موعدنا الابد .

موعدنا الابد الجزء الاول و٢

بسم الله الرحمن الرحيم .#موعدنا_الابد# البارت الاول . والثاني بقلم غدير وسام ..
فتحت عيوني  مثل كل يوم على صوت امي وابويه وعركهم اووف يامصباح الخير الناس تكعد تتوكل على الله  تسمي بسم الله اني اكعد ابويه يغلط وامي تلعن بلساعه السوده الشافتت وجه بيها  الحمد لله .كعدت اخوتي الي اني مسؤوله عنهم 
اعرفكم بنفسي .اني .   طيبه .  مواصفاتي بيضه عيوني عسليات   شعري طويل  صاحبه جسم مرتب طولي 158 هاي  مواصفاتي هسا  حاليا عمري 25ابديلكم
احداث قصتي من عمري .12 سنه جنت  بلاول  متوسط    عائلتي متكونه من امي وابويه .واني الجبيره .بعدي جوي 4 ولد وبنيه  منتظر . وسجاد  وارشد ..البنيه سولاف  اجت اني الملتزمتهم بكلشي .لان امي دائما زعلانه وتعوفنا وتروح  بيت جدي على كد حالهم ميكدرون علينه احنا جنا كاعدين بمنطقه وحده  ويا  بلناصريه عمامي كلهم شي قريبين عمامي 4
بهاي الفتره الاحض ابن عمي  مؤمل دائما يباوع ويتصفن بوجي  طيبه . رجعت من المدرسه . تعبانه  بديت انظف.واني واحضرالغد
دخل.مؤمل .السلام عليكم طيبه . هلو مؤمل
مؤمل .اكلج انتي شنو هاي صدريتج ماعدج غيرها ترا انتي كبرتي مو مال هذا اللبس
طيبه ..يا .شبيها صدريتي
مؤمل .مااعرف بعد متنلبس والله اذا شفتج بيها اشككها عليج . افتهمتي .عافني وطلع خرب بحضي المشكك هذا شبي.صايرعليه زلمه . 
ماما . طيبه وين صرتي .صبي لاخوتج . 
طيبه  جيت . صبيت الغدا صحتهم .هما وابويه
اتغدو لميت المواعين ورحت غسلتهم  ورحت كملت دراسه .   ثاني يوم لكيته بلباب .
مؤمل .شو انتي متخافين .امشي ارجعي لبسي غيرها 
طيبه .مالك دخل انت
جرني حيل .ودفعني لعد ماكو مدرسه
طيبه .ولك عندي امتحان .
مؤمل اريد مره  تطلع اليوم واكفلج .هنا .
طيبه اطلع واشوف منو يتعرضلي
مؤمل .ولج لاتخليني اسكطج هسا طبي جوة .
رجعت  هذا مخبل .بس اليوم احطله حد .يوم .تعابي لهذا مايخليني اروح للمدرسه .ماما ..منو
...مؤمل .امي لبست عبايتها وطلعت مدام الشغله جايه من طرف عمامي .تتحزملها امي كلش تكرهم  طلعتني رزلته وخذتني للمدرسه . بلليل كلت لابويه وبيومها بلغوهم بعد مالهةدخل بيه . ارتاحيت بس ظل يلحكني طول الايام لحد صف 3 متوسط .هو متاركني ويلمح اني اله ويحبني اني ماطيقه ولااتخيل اكون اله   بيوم كاعدين اجه بلليل وجه احمر مؤمل  حلو ومواصفاته  يشبه عمار كوسوفي طبق الاصل
بس ماحبه😆بابا كله شبيك
مؤمل  تعاركت ويا ولد وصار بينا ضرب وابويه كال روح بيت عمك الليله
بابا .هلا بيك  تعاي طيبه  خلي عشا لابن عمج
مؤمل لا بس تفرشلي تعبان انام  فرشتله جان بلحمام طلع بس بلشورت وفانيله تعلاكه  مخلي المنشفه على جتفه بس لمحت واشم شي  انتبهت مكتوب احبج  طيبه 💟 انصدمت جنت شاكه .كتله هاي شنو  باوع
مؤمل .اسم حبيبتي.اسمج لج احبج انتي شنو من بشر ماكواحساس
طيبه ..انت تخبلت .اني صغيره ماافكر بلحب لاتفتح عيوني
مؤمل .. انتي الي ومو لغيري  خليها بالج  شفت يم ملابسه حربه كلش خفت منه  ركضت لغرفتي للصبح ارجف  الصبح .شفته  طلع محاجاني جتي امي لج  تردين تاخذين هذا اني ماصدك اخلص.منهم
طيبه ..يومه شاخذ.
