البارت_الخامس
للمعذره صار عندي غلط بتواريخ فاطمه مواليه1974معذره تامه مني لشخص فاطمه
ابوها توفى عمرها5سنوات ومن توفت امها عمرها9سنوات...الخطاء وارد
..................
نرجع للقصه
عام1990عمي ضل يون من الدغه مال حيه
يون ويريد ولده وبناته
عمتي مريضه كلش واني محتاره
الصريفه من الهوه تفلشت
المطر فوك روسنا طلعت الصبحيه بلا ريوكً ادور بلجن اثر الولد عمي لان عمي
يجالع(روحه تنازع)
تحزمت بعباتي ورحت ادور
لكيت بطريق روجه(هوسه) ناس شايلين غراضهم
ناس تشرد شي من الهور يشردون
شي من القريات القريبه شنهي شصاير
بطريق واني ادور بلجن اثر الولد عمي صادفت
زلمه جبير بلعمر اشماغه على راس مخلي بلا ترتيب
القهر وسنين العمر ابوجهه مبينه عصاته بيده
كتلهةفدوه عمي متعرف قرية(..) شصار بيها
كالي بعد عمجٍ:ماكو اي مكان بي أمان تروحيله لان الغريات(القرى) الغريبه(القريبه) عل هور
كامت الحكومه يفلش بيهن
وحدى ورى الثانيه يدورن عل معارضه
والناس الماقبلت تنزح فلش بيوتهم عليهم
واني بعد عمجٍ جتلو(قتلو) ابني وثاني اخذو للسجن..وحلالي باكو وكاعي بزرعها حركًوها
وهسه جاي اشرد ببنياتي وابني الوحيد هذا اروح الأيران احسنلي استر على بنياتي
فأنت بعد انسي شي اسمه هور لان تجفف
حتى الما الشرد من الموت سجنو
والبقى هناك يموت
الطير مات
الزرع مات
الناس ماتت
السمج مات ماخلو شي عدل
بس اجٍم قريه بقت سالمه من شرهم
رجعي بعد عمجٍ ستري على شبابج
لان اكو بيهم حاقدين اخذو حتى نسوان المعارض وسمعنا عتدو عليهن واغتصبوهن
فاطمه هو يحجي خلاني مشدوهه وحايره
شون ادبره اذا زلم جاي تروح منا
واني زغيره وين اطي روحي
باسم مابين يارب رحمتك
رجعت للصريفه تعبانه
احضر اكل عمتي تمرضت كلش من المطر
الحطب كله تبلل عمي كعدته ماكعد
جانت لحظات اسود من اليل مات
مات عمي وهو فاك عينه على ولده
واني ضليت اصرخ والطم وابجي
اخرمش وجهي شيفيد بس ماعندي غير البجي
واجو الخيرين من الناس دفنو
وبقت عمتي سوء حالتها قهر ومرض
محد وكف على علتها بيومها طاحت الصريفه
لان هوا عالي ومطر
وضليت واكفه كاضه نايلون طول اليل
حتى مايطيح مطر على عمتي
تعبت اخ ربي ثاري
الحرب مو علهور بكلبي كلت
الحرب على فطيم كلها تحاربني
السما والكاع والحكومه والناس
البرد اكلني اكل.. بحيث رجلي مااحس بيها ثكلت وضلت تنمل وصابعي زوركن
اسنوني كامت اطكطك من البرد ابجي على عني
على الدنيا لعبت بينا محد يصبرني
غير جٍلمة الله الي بمحبس امي
صار الصبح هدومي مبللات
وجسمي مايتحرك صك مثل الثلج
عمتي حسها نكطع مابيها نفس
حتى صريخ مااكدر اصرخ من البرد
ماتت عمتي من البرد لان عمرها ماخلاها تتحمل
واني حرت ادموعي نشفن على عمي
على باسم راح ومارد على عمتي ماتكعد
على صوتي مايطلع من البرد ..
