وجيعة و حب💔باللهجة التونسية👑

الحلقة الأولى

�طالعه في دروج طالون في ايدها تمشي علا طراطش صوابعها..وصلت لاخر دروج و ضو تحل

-تواليييب😠
-يا روووح تواليب😁

دارت و حاطه ايدها وراضهرها ...رجعت خصله من شعرها ورا وذنها. وتبسمت

-قداش الوقت تو_؟
-والله منعرف بابوتي مازال بكري☺
-مزال بكري علا سارق تو 2 نتع صباح يا ليلا

هبطت راسها قدمت شفايفها كيف صغار

-متخونيش بلهف..
بالك جايب عزري انا يلا تواليب😠😠😡
-با..
-لا با لا بو ..من غدوه تولي تخدم معايا عديتلك ياسر عمرك 20 سنه. وانتي قول فرخة 10 سنين
-ا..
-اسكت عليا..تسامحت معاك ياسر..تو بش نعمل كل شي لمستقبلك😡

تعدا و خلاها و هيا تضربط القاع بساقيها
طلعت تمدت علا سرير و غمضت عينها رقدت بدبش سهره😕 ..فاقت صباح تحس في حاجه فوق وجها فاقت مفجوعه

-يامي سعاد علاه هكا بربي😠ما علا صباح
-بنيتي بوك شرط عليا
مسحت الماءو رجعت شعرها لتالي
-بفف صبر..قداش الوقت تو
-7
-شنووو

مزالت تحكي تسمع في صوت بوها يصيح بش تقوم..قامت عملت دوش بش تصحصح لبست سروال دجين تاي هوت مريول نوار قصير و فيك كتيبه بالابيض و سبادري نايك نوار فرتت شعرها ڨلوس و بانسو ..بارفتها لتعشق خلت شعرها مفروت هبطت قاعده علا طاوله الفطور

-تواليب بش نخليك معا امك نكمل تفطر انا ماشي وانتي الحق للشريكه
-باهي با

هوا خرج و هيا كملت تاكل

-اسمعني بنتي جايا
-نتعرضها بالطبال انا ولا شنو😉
-تلم و احكي بتربيه امك مربتكش زايد 😏
قربتلها وجها في وجها
-اسمعني اخر وحده تحكي علا تربيه تفهم فيا😡 امي تربيني و تربي عشره منك تخلينيش نزيد نغلط.. و تنساش روحك شكون عاد

هزت روحها و خرجت ركبة في كرهبتها و حطت راسها علا الفولون و دموعها هبطت حيار لبست الكونتر سولاي نتاعها و ديمارت تجري ...

💔💔💔💔💔💔💔💔💔💔💔💔💔💔

راقد في بيتو قام راسو بش يتقسم علا زوز ..عدا ايدو علا وجهو دار يلقا وحده راقده حذاه

-تي شتعمل هاذي هنا

بدا يفيق فاها

-عيش اختي قوم
-اختك ؟؟؟
-ملا شتحب نقلك..احترمتك انا مقلتش كلمه اخرا😁
-بجاه ربي تهز لتحب و تلوحني

عدا ايدو علا شعرو و قام جبد من سروالو شيك رماهولها

-والله لهزيت و لا حطيت..اول حاجه بايرادتك و ثاني حاجه ضهرت ماك جماعه😉كيف سطل حمام من واحد لواحد
-نعممم
-متعليش د*** صوتك ..واعرف شتخرج من *** فمك..ايا اخرج فوت **

هيا لبست طول خرجت و هوا قعد غمض عينو سند راسو لتالي يتفكر في الي خلاه يتبدل ..كانو ربي هز عبد و حط عبد اخر...كل حاجه فيه تحولت لاخيب..نفخ و قف عمل قهوه صحصح باها و هز روحه و خرج 

تواليب طفله 20 سنه يتيمة الام بوها معروف منصف عبد الحق و ماندراك يشري تونس بكلها نفوذ و كل شي ...حاصيلو قرت اداره اعمال ..شعرها كان طويل اسود صباغاتو ڨري . بيضه تهبل عينها كبار زرق و شوافرها طوال يهبلو ...فمها صغير روز ..بدنها يهبل لاهي طويله ولا قصيره...
👇👇

بيرم هوا الطفلل لكنا نحكو عليه 28 سنه عينو خضرا كبيره شوافرو طوال ليسحرو بدنو ليعشقك و يهزك لبلاصه اخرا كتافو الاعراض لحيه خفيفه محصوره زادت فيه شطر و شعرو الارطب الاكحل لمحليه....عمرو 28 سنه  رغم صغر سنو اما منافسينو يعملولو الف حساب فروعو في فرنسا و ايطاليا كندا...صعيب اما حنين و فدلاك
👇👇👇