وجيعة و حب💔باللهجة التونسية👑

الحلقه 10❤

راقده رجلها في القاع و راسها في شيرة لخرا الغطا طايح..فاقت تتململ شمس ضاربه في وجها ..فرفشت شعرها و قامت عملت طوليتها و ريقلت شعرها عملت مكياج خفيف لبست روب بوردو سبور و سبادري روج بوردو ...جت تهبل و زيد هيا بيضه تعشق اصل❤❤...هبطت لوطا صبحت علا البون ..و واصتها علا غداء تحفون ...خرجت قعدت في جنينه ..تسمع في الغنا ..شافت الوقت لقاته ١١ ..بيرم خرج زعمه سالتها قتلها مشافاتوش ...طلعت للبيت حلت الباب بشوي تشوف فيه راقد علا كرشو لابس شورط و من فوق شي شعرو هابط علا وجهو معنق المخده...ريحت البيت كلها بارفان .تكات علا الباب و كتفت ايدها
-يعطيه عزا محلاه الهم 😢..
في النفس الوقت هوا فاق باها دخلت اما حسب روحو مازال راقد و يسمع فاها شاد الضحكه بسيف ..
قدمت شوي لكوافوز نتاعه شافت تصورتها محطوطه جبدتها لفت تصويرتو زادا و هوا يضحك محلاه ..بقت تضحك و تعدي في ايدها عليه ..
-محلاه عالسخطه ..والله حتا كان نعرس بغيرو نتوحم عليك..اما نسمي ولدي توهامي بش بريستيجو يطيح...اا ملا نلعبو....بفف ام .. .اه اكا ضحكه يامي..اما خرااا والله
تحكي وحدها و حست ايد حاوطت كرشها بقت مصدومه و التصويره طاحت..عدات ايدها بربثه علا شعرها...
-اا ..اا..ج..جيت شنفيقك معاش وقت
قربلها علخر لسقها ليه
-مم فيبالك انا اقرب احلا بياسر
-من ..من وقتاش انتا تسمع
-من يعطيه عزا محلاه .
-ابعد ابعد يا ساقط
بعد و هوا يضحك كتف ايدو و ضيق عويناتت و عوج فمو
-مم في بيتي راهو..انتي جيتني وحدك
-اي خاطر احمد عده جا
هيا قالت اسمو و هوا ترخف و دم طلعله لراسه
-مم باه اخرج تو نهبط لسي طبالتك
شدة ضحكتها و خرجت و هيا شايخه عليه كيفاه غاير علاها
قاعده دق الباب مشت هيا حلت سلمت عليه و دخللتو لصاله تشوف فيه هابط وهرتو و برفانتو..
-عندي لحق كيف حبيتو
احمد:شنو؟
-اا نقصد عندي لحق ماكلة تا سالمه حبيتها ..ريحتها تهبل
-اا اي
وصل بيرم سلم عليه و قعد و هوا يقحرلو و يقلب فيه يتمنى يلقا فيه غلطه..يهز و يحط ..قعدو علا الطاوله و هوا اي حركه يعملها بيرم يثبت في تفصيلتها..اما شي طفل باين يعشق تواليب تي كانها بنتو و المحيرو تواليب تتعامل معاه بحنيه..صحيح بش يجيه احساس الغيره اما هيا اقتنعت بغيرو؟
بالحق نساتو و قلبها دق لانسان اخر؟