحوني .....نمت وانه احلم بي ....كعدت الصبح خابر محمود بلطريق حضرت غ اضي وانتظرته كلت بين مايجي اتعذر بي وادك ع محمد والله طلعت دكيت عليه جاوب احلى صباح بي اسمع صوتج ضحكت كتله غجيتلك فدوة يابعد روحي ..محمد انه مرتاحه وفرحانه بشوفتك ماريد شي بس هيج اضل وياك لو العمر كله ؤاضيه ولك دوريتك برويحتي بكلبي ومالكيتك وهنوب لكيتك صدك ..كال يمه شنو هلكلام فدوة لحلكلج ولج بعدج جنج كيمر هنوب كبرانه وحلوة اكثر واكثر ...كتله محمد ؤاح ارجع وردت ائلم عليك قبل لا اروح كال الله وياج وان ضوجج لو مد ايده عليج كولي لااكسرهه اله ...سديته منه ورديت طبيت تريكت وياهم واضحك واسولف فرحانه الدنيا ماسايعتني اجه محمود سلمت عليه وكعد ويانه وجلبو بي للغدة وانه هم كتله حته تروح الشمس ونرجع ...بسوالف مرت اخوي كالت اله وديت بدوؤ وطلعت مابيها شي صاغ سليم وتكدر تحبل وجيب ...شفته انعقج ..بس ماحجه شي كدامهم ..بس يعاين عليه عاد هيه فهمت كالت كوة اخذته وما ضت والله جريتها جر ماقبلت تروح يامحمود المفروض من الاول تراجعون مابيها شي هاي امراض وتصير تتعالج الله يجفيكم شهرها عيونه كامت تجدح ..انه ساكته واباوع لحدماسكتت مرت اخوي ..كمت صبيت غدة لس عه اكلنه وكال يله اروح يادوب اناحك ودعت امي والكل وطلعنه الطريق كله احاجي ميجاوب ابد ..احايله فد قافل وصلنه للبيت طبينه طبيت للغرفه طب وراي كال شون سوين هيج كتله شكو كال تعرفين ترحين للدكاترة وطلعيني مو رجال كدام اهلج مو ..اسمع فدوة لعينك والله علمودك انه هنوب مرت اخوج تعيرتي ليش متعالجت وهيه مابيها شي  يابت كلب انعل ابوج لابو اهلج لابو فعلج وبدة يضرب انه بس اغطي وجهي فد هلمرة عدمني العافيه طبو اهله يجرو ويرد يهجم عليه خله الدمايه تجري من خشمي وحلكي كوة طلعو وضل يرعد ....طبت مرت حماي شكو شصار شجرة يمعودين شبي وياج شالتني غسللتلي ورفعت راسي لحد ماوكف الدم كامت ركض سدت الباب وكالت احجي شصار حجيت الها كالت حرام عليه ماسويتي اله الصح يجوز مريض هوة خوما ضلين عمرج كله لا ولد ولا شي لعد من امه كالت ودوي كوثر دكتورة رضه ماحجه بس هوة صار كم يوم متناحس حته يعوف كوثر ويجي ينام هنا بروحه من اساله امه يكولها مالج دخل مرتاح   ..ضلت تهون عليه ..وعافتتي وطلعت ..انه كاعده اريد اعرف شصار دماغي ماصاحي ...كمت جسمي يون عليه من الوجع رحت غسلت وذبيت هدومي وؤجعت نمت بلغرفه وقفلت الباب هناك ودك الباب عليه بدور فتحي داخذ غراضي فتحت الباب طب وقفلها وكعت ع رجله كتله موقصدي والله ؤدت ارتاح واريحك محمود جسمي مداتحمل الالم الي بي ارحمني جرني كومني كلي ماضؤبج كومي كوني جرتي خلاني ع الفراش وكعد يمي ...ساكت بس مهموم اعرفه من عيونه ..كال انه من رحتي رحت ؤاجعت والدكتور كال الحيوانات  المنويه الي التحبل تلقح  البيضه وتموت السبب مني وانطاني علاج وكال فترة وارجعلي  اعرف وانه خشيت بخطيتج وجبت هلجايفه ام الصنان عليج بس نار كلبي طلعت بيج  من عرفت رايحه ماردت احد يعرف ويعيرني بدور انه اسف ضل يبوس بيدي وبيه اسف والله ضلمتج واهلي ضلموج وياي فد انه كلبي مات منه .....ماجاوبته كال جاوبي انه حته دمع عيني وشل كتله تعبانه اريد انام بلكي ماصبح .....ضلت كاعد يمي ..سويت ؤوحي نمت عافني وطلع ..انه مابيه اك.م من فرلشي جسمي نفك فك من الوجع ...شويه وحاه جايب عشا من برة ...كباب يعرف احبه ..كعدنب كلي كومي اكلي لكمه ..كتله ماريد ضل يتوسل وجاب الاكل وكام يوكلني بيدة اني صافنه عليه طول هلسنوات مساوها ولا حسيت بشي منه بكلشي...