البارت_السابع
مرت التلث تشهر كوه علي دخلت بسابع
وتعب هو.. هو.. والاهاين.. هيه ...هيه
وبيوم من ايام القهر بيت الشيخ
جنت بيها احضر عشى العائلة الشيخ
خبزت وكملت وكليت كباب عروك
وتمن وروبه صبيتلهم
ورحت اودي عشى الولد عمي رجعت +
واسمع جٍيلات ورمي ورصاص الشيخ عاف العشى
وركض للسلاحه..شحنه ... وهو ولده كلمن كظ سلاح
وطلعو
فاطمه:من صار الرمي والجيلات
طلع الشيخ هو او ولده
وكلمن اسلاحه بيده شفتهم هيج.
يتراكظون وكلمن يحط طلق بسلاحه ويطلع
دخلت يم نسوان.. ابو مطر
وبناته من الخوف..والرمي وكفت
بس جنت خايفه شنو الي يصير
خاف .نموت لا مااخاف من الموت لان اني ميته
اي والله علاوت يجيني الموت تعبت من
بيت ابو مطر ومن الدنيا
مابقى شي بجسمي مامضبر من الضرب
بس الرمي جٍثر(كثر)مديت راسي
من الشباك اكو برده ثخينه كلش زحته واباوع
وي نسوان الشيخ .. هم يباعن
الشباك على شارع يصير كلشي شوف منه
حجيت وي روحي وسمعني كلت خاف
هاي الحرب هنا صارت وتعاركو عدنا
لأن صادف حرب واحد وتسعين جاي تبدي
سمعت من ولد عمي
شواسمع غلط وسب علي..
من نسوانه وبناته
ام مطر شنهي تتمزهدين علينا تشفين بينا
عافو العراق بكبره ويجون يعاركونا بسلفنا
حرمه بلا فهم ماعندج عغل(عقل)
أنكًلعي من من يمنا (يلططوه)
وين اروح واني خايفه صار عياط زلم
مديت راسي ارد شوف شنهي الصوت وهنا
جابو الشيخ ابو مطر مضروب أبصدره شايليه ولده جابوه والدم تارسه ونسوانه يعيطن بناته يبجن
مددو بلهول عل كاع ولده يبجون وبناته
تعديتهم ارد اوصل للشيخ
باوعلي بنظرات تخوف مال ألم ذكرت عمي من
مات هيج يتنوع.. فاتح عينه وحلكه
دور شفت ثوبه الأبيض صاير احمر
من النزف اريد ابجٍي مااكدر
ماشفت لحظه حلوه وياي
كله قهر حتى من ينام وياي يهيني
من يخلص يضربني خو جٍلمة التايهه هي
اسمي بيتهم) صار سبع اشهر نسيت اسمي فاطمه
الي ابوها زلمه بطل أطى روحه للوطن
لأن اسمع بس(التايهه)ابوي يسواكم انتم تايهين
اتنوعله(انظر)هاي الدنيا تاخذ بنادم على غفل ليش
هيجٍ يكره الناس بيه.. ليش يعارك
ليش يحقد مو استوه نهض من الأكل
حتى مجٍانه بعد دافي.. رجع وجسمه بارد من الموت
اخ ياعمر سطعش عمري
صرت اثكل من ذيج الأسنين
ناس تخاف ينكص عمرها
واني يوم واحد يصير طويل
يمتى اخلص يمتى أموت
عمري بلدمع والقهر مرسوم
ابنه كعده بويه اكعد ماكعد مات بحينها
ابنه الجبير دار وجهه علي نهضلي ولج
هذا ابوي موتي فكًرتينا
ونوب صلفه وكحه ما تبجين غم كصتي بيده
طحت للكاع ارد اكًوم بطني كبرت
ماكدرت راح مطر للزويه مال بيت
جر صوندة الماطور
وضل يضرب بيه ردت اصرخ
حطيت الشيله بحلكي وصكيت على سنوني
حتى ميسمعون حميد ومحمد ويجون
تعب من كد ماضربني
كمت احس بلكتل عادي لان خدر جسمي ماادري
لان كل مكان يضربه قبله مضروب مية مره
هسه اجى بالي واني انضرب
لمبلل مايحس بلمطر
لان مبلل واني مااحس بلضرب لان كل يوم مضروبه
خلا وميل... مني رفعت عيني كلهم مدهوشين جٍيف
مااصرخ ماابجي صار عدهم ظن أستفزهم
اجت حرمته الجبيره
رفستني الثانيه تغم بيه الثالثه
بيدها كًربه اجت تكًتلني كًمت بحيلي
كاضه بطني جٍا الضرب وين يايمه
شو لا انا احس لا انت الدنيا وراها طلابه ويانا
دخلت للغرفه جبت وصله(قطعت قماش)
خليت بيها هدومي وفلوس
وذهباتي خليتهن جوه الجٍربايه
التهو بشيخ ابو مطر طلعت رحت الولد عمي
هم اخوتي مو ولد عمي
هم ربوني من جنت لحمه ياما شالوني وغسللولي دخلتلهم جانو كاعدين يردون يطلعون.
