البارت_الثامن
محمد:اشبيج يوميه ياخذ ناس كومه بتريلات
ويعبرهم اشبيج توهوسين ها جا اذا هيج اني ماخذه
غيبته اجانا ابو عمار كال حضرو روحكم الفجر خمسه نطلع منا لا تنسون
فاطمه:صار اليل اشطوله اطول من السبوعين
واجى الفجر كعدنا صلينا وتريكنا وندفع الباب
علينا ودخلونا مسلحين اشكال والوان
الساعه الخمسه الفجر صلينا تريكناحضرنا
روحنا نطلع
لملمنا غراصنا فتحت باب الحوش لأن هوسه
شفت ناس بلمئات منتظره ابو عمار
كلهم نسوان جهال عجايز كلها محضره روحها
سديت الباب كعدت بلكاع اشد البقجٍه
وحميد ومحمد يمي أندفع الباب
دخلو مسلحين شي لابسين رسمي
شي بناطيل وقمصان شواربهم غلاض كلهم
ضخام جسم وشكل وضل يصيحون
خونه يولو طلعو جرو حميد ومحمد
وضل يضربون بيهم بلعصا شي هروات شي بارس التفكه واني مذهوله عزا العزاج افطيم
دخل ابو عمار وياه زلم
هذا الزلمه لابس زيتوني وعلا جٍتافهم
اتلث نجمات ذهبيه كًله سيدي
هذا السبوع لميتهم الك
هاي جناسيهم هوياتهم وهذا فايل بعددهم
سبع وسبعين.حرمه وفوك الميه وخمسين.طفل
شباب فوك الأربعين..عجايز.ميه وكسور
واني اسمعله شون يقدمنا اله واحنا اطينا افليساتنا
فاطمه يل ردي.واني من هيستك عرفتك دوني
مو أكلت زادنا مو صار بينا عيش وملح
ابو عمار :اسكتي لا احط طلقه براسجٍ
محمد:عوفوها الله واكبر حامل اخذونا احنا مكانها
ابو عمار:اسكت سربوت..عدنا سجن للنسوان هاي انتم عود رفاق وخونه..لك احسابكم مربع خونه
-بقيت مشدوه لفيت عباتي الجو بارد ازرك
اخذونا بسياره تريله جمعونا وصعدنا بيها
بيها ألشهر الواحد برد يكتل وكعدنا بلسيارات
من البرد واحد يدفي الثاني سيارات النسوان وحد..
وسيارات الزلم وحد
اباوع للوجوه مزوركًه من البرد
برغم الكل لابس قماصل بس.خوف وبرد
غيرنا وغير علومنا..
مشت بينا السياره خليت راسي بين رجلي
ناس تبجي
ناس تدعي واكو وحده حرمه كًالت ياعلي ادركًنا ضربها واحد واكف فوك راسنا ضربها براس المسدس بكصتها وضل يجري دم
كل احنا النسوان سكتنا من الخوف
خاف ننضرب محد يبجي ضل
واليبجي بخنكًه اني سلمت امري شرد اسوي
قابل جنت سعيده حتى اخاف من الجاي
شو خلصت هل عمر بس للقهر (ومعلم على الصدعات كًلبي)
صرت مااخاف من اي شي تعلمت كل يوم رح يمر علي اصعب من الورى لأن افرح لا..
