واقع مريض "العالم الاخر"

الفصل الرابع

قمنا اتمشينا و احنا ماسكين ايد بعض و تعبنا دخلنا نمنا
-محمد...محمد...انتَ يابني
*رفعت راسي بدعك عيني!؟؟؟؟
ايه ده!؟.  انا في مدرسه :)
_زياد بصوت اللمبي :انت كنت نايم ولا في غيبوبه ولا ايه !؟
*انا ايه الي جابني هنا!؟فين مني !؟المستشفي !؟ انا كنت بحلم!؟
-زياد: محمد يلا يا حبيبي نقوم نروح و هدور معاك علي مني دي حاضر بس يالا
قمنا مشينا و واحنا مروحين حاكيتله اللي حصل
-زياد: ياعم ونبي متصدعني ده حلم زي اي حلم في ايه ابقي اتغطي و انت نايم طب
*تصدق انت مهزق انا طالع غور بقي
*زقيته و طلعت قعدت علي الكنبه و مش مصدق اللي حصل و وانا قاعد كده نمت من التعب
-حبيبي قوم مش كفايا نوم
*ايه ده!؟ده صوت مني؟
*فتحت عيني بلهفه كده لقيتها قاعده جمبي علي السرير و اديها علي وشي،،مسكت اديها
*يااه...كويس كنت فاكره حلم
-مني: ايه حلمت ب ايه ؟
*حلم رخم كده اهم حاجه اني صحيت و شوفتك
*ايه ده انا شكلي حبيتها ولا ايه !؟
*قمنا فطرنا و قعدنا سوا و الدكتوره جت قعدت معانا شويه و فضلنا نلعب و بصراحه المره دي كنت خايف انام ليطلع كل ده حلم بجد
كله دخل ينام الا انا فضلت قاعد لحد مانمت في مكاني
*هاا هاا ايه في ايه
-ياعم وربنا انت في غيبوبه
*انا عارف الصوت ده!؟
*ده زياد الحيوان
*فتحت عيني طلع زياد فعلا
*في حد يصحي حد يا زياد يدلق عليه مياه !؟
-زياد: يابني رنيت عليك عشرين مره طنط ردت عليا قالتلي مش راضي يصحي تعالي صحيه،،ايه في ايه بقي !؟
*انا شوفت نفس الناس تاني يا زياد
-زياد: يادي الليله السوده،،بص يابني احنا ننزل نقعد علي القهوه و اديك علي عينك طاوله زي كل مره و احكيلي
*انا برده اللي باخد علي عيني صح!؟ طب يالا