كًتلهم ارد اجي وياكم انتم أخوتي
كًالو الحرب بين الكويت والعراق
جاي يصير واحنا لازم نلبس عسكري
خل نروح بعد لو للعماره لو للقلعه
فاطمه:رجلي على رجلكًم ذول يكًتلوني
محمد:خل روح ونرجعلج عود عندج عده غير
فاطمه:العده للزلمه الصاين حرمته
اصونه بلعده ....العده للمداري حرمته
فداري حرمت... موته
..ولكم الله شكبره مايقبل
بهيج ضلم كعدت ابجي
حميد:خلصيها شون مجٍان خويه
فاطمه:بس دلوني مكان تبقون بي اعرفه
من احتاجكم اروحلكم ذا نضربت بعد
ودعتهم وذبيت طاست المي وراهم
حتى يبرد طريقهم ويبقون بسلام
بس هم الي بقو من هل دنيا الجبيره
رجعت واني شايله الفاتحه والنسوان الي
يجن يعزن النسوان الشيخ....
ونسوان الفاتحه بين مقهورات علي
بين يكرهني بين تباوعلي من فوك ليجوه
وبين تبجي علي لان صغيره مو عل شيخ
خلصت الفاتحه وتعبها.
بقيت للاهاين انوب فكيت من الشيخ والضرب مالته
استلموني ولده ونسوان ولده
كل واحد منهنم كارهني مثل الكاتله عزيز كًلبه .
ويحملوني اني السبب بموتت ابوهم
عود عتبتي فكًر مااعرف شني الي صار
كًالولي روحي من يمنا صارت هوسه اجى مطر:
كلي
والبطنج مو ابنا
ابونا رجال جٍبير مايخلف بعد
وعيت على روحي اتحمل كلشي
اهاين ضرب سب بس العرض لا
كلشي ولا الشرف شرفي اغلى من عمري
ابالي لازم اشرد هذا الحجي
بعدني مداخله بشهر التاسع
المن باقيه بعد جنت اكًول رح يحبوني الي أ بطني اخذت بقجتي شردت من الضرب مالتهم
احسن الي من هل ضرب شردت واني امشي
عبرت مكانهم وبطني أذتني من المشي
طلعت للشارع العام شفت رجال يدفع عربانه
بيها حصان عربان ام الحصان
توسلت بي يوكف كًوه قبل ارد اروح
اول ماصعدت وياه غفيت علبقجه
لان عربانته جٍبيره كلش فزيت ورى نص ساعه
طلعنا على الشارع الي يمشي للعماره
واني غافيه صوت نسوان ومشي عدالي اتحلم
فكيت عينب وباوع اني حلم علم شنهي كلساع امسح عيني
اريد اجٍذبها ناس جهال الاطفال النسوان طالعه
شني هاي منظر يبجيى الصخر
يمشون بلبرد وحتى مطينين بجيت عليهم على حظنا
فدوه عمي شصاير هاي الناس جاي تهاجر
شوكلمن بقجته وجنطه على راسه
ابو عبيس:اسمي يا بعد عمج
الحرب قويه صارت جانت بس بين
االكويت والعراق دخلت هسه امريكا
فاطمه:عمي سمعت من ولد عمي هيج شي
هاي الامريكان مو الله يلعنهم
ابو عبيس: فاطمه عمي الأمريكان كتلو الجيش
كله حركو حرك والبقيه بصحراء ابني التحق وماكو
والثاني عند الحكومه لان فرار
والثالث برجلين
عمي وين عايشه انتي حرب العراق والكويت
وتفجيرات وقتل وبنايات تفلشت
امريكا كتلت نص الجيش..