شوي ضوه الشمس دفاني سحفت العمتي
هي وفراشها ناكعه...تلمستها غمضت عينها
الموت ريحها واخذها من هل دنيا وضيم
..بس ماتت هي وعمي بحصره بزرها
جٍانو يتمنون يشوفون ولدهم وبناتهم
قبل لايموتوت امنياتهم سهله..؟
بس عند الدهر صعبه..!!
ضليت اعاين العمتي وابجي بلا حس
صدمه ورى صدمه ابوي ماشبعت منه شوف
امي ماشبعت حنيه منها
عمي وعمتي صارو...واهلي
بيتي وتفلش البيت.. وراحو الاهل
ساعه بعد صفنتي هيج وصرخت والناس
التمت علي
واني مثل التايهه المالي احد
وشيخ أبو مطر اجى وتكفل بدفنت عمتي
رابع يوم طلعت لازم ادور عل باسم
ياربي بس هذا الحل (ياداحي الباب)سئلت وين
بيت باسم الصياد المثغف(المثقف) دلوني
رحت اتمشى واني اتخيل طوله
وطول عمي وعمتي
دكيت الباب والاسود من فوكاي الجواي
هسه شيكول علي مسوده
اخ ربي بسبوعين عمي وعمتي
اكو حّبّ بي مي امبين وجهي بي
اعاين وجهي مغرمش هالات التعب بيه
من لطمت على عمتي وعمي
حلكي شفافه مطكًكًه من البرد
خاف باسم يشوفني هيجٍ
اخذت طاسه غسلت وجٍهي
طلعت مريه جٍبيره بلعمر كالت تفضلي
فاطمه:هذا بيت باسم الصياد
اي يمه بيته تعاي دخلي تعاينلي وعينها تدمع
بعد امجٍ انتي فطيم جنج ولج اي من دكت حنجج
باسم حجالي عنجٍ
وكالي اخطبجٍ بس..
فاطمه:اني كمت اكره هل كلمه ...بسس...
من تنححي وراها طلايب
هي تحجي دور بجت ليش خاله تبجين
ام باسم:خاله راح ياخذ الطيور للولايه وكظت الحكومه
وهسه بلسجن والحكومه اذا تكض واحد
جاي من قريه و الهور وشاكه بي مايطلع
بجت امه واني بجيت
رجعت والطريق صار شطوله والعمر مابي راحه
والدمع نشف من عيني
اعلى طروى فركتك اشتهيت الموت
اباوع الدربنا كل عقلي اترجا ك
بلكت الله ويطلع لي من درب طيفك
صلفه و عشت لهسة من فركاك
المفروض من رحت اني بلكًبور
باجر اتاني يجي وذا ماترجع شلون
راح اصدك باجر واكًول بلكن تعود
من كثر ما أمركً بدربك ردت علي الكاع
يمعوود حبيبج ماطر ولا مووجود
رجعت هاي هيه كًلت انسد باب الأمل الي جنت مخليته باسم ومايفتحها بس ابوخيمة الزركًه
عيني غوشة من البجًي رجعت للصريفه
لكيتها مفلشه تفلش... ومحروكًه حاركيها
شريد اطلع ارد اطفيها بتراب ايدي
طحت للكاع كًمت اشيل تراب وذب على روحي
لابيت ولااهل شدبره ياربي
ياالله ياربي عاد باسم يردلي
اصرخ ابجي الطم بس هذا البيدي
حرمه وزغيره دهر صابك ياعمر الخمسطعش
صرت علي اشطولك
كل يوم منك سنه وكل سنه منك
دهر وكل دهر منك ياخذ حيل وعمر
هيج حالي وهذا موالي
لاتفيد غريبه من بعد عينج يايمه(لان ماعندي اهل حتى اشكي منهم الامي الميته)
ولا تفيد حركت الروح لمن فاركوهم(لان المن اشكي
واكلهم حركت الروح)محد لاسند لاظهر
اجى ابو مطر راكًب حصان وسلاحه على جتفه
كتله ساعدني عمي وكًمل فضلك علي
نبني صريفتي
نزل كًال هو هيجٍ جاي اسوي
فاطمه:رح تحاسبهم لأن فلشو صريفتي
فدون عمي الله يطول عمرك
ابو مطر:اني كتلهم يفلشوها يله تعاي
فاطمه:ليش فلشتوها مو حرام عليكم
مو هذا بيتي
كلي شوفي بنت الناس ماعدنا حرمه تكعد وحدها وجيب العيبه السلفنا انتي بنيه
(بيضه حمره)معناها جميله)
اني دفعت فصلجٍ وتفقت وي عمجٍ
جنتي كاعده من تفقت انتي..