اجنزج ومانطيح
طيبه شبيج ماماهو على حياتهم النعيم ازوجه اشو يوميه.متهجولين
عمي جان يشرب ويوكع لمرته واخوانه ضرب الى ان يدميهم .وينهزمون منه عدهم بيت صغير تجاوز يرحون بي  ويرجعهم وهم يرجع والي كمل يجيب اصدقائه يشربون عدهم بلبيت .  اخو الجبير تزوج . وجان حتى يهينه كدام مرته اني كلت اذا هيج يضرب مؤمل لو يهينه كدامي مااتحمل .
امي ..وليي كدامي تعرف تحجي الفاهيه .  بعدها امي حاربتني حتى رادت تكعدني من المدرسه (بقلم غدير وسام)  بس توسلت بيها .عافتني اني من الابتدائيه اطبخ وانظف واغسل لاخوتي حتى من تزعل ميبجون عليها  لان متعلمين عليه اسبح والبس واطبخ  الغدا من الليل وارجع ركض  انظف   مرت ايام
كومي راح تجي عليج ناس من بغدا يتقدمولج طيبه  اريد اكمل  دراسه عفيه ماما
ماما ..كومي  اكلج لا اعلكج  هسا  جرتني كوه جوي الناس شافوني . تخبلو عليه راحو
بلليل  اتفلش بابنا طلعت لكيت مؤمل   عاط انتي منهي عليج واشوف زلمه الي ياخذج مكيفه مو معدله روحج .زفوج للموت ان شاء الله  اني جنت لابسه تراك اصفر وبعدني بلمكياج جلعو اهلي واخوااني
بابا .روح منا مؤمل  لاتفرج علينه الناس .
مؤمل طلع  حربه وضرب صدره ضربتين اني شفت بس الدم يطفر .لكفه ابويه واخوتي وركض للمستشفى  ظلينا نلوب .بلليل اجه ابويه كال جرحه جبير كوة خيطو  اجو اهله عمي غلط علينا وامه تفشر  طلعو من المستشفى ورا يومين .بابا ..نروح نشوفه هذا المخبل .امي اني ماروح روح وحدك
بابا ..اخذ اخوتي وراح.رجعو بلليل مضروبين عمي  وضاربهم   امي شافتهم  هدت عليهم وغلطت 
ماما .جان استحيتو دايسين بساطكم وتضربوهم بس منين تعرفون الواجب انتو  لحك امي للبيت وضربها راشدي وبيده سحينه ضرب جتافها وشكه باوعت لبابا
ليش تتجاوزين مو رجال  شكبره وشكده
انفال ..ولك اني مرتك وتجاوزو عليه روح عليه
سعد ..يطبج مرض .لسانج متبري منج لا اروح ولااوصل
انفال.تعال وياي للمركز اشتكي
سعد ماروح اخوي شتكول عليه الناس
انفال متكول على مرتك بس على اخوك بس حيف على الزلم هولع وهي هم لمت هدومها وطلعت
طيبه ماما فدوة لاترحين
انفال .ولي من يمي
ابويه من طلع مرجع بعد .وامي عد اهلها  ظليت ايام بس اني واخوتي صغيره واخاف الاكل بلبيت خلص والمؤجر اجه يريد الاجار ابويه جان كصاب . شغله  مكفينا
المؤجر .باجر اخذي اخوتج وطلعي  
لااكل بقى عندي ولافلوس اخذت  اخوتي ورحت لعمي الجبير كتله مروتك  حجيتله الصار عمو .جيبي اخوتج وغراضج وتعالي بيتي منا لمن يرجعون اهلج  المنطقه جمعو غراضنا واجرولي سياره ورحت لبيت عمي الجبير ابو اسماعيل اول مفتت بغرفه وغراضنا بلكراج .بنت عمي .تبارك باوعتلي صفح وفاتت  اشو هاي كالت هي وين .امشي طلعي بره  اخذت اخوتي الدنيا لليل وشتا بارده للصبح حاضنتهم وابجي   بقيت يمهم حتى تحرشو بيه  ابنه الجبير . كاعده بلغرفه دخل عليه وسد الباب .كتله اطلع .شتريد لااصيح مرتك .صيحي منا لباجر نطيته فلوس وطلعت .اليوم انتي حصتي .لج ميت عليج . اليوم مااعوف .عضيته حيل . جر شعري كطعه كله .دفرته على بطنه .ظل يتلوى اخذت اخوتي وانهزمت  كوه خلصت نفسي منه #موعدنا_الابد#البارت الثاني .بقلم غدير وسام . كوه خلصت نفسي
من الصبح طلعت لعمي ابويه وين كال كاعد بيت عمج رزاق رحتله ...طيبه .بابا رجع امي وتعال لمنا والله تبهذلنا مولخاطر ي لخاطر ذول كتلهم الجوع والبرد .كوه قنعته وراح جاب امي  وبقينا بيت عمي لان ماعنده ياجر  انذلينا  امي حلوة وهنا يغارن منها .وجانت متقيده حيل .بيوم اجت تعيط على ابويه
انفال ..كوم شوف اخوك يساومني لو ينام ويايه لو يشمر غراضنا بلشارع ..سعد ..ها خوش درب حتى نطلع منا تذبين مصيبه عليه
انفال ..مصيبه على راسكم ولكم شنو قوم لوط الله لايبارك بيكم .