.الفرح ماكو بحياتي
اني القهر وليفي من الصغر
هم اني عايشه واحس بلعمر
شو خلصت سنينيي قهر بقهر
من حبيت ماطول من الدهر
جٍا شريد بعد من الزمن و أنطر
وصلنا الأمن العماره
نزلونا واليمشي على كيف يضربو بعصه
دخلنا وزعونا بغرف..ضيكات ريحه دم بيهن
ريحة موت غرف ماتسمع بيها بس صريخ نسوان وعياط زلم
حطيت ايدي على أذني
لان كًمت اخاف من الصوت
...صوت وجع يعبر للدماغ كعدت للكاع
صار يجيني مغص قوي
قفلو الباب علينا اشوي واندفع
من الخوف نسيت الوجع
دخلنا ضابط وهو يعاين لوجوهنا
كًال اليمشي عدل نطلعه
كمت واني الوجع ماكلني
كتله سيدي فدوه وجع عندي
باوعلي من فوكً ليجوه كالهم طلعوها
اشر الحرمه عسكريه كلها جيبيها
النسوان الي بسجن ضلن يباعن وحده للثانيه
مشيت ورى ام السجن عدلت عباتي
نزلت شيلتي كلش على وجهي
كالت اوكفي لاتتحركين وطك بعلجها
دخلت واني كعدت بلكاع راح وجع الطلوك
بس الكاع كاشي وبارده احس لحمي جمد واني انطر
ضليت كاعده باب الغرفه طولت السالفه المكان الكاعده بي مثل ممر طويل بي غرف وحده مقابيل الثانيه وماتشوف العين
بس ناس تنسحل
ناس وجوهه مورمه يدخلوهم للغرف
غمضت عيني خاف هاي يوم القيامه هيج
لو الحجي(الكلام) السمعته دم العراقي برخص التراب
دخل زلمه للممر الكاعده بي جان شاد عينه بلفاف هدومه مشككه يعرج من رجله ومحدب
دخل للغرفه الي كاعده يم بابها
انقهرت على شكله دخل الغرفة الضابط
طلعت السجانه كالت دخلي
مشيت ورجلي طكطك من البرد
الغرفه موجبيره
بيها ميز حديد علي(خطوط) اوراق
الزلمه نفسه ابو شوارب الثخان
الي دخلنا وسئلني بلسجن
كاعد علميز ويا اثنين ورى نفس شوارب كلهم
وبيض وعيونهم كبار
الضابط كعد يدخن جكاره اشر بيده
لثنين الكاعدين يطلعون دكوله تحيه وطلعو
وزلمه العرج الي دخل هم دك تحيه وسلمله اوراق
عزا بعينج فطيم هذا مسوي روحه اعرج ومجدي(متسول) صدك الدنيا بعد ماتتأمن مثل ماكال ابو عبيس طلع المجدي ويشمشم على الناس
ومسوي روحه هيج حتى يخبر عل معارضه
اشرلي الضابط ابوشوارب ..اكعد
كعدت واني مااحس بجسمي
نهضلي يخوف طوله اني الوجع بدا بيه بردت
احس ماادري الكرسي حديد بارده الغرفه بارد
جانت قمصله جلد علكرسي لبسها
ويدخن طفى جكاره بنفاضه وضل يلعب بشواربه
شوفي انتي حامل مو
فاطمه:اي سيدي بشهري ولحسين
راح اتفق وياج اتفاقيه حتى اطلعين بلا اعدام
اني عندي اربع بنات ماعندي ولد اذا جبتي ولد اخذو منج وذا ابنيه اكتلج انتي وياها
فاطمه:سيدي حلفتك بلعباس لاتحرمني من بزري
والله الدنيا لعبت بيه
تعصب وطك الميز فزيت الكلام الي عندي حجيته ورح اضلين هنا
وشوفي اني هاي العماره كلها تخاف مني 1
فاهمه شنو انتي ضل يغلط ويسب
وصاح بصوت مرعب نواف ادخل اخذها 1
فاطمه:هويحجي الرعب الزرعه بيه
اكثر من رعب ابو مطر
خو من صاح واحد ورى الباب اسمه نواف
فزعت من الخوف
اجى واحد جرني من ايدي حتى طاحت عباتي بس من البرد ايدي جامده ماكدر اشيله عباتي تسحل وراي
ودخلني للسجن وطول مشي بلممر مال سجن الكاع دم بيها وصريخ نسوان يوجع الفاد..
. شمرني عل كاع
قفل باب السجن تلكني النسوان المسجونات
اخ ربي بارده ...اندفع الباب دخلو بنات وراي شعرهن كوشه
وهدوم مشككه ومتعذبات تعذيب قوي
من شفتهن
اصطكيت وحده تكربت علي
جنت مدنجه
كالت انتي فطيم بعدني مدنجه اي اني
كالت اني اخت باسم
فاطمه:باسم اوف ياباسم لو متوهمه
ريحة العزيز الماتهنيت بيه
رفعت عيني شبكتها حضنتها وين باسم
فدوه احجي وينه وتذكرتيني
كالت من طلعتي من عدنا واحنا نحجي بجمالج
شون ماا نذكرج بس انتي حامل يعني زوجتي.