البعثيين كتلو الانهزم
والحرس الجمهوري واكف للناس التشرد
الي هاجر الايران والي للسعوديه
والي بكربلاء يحتمون بلأمام الحسين(عليه السلام
شكلج عمي خليج ساكته واني ساكت لان
مانعرف وين تالي العراق رح يصير
بس اذبج قبل السيطره مال جيش وارجع
عينج على روحج انتي حامل
خلي بالج بويه احاجيه من عمج ابو عبي
(الدم العراقي رخيص برخص التراب)
وخلي بالج هذا الصار خلا بنادم مايأمن من اخو
زرعو الشك بين الناس خلو اخو يفتن على اخو
أبن يفتن على ابو لاتأمنين بأي واحد
فاطمه:حجى اني مو بكده حجٍيك بس كل حجايه يحجيها يبجٍي ويمسح دموعه بلشماغ
ونظراته على كل نفوت منها دمعه وجمره
سديت عيني ماارد اشوف هل منظر حتى جثث
اي جثتين مطروحات بلكاع يردون يشيلوهن
ماادري افطيم ششوفين بعد من بعيد
لجحت خيال ولد عمي
كلي عمي مالنا بس البجي رح انزلج هنا
-اي عمي ذولاك اخوتي ركضت عليهم شو لابسيين زيتوني وبيريه خفت من لبسهم بس ماعندي غيرهم
اجو سلمو علي بعدنا مامكملين سلام
اجت سيارات نزلو منها عسكريين
شكولهم بيض حمر شكلهم
حجيهم مو مثل حجينا صاح على حميد ومحمد
يولو تعالو هينه راحو
واحد ضخم طويل اشرلي بيده اجي
وانتي تعاي اجيت خفت من شكله
اني ماشيفه هيج رجلي من الخوف تطكطك
من انتو يولو سئلهم ولد عمي طلعو باجاتهم
لان صارو اذكياء ويعرفون بشغلات الأمن
كلهم انتم ويانا حي الله الرفاق وهاي الحلوه منو
نزع مناظره ويتنوعلي دنجت راسي
محمد:هاي حرمتي سيدي مريضه وحامل
كالهم خوش اخذوها وروحو
فاطمه:عزا شون دكلهم مريتي موش حرام
محمد:جا اذا كتلهم اختي جنسيتج ماتكتب اختي
فاطمه:خوش خويه هسه وين روح
حميد:لكينا واحد يشردنا الأيران بعد ماالنا مجٍان بلعراق
فاطمه:خوش خويه وين هسه روح
محمد:مالجٍ غرض هسه نركب السياره وسكتي
اروح الزلمه ياخذنا (قجق) بلا تصريح) 3
فاطمه:الطريق كله خايفه واقراء المعوذات
وخايفه من ذاك ابو شوراب وحجيه دور تمشي السياره بي ساعه اكثر دخلنا المجان ترابه ودور بيوت
بنيان هيج طين بي زرع ونخل وصلنا
البيت هيج يجي بعيد عن القريات
واستقبلنا رجال اسمه ابوعمار عرفت شكله
ثاري هو الي ياخذنا الايران كًلبي يلعب منه
شكلهم مو رحماني
سئلني بيا شهر..
كتله بتاسع
-خير انشاء الله
طلعت فلوسي وذهبي طيتهن الولد عمي لان هن بيهن نشرد الأيران وضليت اطبخ
واسوي الهم بس مرتاحه ولا ضيم بيت ابو مطؤ
مر اسبوعين وجودنا بيت ابو عمار
- خويه شكله مو راحه والله هذا ابو عمار
محمد:اشبيج يوميه ياخذ ناس كومه بتريلات
ويعبرهم اشبيج توهوشين ها