ابو  اسماعيل .اني الج الكح الساقطه لزم غراضنه بلشارع . وطردنا . رحنا لخالتي الصغيره .
خالتي .انفال لشوكت هيج تظلين خايبه الاراضي الزراعيه بيش اخذيلج وحده وابنيها  هذا الحجي ب2009  .انفال منين اجيب .
خاله اني انطيج  مليون .واديني الباقي .سويهن اثنين اشتريلج كاع . وفعلا جمعو  خوالي  واشترينا قطعه .  وخالت .امي سمعت .دزت  مليونين لامي بنينا غرفه و حمام . وكعدنا بيهم  بلليل اشكال الحشرات تطلع علينا .بس الحمد لله بيتنا   مؤمل مافك مني لازك واني تعبت من كلشي   رجعو تقدمولي .امي
توافقين على مؤمل كتلها مادري .
انفال ..شوفي اله اني جوة التراب يله تصيريله مره
سكتت .مرت ايام .مؤمل يمنا شتحتاج امي يركض يوصلني للمدرسه .اهله نفس الوضع . بديت اتعلم على وجودة او اتعايش لان ماعندي حل ثاني ..( غدير وسام )  الكل عرف مؤمل يعشق طيبه .ورايدها وناهي عليها محد تقدم الكل يعرفه مخبل  بيوم اجه هو  واخته  واخو وزوجته وامها يمنا قدمتلهم .ضيافه شويه دك تلفونه امه الحك مؤمل ابوك هد علينه بلسجينه ركض مؤمل وكلهم ورا .بعدين انطفت الكهرباء احنا بيوتنا قربيه شي على شي سمعنا عياط   شويه اجه مؤمل الحك عمي ابوي انكتل .ركض ابويه واخذو للمستشفى بس جان متوفي   عمي ابو اسماعيل اشتكى عليهم اخذ اخو الجبير . تحقيق . ثالث يوم الفاتحه اخذو مؤمل وامه   لهناك كالو . مؤمل  اعترف هو القاتل . اني متت  ليش هيج صح جان يأذيهم بس متوصل للقتل .طلعو الكل افراج وانحكم مؤمل اعدام .  معرفت شنو مشاعري. انقهرعلى عمره وشبابه . بعد ايام .جاني اتصال من رقم شلته طلع مؤمل يبجي .
طيبه احبج يابعد عمري
طيبه ..مكدرت احجي من البجي
مؤمل .. ابريني الذمه بت عمي خاف اذيتج بيوم بس كله من حبي لاتتصورين بالي يوم اجرحج .طيبه ..ليش ..ليش
مؤمل .مو اني وداعت طيبه.بس ماكدرت اشوف امي معلكه بلتعذيب اعترفت 
طيبه .منو القاتل
مؤمل .مو اني وخلص  ولج حتى انتي وامج رادو يجروج ماارضاها اني
طيبه ..منو .مؤمل
مؤمل احلفي ماتحجين .
طيبه .احلف ....مؤمل خالي واخوي . بس هو الي دفعهم اذانا طيبه اذانا . سده واحنا ثنينا ناشغ من البجي .خلص  
قدمو نقض وتميز انرفض .واجه العفو انحكم مؤبد بدال الاعدام .
  عدت السنين وصلت للرابع .اعدادي . صادقت بنيه   تعرفت عليها بلمتوسطه وبقينا سوا احبها مثل اختي .نحجي كلشي لبعض  واسرارنا .هي جانت تحب ولد  جيرانهم  اخوانها متعصبين حيل ميخلوها . امي بهاي الفتره تعينت  وزاد الضغط عليه  وناس تتقدملي .  ميقبلون .