تدرين باسم بقى عدهم بسجن سبع تشهر تعذيب
لان راح المجان امن بي وعبالهم معارض
ومن جان بلكليه عنده اصدقاءه بلمعارضه
وهو مشارك ضد الحكومه
مااطاهم نشده ولاخبر عن اليعرفهم
قبل اسبوعين بعد ماعذبو وعمى
عدمو وماخلونا انسوي فاتحه
وامي اصرخ وتبجي
من سمعونا نبجي اجونا للبيت
وذبوناللسجن هددونا مانبجي
خيه فطيم انتي تزوجتي
وهو جان بحسرته عليج
فاطمه:شكلج خيه مارح اصدكين
باسم اسمه يفززني
ودور ادكليلي عدمو اني الي الله
راحت من يمي اخت باسم
لان طلعوهم مااعرف وين انعدم باسم بسببي
بجيت صرخت باسم يلحلو 2
دخان وسمة مغيمة وبروحي تفسر شر...
وناعور الهموم وياي يفتر...
حسيت النفس راح
وعيوني تفسر الراح
وجة الطارش يخبرني...
ولفك راح يمخدر. .
ولفك من غصب مجتوف.
وطاح حملة من الجتوف
وسماك من غيمت...بعيوني مطرت دم
يواهسي ويا ظحكتي ويلجنت الي بلسم...بعدك غريبة بدرب وكتلوني ..وبلا ذنب
بلجن تمر بلكبر او وياك ارد التم
ارد كوم ماتعيني رجلي باسم انعدم
دمعي خلص مايفيد
النوح البكًلبي جمره شي طفيها
اسمع النسوان يصارخن خطيه بنات اثنين
عرفت هذن البنات الثنين الي دخلن معتدين عليهن يبجن ويحجن من حجيهن والخوف
صار طلوك عندي يعني اغتصاب بسجن
صرخت واجت السجانه
كتلها عليج عزيز كًلبج اطلوك عندي
دخل الضابط ابو شوارب وكايدني من ايدي
وين سيدي فدوه احجي وين ماخذني
عرفته كوه مغير هدومه
جان لابس قميص سمائي وبنطلون
جيف ابجي طلع مسدس
كال رح تركبين سياره ان سمعت صريخج اقتلج
ركبني السياره كلي مثل مافهمتج الولد الي
الطريق صار رعب علي من الوجع والألم من نظراته
الي كلها قسوه اباوع لطريق يخوف ناس
تتمشى وتتلفت من هاي السياره هم يخافون منها
شحال اني كاعده بيها
اني بعد الوجع مشى بيه
وصلني للمستشفى صدام(سابقا)
طلعت ممرضه كلها هاي يمج اسبوع واجي
اجيها فاهمه داريها
اخذتني واني البجي الوجع اصيح يايمه ياعمه
محد الي ياعلي بس أنت تحضر الشدات
احضرني وسهل حملي
واني لطلوك كل وحده تطلك يمها حبيبتها
بس اني وبجر الوجع اخذني جبت
واجت الممرضه
دخلتني بغرفه لان الضابط وصاها بيه
جابتلي توم بنيات بجيت يمه بنياتي
رح نموت سوه الممرضه كالت ليش
سولفتلها انقهرت علي
كالت مو بيدي شسويلج الله كريم
مر اليوم واليومين
فرحت بيهن بس خاف ينكتلن وانكتل
اخ ياعمر السبع طعش
دهر صابك تعبتني
ضميت وصابني العطش
لاترحمني بحبيب لابزر
اطيني فرحه حتى لو
كد الرمش
فرحانه ببنياتي وارضعهن الممرضه دارتني
والفرحه لبكلبي اشكبرها
خلص السبوع وخايفه يجي الضابط ياخذني
لبست عباتي والممرضه طتني حضينات اثنين
وهدمات لبنياتي بعد حضرت روحي للموت
بين مانايمه على جربايه
