بنت شيوخ لكن

الاعتراف

حسنه تتكلم ونرجس تريد تسمع ٠٠٠٠حسنه بيوم انعزمنه بقريه وجانت خيريه رئيسة الكيوليه كانت كل ما تمر بمكان وتشوف طفله حلوه تسرقه حتى تحصل من وراها فلوس وصلنه العرس وجان عرس مال شيوخ بعد ماخلص العرس خيريه جبرتني اقشمر حفيدة الشيخ وجانت حلوه كلش  الخطه اسحبه  للخيمه وغازي يخدره وضمه  بالصندوك ٠بدت نرجس تتذكر تسلسل الاحداث ٠٠٠حسنه بدموع اني كلش تعلقت بيج صرنه اختين احاول احميج ومرت الايام بعده رجعنه النفس العائله الي سرقناج منه وكان هاي المره زواج اخوج حسين عيون نرجس امتلات دموع كانت كتف بكتف على امه ومحضنته الي سندته جده الي مدلله وصلاح من اولاد عمومتج بدت علامات الانهيار تبين على نرجس تمتم بكلمة شلون ٠٠نرجس وهسه تريدين تعرفين ليش اخذناج وانهزمنه لان قانون العشائر يحتم قتل البنت اذا زنت انوب انتي راقصه بكيوليه خفت ليذبحوج اخذتج وانهزمت بيج لهنا ٠عوفي صلاح وزوجي جبار والزمي الفرقه بعدي انهارت نرجس ،وكامت تتكلب على ألأرض وتون حنت للعائله ركضت الحضن صلاح تشم بي بس مو شمة عشك شمة اهل متفاركين ٠صلاح شبيج نرجس بس احجي ميسمع منه غير بس الاااه وره ما هدات تركت الكل ودخلت خيمته خلت راسه بين ركبته تبجي وهناك شق سمعه صوت جبار يصرخ ويبجي حسنه ماتت جبار منهار يصرخ ويكسر الغراض حسنه جانت وحده حره بس مجبوره  الكل يبكي ونرجس بغير عالم عيونه تراقب صلاح جبار اخذ غراضه بعد حسنه وراح باقي الفرقه تفرقو وضلت بس خيمة نرجس متعرف وين تروح صلاح يتوسل بيه تزوجيني ميصير تبقين وحدج بخيمه دخلت حاله من الهستريا كامت تصرخ اطلع ماريدك من دخلت حياتي دمرتني
كتلك ابعد بس حنينه الروح باحضانك غفت
ريت لا شافتك عيني وريت يم عينك حبيبي مالفت
كتلك ابعد وانت ناري ابرد ابرد من تغيب
نارك تجوين لو تكرب عليه توجرت
تصرخ ابعد وقلبه المليان خوف يصيح وين رايح ومخليني مو اني عرضك وشعر شاربك كعد بره الخيمه وهيه تبجي بخيمته تكلم نفسه ياربي شوفلي حل اذا ابقى يمه راح يخسر كل اهله وعشيرته وحتى بناتهم بعد محد ياخذهن واذا اكول اني منو راح انذبح وادري بي يموت قهر اخاف عليه من الهوه لو يمر بي ربي وهم صعبه اكسر خاطر ه ادري نهضم حيل ضلت تبجي الى ان غفت كعدت الفجر فتحت باب الخيمه لكت صلاح نايم يم بابه يخاف يعوفه وحده لمت غراضه ومن وره الخيمه سوة فتحه وراحت للمحطه صعدت بالقطار متعرف وين تروح لو جبار باقي كان داست على قلبه وتزوجته بلكي يحميه لكن صار الى صار لازم تعيش واقعها ٠٠كعد صلاح من نومته يريد يطب على نرجس يخاف لا تصرخ راح جاب ريوك كله نرجس اني جبت ريوك ناكل سوه واودعج واروح كان مقرر يراقبه من بعيد حتى يحميه صاح باسمه ماكو جواب قلبه خفق ضنه مغمي عليه او بيه شي دخل الخيمه بس ارض فارغه انهار هد الخيمه للكع وكسر عواميده راح للمحطه القطار متحرك من ساعتين بنت عمره ١٨ جماله فتان شكره ووحيده فريسه سهله للذئاب البشريه وين متروح يتحرشون بيه حاوت تخفي محاسنه منفع مبقه بجيبه غير فلوس رحله بالقطار جوعانه مبهذله ودته رجله القرية اهله وصلت باليل وجهه مترب كعدت بباب بيت ابوهه انحنت على التراب تحجي ويه روحه يابه اني هنا لمني حالي حال خواني مو اني الوحيده المدلله يمه يكولون الام حنينه شوفي حالي ها يخوتي الخوه حزام اختهم وينكم تبلل التراب من دموعه غفت يم الباب شيخ فالح عوايده يطلع مغبش للجامع فتح الباب لكاها كال يحرمه انتي منو سمعته مكدرت ترفع راسه كلته بويه انه دخيل كد الدخيل يو لا كله افه عليج حياج الله مين ماجيتي صاح على اميره تعالي عدنه حرمه دخيل لفيه يمج اجه صوت اميره تامر عمي دخله جتي اميره سندته من الضيم الشافته معرفته كعدته ونرجس تعاين بعين امه
هاييمه شحال قلبج جنه بيه ماعلم
اميره جابة اكل وخبز وماء لحت على نرجس الى ان اكلت كلتله عبالك شايفتج قبل جني اعرفج ٠نرجس مخنوكه بعبرته ٠اي خاله اني جنت اساعدج بيوم العرس مال ابنكم تذكرت اميره ها اي هاي شصاير بيج شنو سالفتج احجيلي حجتله عن موت خيريه وحسنه وتفلشت الفرقه ومبقاله احد اجتي لان هم ناس اجاويد تلفي عدهم انقهرت اميره عليه سالته عن العرسان كلتله ياعرسان صار عدهم بنت تخبل وبجت اميره كلتله تشبه عمته الماتت نفس العيون والشكار ٠٠اميره كل ما احن على بنتي احضن بدريه نرجس بقلبه تكول هاي اني يمه حضنيني والله اريد حضنج ٠اميره دنامي ارتاحي بين ما احضرلج هدوم لان انتي كلش وسخه ٠٠نرجس اي اريد اغفه بس قلبي يرجف خلي ايدج جوه خدي حتى انام انقهرت اميره حطت ايده على خد نرجس ٠٠غفت نرجس قبل متغفى باست ايد امه وغفت ٠طلعت اميره من الغرفه بهدوء خبزت وحضرت الريوك بين ما اجه عمه من الجامع