انفال . يله  كومي سوي عشا
طيبه ..كايمه   بس اكمل هاي الصفحه
انفال .. كومي .لااهينج تعلمتي على الاهانه  بس اكل ومرعى كل فايده مبيج .
طيبه .سكتت شنو الفايده الي ترديها بعد اشو صايرتلج خدامه
انفال .اكلي وحل ..شخادمتني عيني وتعيرين بينا .طب ابويه على الصوت بدون فهم لزمني ظرب .جان  بيده . مثل السجينه ضربني على راسي فتحه والدم كام يجري    اخذوني مستشفى وخياط .وراها امي وابويه شدو ويايه .
هي  بلوضيفه وتجي تنام وابويه ميحاسبها ابد .
بيوم رحت لعرس اخت منار .صديقتي كات هوسه هذا تلفون خلي اضمه  ..طيبه . ديري بالج حبي .بلخير  يوم الج حبي 
منار ..الله يسمع منج .واخذ عبودي .ههههه
طيبه ..ان شاء الله  رجعت للبيت  .اشتغلت  سبحت اخواني ووكلت  سولاف نومتها منتظر وسجاد مراهقين كامو ميسمعون كلامي . واهلي كلمن حاير بنفسه
طيبه  منتظر .وين  ليش متاخر ومتقرا
منتظر .. ويا اصدقائي طيوبه
منو اصدقائك .ياعين محد يفيدك .
منتظر    .اي  الله كريم لاتخافين .
طيبه  اقري . بارشد . عنده امتحان تعبني  . رحت انام . شفت تلفون .منار بي اربع مكالمات فائته  من رقمها السري .هذا محد يعرفه .  جاوبت خاف تريد شي . الو .صوت ولد😨
....اريد احجي وياج بس الله عليج لاتسدي
طيبه انت منو
...اني .  معتز . اخو منار .  هسا جيت من الدوام  لكيت هذا الموبايل بيارقام انتي من ضمنهم  انتي احجي شتعرفين عن.اختي
اني تلبكت .شكله . اني ادري منار عدها 4 اخوان و اخت وحده امها متوفيه وابوهم رجال جبير وتعبان هي داري
معتز .ضابط .  ابيض .طولي .180 ابيض عيوني .خضره  رمشي كلش كثيف . واشكراني .   رجعت بيوم زواج اختي بلكي الحك اودعها لان كلش احبهن .  اني مسؤول عنهن  حتى اخوتي متزوجين بس مصرفهم ومصرف نسوانهم مني .احب اهلي بشكل مو طبيعي .  خصوصا منوره احسها بنيتي   جريت فراش اريد انام وكع  تلفون  وبي فقط ارقام .  واحد مكتوب . طيويبة عمري  اتصلت طلعتلي بنيه  كتلها شتعرفين عن منار
طيبه ..اختك اقرب الك مني المفروض انت تعرفه منار  ماعدها سوالف البنات احنا نروح ونجي سوا بطريقنا
معتز ..اعرف اختي بس الي شفته يخليني احاول احمي اختي ساعديني ماريدها تضيع
طيبه ..والله ماعدها شي احلف بمكانها ماعدها سوالف   وهذا الجهاز لصديقتنا خلته يمها
معتز ..طيب اعتذر ازعجتج
انتظرتها رجعت من الزفه .لزمتها  تحقيق شعندج ومنين  هذا الفون هاي الارقام المن  ليش من اتصلت جاوب ولد .
منار ..مااعرف .
منار .رجعت لزمني معتز  تحقيق بعدين ربطني على كرسي.احجي .
منار .ماكو شي . فر وجي براشدي .✋ ودفر . بعدين  جاب مكص وكص شعري .قفل عليه الغرفه .  ورجع بيده المسدس خلا براسي  واتصل
طيبه .. دك الفون .جاوبت عرفته هو  نعم
معتز .شلونج
طيبه الحمد لله وين منار خوما اذيتها
معتز .انتي مو احرص مني على اختي لي اسوي لمصلحتها تحجين لو  اخليها تكلج شسويت بيها . سمعت منار عاطت
طيبه .شسويت بيها  قتلتها 😲 للقصه بقيه .عجبتكم البدايه .اريد توقعات للبارت القادم .  وتصويت على الواتباد حبايب هي نجمه  ضغطوها متخسرون  احبكم