... هسه وكت الوعد يتنفذ
يله تعاي بعدني.... على وعدج
رح ارحم حالجٍ وازوجج...
فاطمه:ادنيا اتلوف ولوفات الدنيا ماتتأمن
ياربي كلشي بيدك
وبجاهك وبوجهك
رفعت راسي بست يدي وجه وكفى الحمدالله
كلبي يريدك باسم جا هيج وعدك
كمت بعباتي لمطينه
نهضت بعد هي نسدت وبس انت بطريقي
قابله شيخ ابو مطر رحت وياه للبيت
اتمشى واسحل بعباتي دخلني البيته وهو فرحان
واجتني مريه عرفت هاي اخته
دخلتني الحمام دافي بي جدر يفور
والبخار مالي الحمام دفى جسمي بعد البرد
دخلت اخته بس المستحه كاتلتني
سبحتلي وحضرتلي
حنه خلتلي وغسلت شعري
بطين خاوه صار يلمع
طلعت خلتلي ديرم الحلكًي
كحل عرب العيني
مسجً محلب عطرتني شحلاتج صرتي
كًمر اربعطعش(يطلع القمر بنص شهر كامل)
حكه اخوي يهواج
وبليل جاي سيد يعقد الكم
هسه يغارن نسوانه العجايز
وين انتي وين هنه لبستني عبايه
نكبت وجهي دخلتني الغرفه
بيها ابو مطر وسيد والباقي ماشفت
لان غطتني كلش اخته خلا وكيل الي رجال
جبير لان بعدني (زغيره)قاصر
وعقد السيد واني كل هاي
بس شفاف يتحركن ودموع يصبن
كلشي اله حكًمه بس الي يصير بيه شنو حكًمته
ياربي ارحم حالي
لاحبيب لااخ لاام لا اب لا اهل لا عزوه لا بيت
ورح ازوج زواج اتعس من الفصليه اي
ذكرة شميم جارتنا من خذوها فصليه
امها حضرتها وحنتهة
وشترتلها هدوم وخواتها يبجٍن عليها
وابوها مكسور خاطره ويبجي عليها
وكلهم يلجون لان راحت فصليه
شو اني لاواحد الي يبجيلي
ولاواحد مكسور خاطره علي
التمت علي الدنياكلها
خلص العقد شيخ وطلع ابو مطر
يرمي طلق وفرحان هو ولده
يرمي ويهوس
دخلتني اخت ابو مطر للكًبه(غرفه) الشيخ
ماادري اظحك ماادري أبجي عمتي
صار ايام ميته
عمي قبلها بجم يوم
واني اليوم عروس
هو عمر نحسب علي بس حسابيش ماادري
الكًبه مالتي بيها جٍربايه
ومداد وميز للهدوم
ومرايه كعدت على جٍربايه الله صار شكد
ماكاعده على فراش مريح
وبين صفنتي دخلن اتلث نسوان كبار بلعمر جٍن اكبر من عمتي
كعدن كبالي
عرفت هذن نسوان الشيخ الجبيره حجت
ام مطر:شوفي بنيتي انتي عمرجٍ بكد بزر بزري
وابو مطر زلمه جٍبير ليش تخربين حياتجٍ
عبري النهر دامه ضيكً
ولاتقبلين
فاطمه:بس اني عقدنا خاف حرام
ام مطر لا معليج اخذي غراضج ونهزمي
ونقذي روحج منه انتي حلوه وتخبلين
طلعن من عندي حجيهن صدك اخذت بقجتي
بيها اجم هدمه مالاتي
وطلعني اشرد بيدي البقجه
طلعت من ورى البيت
واركض واركض هذا خيال زلمه كبالي
و وبنص الطريق شفت
