جريمه امرأه ثلاثينيه

البارت الخامس

لان بغداد فترة السقوط صار السلب والنهب والقتل بالشوارع

فهد حاول يحمينه اول ماوصلنه من بغداد سكنه بالبصره همات الاوضاع مو تمام بس ارحم ناسها طيبه واهل نخوه كالو سكنو بالاطراف او بالاقضيه والنواحي مابيها قتل..

احنه سكنه عد بيت صديق فهد كان تاجر ويا بالمصنع بالعماره بقينه عدهم 3 اشهر على مالكينه مكان بقضاء القرنه شمال البصرة

بيت صغير من بعد ماكنه بقصر مو بيت
كعدنه بي سنتين بس شفت المر المكان ميناسبنه احنه اهل مدينه والمكان طبعهم ريفي قروي

هجران : فدوه فهد اني تعبت اواولادك تعبو صار سنتين بهل مقبره الله يخليك روح البغداد شوف البيت..

فهد: اي يابنت الناس مدتشوفين الاوضاع اني همات مليت بس شنو اسوي

هجران: عفيه ارجع البغداد واذا الوضع زين حتى نرجع ..

فهد : الله كريم بلكي هذا الاسبوع اروح واشوف الاوضاع..

نهاية الاسبوع سافر فهد البغداد وشاف حال بيتنه يدمى له القلب بسبب اعمال التخريب
والنهب البيت مسروق يعني تقريبآ جدران

فقط بقى فهد شهر بغداد اخذ ذهبي وباعه
واخذ فلوس من مراد اخويه ورمم البيت
جاب اثاث جديد وكمله وبعدها اجه علينه

واخذنه بعنه الاغراض واخذنه ويانه
بس الذهب القليل وبعض الملابس والمستمسكات..رجعنه البيتنه رجعنه الوطنه من بعد الظيم والقهر الي شفنا بس رجع خيال خوله يطوف عليه ليليه...

من رجعنه البيتنه رجع خيال خوله يطوف عليه يوميه ...
رجعو الاولاد المدارسهم ..

فهد: هجران اني باجر رايح للبصره اطلب ولد صديقي فلوس وحجيبهم منه يومين وارجع..

هجران: اي ياعيني الفلوس فدوه بس الطريق مليان امريكان واخاف عليك..

فهد: الي كاتبه الله يصير...

سافر فهد للبصرة بقى يوم ويوم الثاني رجع بالطريق مقلوبه السياره بي...
لان ماشي ورا رتل عسكري امريكي ورامين عليهم الامريكان ...

جابو فهد مصوب رجليناته وبطنه ظليت الطم وابجي لان وضعه تعبان بقى 3 اسابيع
بالمستشفى نايم..
راجعنه بي اطباء كالو وضعيته متحسنه الحمد لله...
بس بعد ماعنده نشاط جنسي ابد ولاحيصير عنده اطفال.. حمدنه الله وشكرنا وقبلنه امر الله عذا لا اعتراض عليه عندنه 3 اولاد كبار صارو...

استمرت حياتنه بس انقلبت رأس ع عقب اني وفهد صرنه مثل الاخوه بالغرفه هوا من سمع بكلام الاطباء ظل يفرش بالكاع وينام

واني ع السرير صارت حياتنه بس شغل واكل ونوم ومشاكل بعض الاحيان.
بس بقى ابني نوح ع طول يوكف ورا البيت