is being

chp1

كان ياما كان ..فـ قرية صغيرة اسمها أرض السعادة كان فيه ملك طيب وعادل وبيحب شعبه جداً ..وهما كمان كانوا بيحبوه ..لأنهم مشافوش فـ ظلال حكمه غير السعادة والراحة والأمان ..فـ دا كان السبب في انهم بيحبوه وبيحترموه وبيكنوله كل الولاء والطاعة ..الكل ماعدا واحد.. دجال كان عايش ف القرية بيكسب أكل عيشه من اعمال الدجل والشعوذة وكان متصل بعالم الجن حقيقي ..مش زي دجالين تانيين كانوا بيدّعوا كدا ..بس الدجال دا بدأ اكل عيشه يتقطع ..بعد ما الملك خطب فـ الناس وقالهم ميصدقوش الدجال لأن الشعوب المتحضرة مبتؤمنش بالحاجات دي ..فـبالتالي معادش حد بيروح للدجال واكل عيشه اتقطع..فضل شويا مستني يمكن في حد ميعملش باللي قاله الملك ..بس اتأكد ان كل اهالي القرية أولياء ومخلصين للملك وأوامره ..بعدها..قرر الدجال انه ينتقم من الملك ومن كل اهل القرية ..فـ قرر انه يحرق القرية ويمشي هوا ومراته وولاده..لكن الخبر اتسرب ووصل لبعض اهالي القرية لحد ما وصل للملك.. فـمكانش من الملكـ إلا انه امر باخلاء القرية عشان الدجال ناوي يولع فيها ..وكانت أول مرة أهل القرية يرفضوا للملك طلب.. وقالوله انهم هيدافعوا عن القرية بتاعتهم بكل ما يملكوا من قوة ومن اموال ..جهزوا اسلحتهم ونزلوا عشان يقتلو الدجال اللي مكانش متوقع ان نواياه هتتقلب عليه ولقى البيت بتاعه بيولع ..بس قبل ما يموت قرر إنه يسيب حاجة فـ القرية دي من ريحته ..لعنة..ساب لعنة بتقول:(ان كل طفل هيتولد في القرية دي هيتخصصله في المقابل جني يقتله أول ما يتم 25 سنة )..وكتب اللعنة دي بحبر ثابت على ورق ملعون من العالم التاني بيوصله لقبيلة جن من أولاد دنهش إبن ابليس..ورمى الورقة برا الشباك بعد ما اتأكد ان مفضلوش أكتر من 5 دقايق والنار هتكون أكلت جسمه كله ..بعد ما مات الدجال شافوا الناس الورقة اللي هوا رماها من الشباك ..ودوها للملك بعد ما عرفوا ان اللعنة دي ان دلت على شيء فإنما تدل على ان القرية دي معادش هيبقا فيها شباب وان الجيل اللي جاي بعدهم دا هيكون آخر جيل يسكن القرية ..قعد الملك يفكر يعمل إيه..لحد ماسمع عن ساحر فـ القرية اللي جنبهم..بيقولوا انه راجل طيب واكل عيشه هوا اللي خلاه يتجه ناحية السحر لكنه مكانش بيئذي حد بسحره ..وكان متصل بقبيلة من الجن الطيب اللي هوا كمان مكاننش بيئذي حد ..راح الملك للساحر بنفسه وحكاله على الحكاية كلها بالتفصيل..قام السحر وقف وقعد يفكر شويا وقال للملك :النوع دا من التعاويذ مبيتفكش لأنه مكتوب على ورق مقدس في أرض الجن..وتابع: لكن .انا ممكن اعملك تعويذة من شأنها انها تهون اللعنة دي شويا ..(قالها بعد ما شاف على وش الملك علامات القلق)..

الملك:طيب وايه هيا ؟

الساحر:تعويذة تخلي كل طفل مولود ومعاه الجني اللي هيئذيه هيكون له في المقابل جني يحميه من قبيلة الجن اللي أنا بتصل بيها ..لكن ..

الملك:لكن ايه؟

الساحر: مش دايماً الخير بينتصر ..ولو الجني اللي من قبيلة أولاد دنهش طلع أقوى من الحارس الطفل هيموت عند العمر اللي مكتوب ف التعويذة ويمكن قبله فـ حالات هيكون حظها قليل ..

الملك:مادام مفيش حل غير دا احنا مضطرين اننا ننفذه..

من اليوم دا بدأت اللعنة المزدوجة في القرية ..كل جيل لمدة 5 أجيال متتالية .. كل جيل كان بيموت منه ع الاقل 5 أطفال قبل سن 25 ..لحد ما جه اليوم اللي اتولدت فيه سـ..  

لا لا الشبتر الجاي هتبدأ قصتنا الحقيقية ..

#ِ