وجيعة و حب💔باللهجة التونسية👑

الحلقة 11❤

تعاداو ايامات بيرم اقنع روحو انها نساته و نست حبه..رجع لعادته شراب و بار و نسا ليله في دار و 10 لا ... .يحمل في روحه ذنب ..الامل لكان عنده تقطع خاطه انو تحدد دات الخطبه الاسبوع جاي..كل مرا ترقد معاه يشوف فاها تواليب..عينو ك دجي في عينها تتحسر دمعه..بيرم معروف بقلبو لحجر عشقتو هداتو.حبو ليها عماها.  يمكن يخلص في الوجيعه الي ذاقتها..اما زادا هوا معندوش ذنب هوا ضحيه كيفها كيفو لمرا الفلوس عماتلها عينها...

تواليب متبعدش ياسر عليه..هيا بيدها مش مصدقه انو خطبتها الاسبوع جاي...اقتنعت او قاعده تقنع في روحها انو بيرم حكايه ووفات ..ماضي و تتطوا ..كانت تقول غيابو لفترات طوال بش يعاونها تنساها اما متلقا كان روحها في بيتو دور بين حوايجو و تتبسم .تشوفو مره في اسبوع وتتمنا متشوفوش هكاكا..عينيه المعبيه وجيعه ...القهر و والذل الي فيهم تشوف في دمعه الي فيهم..تموت من داخل اكثر واكثر تتحب تحملو اما تحس ايدها معقده...تتعدا و هيا يغصتها..
قص علا سرحتها تلفون ..
-الو..ع..عزيزي
-اهلا حبيبي شتعمل
-قاعده نختار في روب
-مم مازالو 3 ايام و توالي حاجه خاصه
حسبت روحها تضحك في تلفون اما وقتها دمعتها هبطت دمعه تحرق و توجع ..
-اي..
سكرت التلفون و غمت راسها علا المخده تبكي بالشهقه صاحت صيحه قويه تحب ترتاح من الي هزاتو داخلها..تحاول و تغصب علا روحها بش تحب احمدد زين و تربيه و رجوليه و بنفوذ...اما مش كيف بيرم..بيرم عمرو مكان كيفو حد بيرم حاجه سبيسيال... ..قلبها خطار بيرم .حاولت تسسامحو قلبها علا شوفتو يزيد في دق اما عقلها يقلها لا ..كيف منجم يخليك مره ينجم يخليك الف مره بعدها ...مش عارفه شكون تبع. .
غسلت وجها لبست بيجاما نتاعها و هبطت هابطه في دروج تشوف فيه داخل ..تبسمت بش متبينش تعدات من بحذاه
-سلام
وكملت ثنيتها
-عسلامه عروستنا
دموعها تلمت اما قوات روحها و تبسمت
دارتله تهرب في عينها بش ميتفضحوش
-عي..عيشك
-بش دجي احلا عروسه..يا..ا..اخ..اختي
كلمه اختي خرجت بغصه و تحطت كيف الملح علا الجرح علا قلبها ..تبسمت و هزت عينها و تبسمت و دمعتها هبطت
قربلها مسحلها...عينو زاده معبيه دموع
-اششش دموعك لا..يعملك حاجه ط** قلي. نفرتكو من بعضو
ضحك بالقوي و هيا سرحت معاه
-ماك تعرفني فصاله و كلوشار ضرب😂
ترشقت بالضحك و نقزت تعنكشت فيه ..دفء لعندو لتحس بيه بعمرها مشافاتو عند غيرو راحه لتحسها ك تقربلو غير ناس الكل هوا تصدم باعد حاوط ايده علا ضهرها و غرس راسو في كتفها ❤
-يمكن هذي اخر تعنيقه
بعدت عليه هبطت راسها و تعدت