is being

chp5

Sara's notes::

الفترة دي كانت حرفيا من أسوء فترات حياتي ..كنت

بحارب المرض ..وبرغم اني كنت صغيرة في السن

كنت حاسة اني عبئ على عمتي وزوجها .. وكنت

حاسة اني لوحدي اوي ..لولاه كنت هحس اني

لوحدي وهفقد الامل ف الحياة ..لولا أنه كان دايما

يطمنني ويقولي هتبقي كويسة قريب ..بس مش

دايما كان بيطمنني ..كان ساعات بيضايقني ..ساعات

كتير كنت بخاف منه ..دي كانت

اصعب حاجة ف حياتي ..أنه بيعرف يضايقني

براحته وانا مش عارفة اشتكيه لحد ..لأن ببساطة

محدش بيشوفه غيري ..بس اتضح ان الاسوء

مكانش لسا حصل ... واتضح اني معتش هدوق

الفرحة ف حياتي .....

......................................................................
فـ يوم خروج سارة من المستشفى بعد ما الدكتور

قالها وهوا مندهش إن جسمها بقى فاضي تماما من

السرطان عمتها تعبت ف طريق المرواح للبيت

واضطروا أنهم يرجعوا للمستشفى تاني ..لكن .....

النبض وقف يا دكتور ....

زمن الوفاة ١٠:١٦م

بعد العزاء العيلة كلها نامت وقلبها بيحرقها والدموع

ف عيون الجميع ما عدا سارة ..اللي كان باين عليها

الحزن لكنها مدمعتش ..

اليوم اللي بعده سارة صحيت على صوت زوج عمتها

وهوا بيلم هدومها وبيحطها فـ شنطة صغيرة ..ف

الاول هيا مفهمتش بس بعد نص ساعة لقت نفسها

قدام دار أيتام ..ساعتها بس احساس انها كانت عبء

على عمتها وزوجها اتحول لحقيقة مثبتة .. والغريب

إن سارة اتعاملت مع كل دا بهدوء ..كأنها محستش

بالظلم ولا الخذلان ..محستش أنه فيه حد اتخلى

عنها ..اتعاملت مع الموقف بكل ثبات ..ثبات استحالة

يكون عند حد ف سنها أو حتى بني ادم بالغ عاقل ف

منتهى الرساوة ..بس كان عندها اسبابها ..

و فـ مكتب مديرة الدار ....

زوج العمة (طوني) :أتمنى انك تاخدي بالك

منها ..هيا بنت يتيمة وغلبانة ..

المديرة(آن): اكيد اتفضل املى الاستمارة دي ووقعلي 

على شوية ورق عشان الإجراءات وبس ..

بعد ربع ساعة ..

طوني فتح باب المكتب ونده على سارة اللي كانت

قاعدة قدام باب المكتب مستنية ..

طوني :من النهارده هتعيشي هنا يا سارة اوكي؟

سارة بصتله ببرود تام وهزت رأسها تحت وفوق

بمعنى اوكي

بعدها بكل برود وقسوة قلب سابها ومشي ومبصش

حتى وراه ..

آن(بابتسامة): اتمنى نتأقلم مع بعض كويس يا سارة

بس مكانش فيه أي رد فعل واضح على ملامح سارة

*كل نهاية شيء هي بداية لشيء آخر  ..... حياة سارة ف ملجأ الايتام هيا بداية برضو ..بداية لإيه بقا ..الشابتر الجاي* 🙂