سكنت قلبي دون استئذان .كانت بعيدة عن عالمي فجأة ضهرت امامي فلقيت نفسي مجنون بحبها .
قصه من نسج الخيال تتكلم عن عشك اهل الجنوب وخاصه اذا كان العاشقين في نفس العالم
تابعونا وان شاء الله تعجبكم القصه
بقلمي
لحن الحياةة......تحياتي للجميع
اهلااا وهذا البارت لعيونكم عشگت بنت عمي 💝💝 بارت١٢&&% الكاتبة لحن الحياة...... واخيررراا شفتچ .شگد ما اعاين بيچ ما اشبع منج انتي الهوا الاتنفسه انتي كلشي بحياتي ..والله اليحاول ياخذچ مني اموته واحسب الله ما خلقه .انهى عليچ ولو اخذچ انه..لوو متصيرين الغيري الا على جثتي ...صعدن مرت عمي وعهود ..حركت السيارة ومشيت ... عهود:-الطريق كله واني احس روحي ضايعه..وما اريد ارجع للبيت .تعلقت ببيت فاضل ههههه عمي فاضل و ما توقعت هالكثر رح اتعلق بيهم وخصوصاا جاسمم ..احس بشي غريب من يكون هو موجود...ربي لتخليني اتعلق بحاجة موو الي .....ربي انت تعرفني اني مو من النوع الياخذ شي مو اله .فلا تخلي گلبي يتعلق باي شخص وتاليهاا اتندم .وينكسر گلبي .وارزقني القسمه الزينه.يااااا رب..وصلنه البيت وجاسم سلم على اهلي وراح ...اجيت تعبانه فد مرة .دخلت الغرفتي .شمرت العباءة وغيرت ملابسي وشمرت روحي عالفراش .ونمت ......گعدت ساعه ١٠ .رحت للمطبخ لگيت بنين جاية .سألتها على جواد گالت بالمضيف يم جده.....رحت للمضيف لگيته گاعد بحضن ابوي .اخذته وحضنته وبوسته ..بعد روحي اموت علي ..ولك ياخبيث شلون تصعد عالدرج وشگيت راسك ..موتتني من الخوف حسبالي صار بيك شي ...لا سمح الله :-عمه البالحه ودعت من فود الدلج وتال بيا اوووا (عمه البارحه وضعت من فود الدرج وصار بيت اوووا) :-يبعد عمتك يروحي امشي ناكل اني وياك . :-يلا .امتي(امشي) :-سويت بيض عيون وگعدنه ناكل اني ووو هذا الخبيث 👇👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
:-عمه ثوي بعت ما تبعت(سوي بعد ما شبعت) ':-ابو كرشش ما شبعت.....گمت سويت بعد وخلصت ورحت نضفت المضيف والصاله .ولل١٢اذن رحت توضيت وصليت ...بعد ما خلصت لگيت بنين تصب بالاكل .اخذت وديته للصاله ...وخليت الجاي عالنار .وگعدت اكلت . عمار:-عهوود جيبي مي :-صار خويه من عيوني :-تسلم عينج :-اتفضل ... :-شربت مي وخلصت ....اگول عهوود شو صايره هادئه غير عوايدچ :-ليش شنو قصدك اني لغوية هاااا احچي :-لا عمي چذب توهمت حسبالي صرتي هادئه .اثاري بعدچ خبلة .. :-يوو عمار كافي مترتاح اذا متضوجني :-والله يا حبيبتي يعجبني من اخبث عليچ يصير عندي راحت نفسية ابو ظافر:-يعني حضرتك ترتاح على ضوجة اختك . :-هاي شبيك بويه اشاقه وياها هي تزعل بسرعه :-اهااا اويلي منك متگعد راحه ابد :-ههههههه عهود؛-😝😝عيبت علي .وگمت اشوف الچاي ..لزم لحيته ويگلي بسيطه بعيني .اذا ما اگص السانچ :-هههههههههاي نشوووف ورا شويه .حضرت الكوابه مال الچاي ..واجاني عمارر :-لگفتچ .شلوون تطلعين السانچ عليه. :-لا فدوة والله اصيح بابا عليك . :-هههههههههاي خبلة .ما ادري بيج جبانه .ضربتها كف خفيف على وجهها ....النوب اذا تعيديها .اكسرچ :-بعد ما اعيدهاا صدگني ..... :-هههههه خبلة متعقلين طول عمرچ :-الحمد لله .نجيت بإعجوبه ..... ومر هذا الاسبوع اعتيادي مثل كل يوم ......الى ان بيوم گال ابوي اليوم راح يجوون علينه ضيووف سووا عشاا زين واحنه مثل ما گال بابا سوينه اشكال والوان من الاكل ......والعصر اجوا الضيووف .زلم ونسوان من اقارب جدي زوج بيبي (عمة بابا)يمكن ولد اخو زلم كبار بگد ابوي يطلعون بال٦زلم ووياهم خمس نسوان اني گلبي لچمني من هاي جيتهم .اول تالي يجوون علينه هيج جية .كلش خفت من جيتهم .الله اليستر.
بالمضيف...... الزلم:-الله بالخير. ابو ظافر والولد:-الله بالخير والعافيه :-اعذرنه ابو ظافر .احنه هو اي مگصرين وياك لا انمر عليكم لا نتفگدكم و حقك عالعين والراس :-ما بيكم گصور .تسلم ... :-واحنه اليوم جايين عليك طالبين لا تردنه خايبين . :-ما عاش اليردك... :-خوية احنه طالبين ايد بنتك الابني مؤمل على سنة الله ورسوله . :-على راسي .وان شاء الله ميكون خاطرك الا طيب بس انطونه مهله ونرجعلكم الخبر لازم نشاور عمامها وخوالها . :-اي خويه حگك .
نرجع للصاله..... ام مؤمل:-يمه من فدوة الطولچ .شنو هالجمال والاناقه .عيني باردة عليچ .تعالي بنتي تعالي هنا خل اشوفچ زين :-بقيت محتارة هاي شبيها ههههه .رحت گعدت يمهاا .وامي گاعدة من الجهه الثانيه يم هاي المرة ..... :-شلونچ ام ظافر .صحتكم . :-والله بخير الحمد لله .انت و شلونكم البنات الويلاد ...... :-بخير .صدگ رحتووا على بيت الشيخ ذاك اليوم . :-اي رحنه يسلمون عليكم :-الله يسلمهم .شلون ام جابر :-والله زوينه .. عهود:-بين النسوان وياا اني يسولفن .واني عقلي سرح .المكان بعيييد .....ااااااه
لكن ياترى هل سأنسى هذا المكان®® هل سأتهنى بدونه ®®هل سيرتاح قلبي .وانا بعيده عنه ...®® ااااه يا قلبي ستبدأ مأساتي من الااااااااان ........يتبع
توقعاتكم للبارت القادم واسفه ما گدرت اكتب اكثر لان راسي اسم الله عليكم موتني ...وهذا البارت كتبته لعيونكم.فوديتكككككككم بااااي الكاتبة لحن الحياة..... عشگت بنت عمي💝💝
