الجزء 15
بدور
فزيت هورن قوي و وكفت السيارة .. اسمع السايق يححي ..شلون عالم ..ووضع تعبان حته سياقه ميعرفون يسوقون ضليت ساكته شون سرحت وحياتي جت كدامي مثل الشريط ......كتله ماوصلنه كال لا بس مضل شي مدشوفين ..شلون ازدحام .....بس مكتيلي شبيج ....
سرحت شكولك شحجيلك قصتي متنحجي ....جاوبته بمختصر من حياتي ..الي اكدر احجي ...وكتلة فدوة .... هم يادوب نوصل ....كال لا تهتمين....نوصل ..... تجيت راسي ...ورجعت لذاكرتي باول يوم ...من عفت اعيالي..ورحت .بشقة محمد ....
كعدت .. الصبح طالع ...كمت ع حيلي خاف ..محمد جاي ...دورت فد مالكيته ..رديت طلعت الجوال ..لكيته داك ..علي ..يمه بعد كلبي ....دكيت ..عليه ..فد الرصيد خلص يارب شلون ..لابيه اطلع ولا اندل احد ..شسوي ا...ضليت متحيرة كلت هوة يدك علي ....كمت رحت للمطبخ ادور شي اكله ..شنهي ياربي هلكاونتر والطباخ ..ضليت فاتحه حلكي واعاين ..واذكر طباخ امي ههههه عين وحدة وكثر ماتصخم حته الجدورهه .سودت... ..فتحت الثلاجه فارغه فد بيها بيضات اثنين ...سديتها فتحت المجرات بيها جاي ..وشكر ..وملح ..ومدري شنو الباقي ...مالعبت بي ..سديته ..وسويتلي جاي ..ومن الجابه محمد البارحه طلعت جبنات و اكلت جبن ....بين مداكل دك محمد ..يمه .كليبي ...جاوبته الو...الو...صباح الخير ..مصباح الخير والعافيه يابعد كلبي ...ضحك كال وين غراضه..ضحكت ..كتله وغراضه هم ...سلم علي ...وكلي بدور ...كتله عيونها كال هذا رقمج بس الي لو شنو الكل تعرفهه ...سكتت ..كتله الكل تعرفه ..كال مثل منو كتله كلها اخوي ومرته ...اهلي ...كال انتي مخبله لو عاقله من البارحه طالعه ...مكلتي يخابرون واني الي فهمته منج ماتريدين ترجعين ..انه ..صافنه بحجية ...كال باعي كسري الشريحه ومن اجي اجيبلج واحد ...كتله من فدوة لطولك اروح ..ماعرف والله ..كال مومهم ..غلقي وانه جايج بس اكمل شغل ..واتغدة واجي .هلا بيك ..ولو مشتهي الخبز من ايدج والطماطيات ..والله ميت جوع ..يمه سودة عليه من مات الجوع ولفه الكبور ولا موتك من عيوني فد تعال انت واسويلك الي تريدة ....ضحك وضلينه نسولف وراها راح وسويت مثل ماكلي ..غلقت الجوال وكعدت ..هنوب ضجت شسوي ..ياربي كمت ع البيت نظفته ..وطبيت سبحت ...وطلعت ...وانه وامشط بشعري صافنه ع المرايه ...يارب شراح يصير بيه ..معقوله ازوج محمد واصير حلاله ..اووف ياللهي فدواتك ...رديت اذكرت بيت عمي وهاي الخنفسانة شلون حبلت ...لو هاي حيلة بينها وبين عمتي حته يطلعني من بيت ..ورديت ع امي المكرودة لحد ..ما راسي انطرش ...لفيته الشعري ..ورحت مددت بلغرفه واعايين ع السكف والاخشاب ..شكد حلوات ..فدواتك يارب تممها علي بفرح ..مابيه ضيم بعد ...هناك وتمر ع بالي امي واخوي ..واكول راح اخابر اخوي يجي ياخذني ..فد شكوله ...اكوله انه جنت نايمه بلكراج . واحجيله الي جرهه من اعيالي ..وارجع بحضن امي..هنا ودكت الباب كمت ركض ..وكفت يم الباب ووجهي صفر ...صاح بدور فتحي انه محمد ...انه رأسا فتحتها ....باول طبته وسدته الباب ..حضنته ....وضليت اشم بي من غديتلك فدوة يابعد..رويحتي ..شكد مشتاقه الك ...وخرت عنه ...وطب ..كعد كمت ركض جبت اله كلاص مي ..وكال سوي جاي فدوة لطولج وتعاي فهميني .....بسرعه كمت خدرت جاي وجيت كعدت يمه ...كال فهميني شراح تسوين وشنو ..كتله اجيب الجاي..واجيك .. رحت للمطبخ ربي شكوله انه هم متحيرهه ..خليتهن بصينيه ..وجيت يمه وكعدت ..كتله يابعد عمري الي تكوله اسوي ..تريد ترجعني لاهلي ارجع وتريد لبيت عمي اروح ..وتريد تبقيني حت لو خدامه جوة رجلك راضيه والله ...نزل يمي بلكاع انه احرك بلقوري بيدي فد دموعي طاحن ع وجهي ...رفع راسي ..كال صدك تحجين بدور شنو خدامه ..لج بابا احبج ..ومانسة وكفتج الي ...ولا نسيتج بس غير ضروف وحكمت ....اني يمي الحل اليوم اخذج اعقد عليج يم سيد شيخ ..اي شي المهم حلالي وبشرع الله ...انه بهتت وكلبي جاه يطفر من مكانه ...وراها ربج يحلها ..بس محكمه ماكدر ..لان زوجتي واطفالي صعب ..اشرت اله براسي لا لا ..كال شنو لا ..كتله مو مهم .المهم انه مرتك ..كدام الله ...واهلي ...كال هنا مشكله ..بيني وبينج بس ...اذا ضليتي وياي انسي اهلج ..انه انضربت ع راسي ..كتله ليش كال ...انتي تعرفين شي وانه اعرف شي ...ماريد مشاكل وحجي ..تريدين ترحيلهم وشوفيهم العقد ...وتتفقين وياهم ..بس ماريد احد يوصلي..سر بيناتنه ..بس عقد ..دائمي لايرؤح بالج بعيد ..انه مافهمت شي بس اهز براسي عود جاي افتهم علي .وساكته .ماعرف شجاوبه ...رديت كتله الي تشور عليه انت مانختلف بي فد تبقى سالفه ..انه العدة ماطالعه مالتي ضللها اقل الشهر ...تطلع ونزوج ..كال يابت الحلال الي يريحج اسوي ...وضل يمي لليل فد صافنه عليه وعلى حجيه وكلامه ...كال راح تجيج بنيه خوما ضليين وحدج ماتعرفين احد ...اعرفها ..ترتبج وتشتري الج ملابس وشوفي شمحتاجه انتي ..كوليلها لا تستحين ..منها هاي..صديقتي كلش ...فد منية هيه شلون صديقتك ..كال مالج دخل عليج الصافي باجر ادزها الج ...اشرت براسي اي ...يحجي وانه سارحه ويرد يوعيني ....يكولي هاااااااهاااااااا .وين .اضحك ...من غديتلك فدوة اريد اشبع منك ....يابعد كلبي ...ضلينه نضحك ونسولف ...لحد ماكال يلا بدور اروح ومثل ماوصيتج ..تجيج لا تستحين منها ابد ...وانه باجر ع فراغي اجيج . واريد منج غدهه ..انتي ويا روحز اسوكو مالج دخل بفلوس ..كتله عندي والله ..كال اسكتي وسمعي كلامي ماريد اضرج بشي ..انهىكتله تأمر عليه ..كام راح ...مودع بالله ...وسديت الباب وقفلته ...تجت ضهري ع الباب وكلت ربي فدواتك ماريد شي بعد ....الحمدلله ع نعمتك الي جازيت صبري وتعبي ....رديته الي ..سهلي امري ........وللحكايه بقيه
