اغتصبني ضابط

واخيرا قالها😍

البارت السادس 💫
ملاك / وراء ماحجيت وياه حيدر والله ولد حباب حجيت شويه وعفته صراحه اخجل احجي وياه لان اول مرة احجي وياه ولد لذالك انحرج احجي وياه وارتبك مااعرف احجي وياه المهم راحت نمت كعدت جسمي يوجعني كمت غسلت وصليت وبدلت ونزلت
ملاك/ صباح الخير يمه
زينب / صباح نور حبيبتي تعالي اكلي قبل لا اطلعين
ملاك/ لا يمه مستعجله اروح اطلع
زينب/ الله وياج حبيبتي
ملاك/ طلعت امشي مثل العادة اكو ولد يتحارشون بيه 😒 بس اني اسكت وامشي هم يظلون يشمرون حجي منا لمن اوصل لمدرسه
المهم وصلت طبيت لصفي
ملاك/ السلام عليكم جميعا
/ وعليكم السلام ملوكه
ملاك / طبعا بنات الصف كلهن حبابات وصار عندي صديقات كومه طبعا فرحانه لان اني ماعندي واحدة احجي وياها وخاصه اني ماعندي اخت انطيها اسراري احجي وياها مرات هواي اضوج من اشوف دعاء تحجي😢😢😢 وياه اختها واسولفلها كلش مرات اعاتب امي لان ماعندي اخت وهي عليه تكلي الله مارزقني بعدج المهم اجتي المدرسه ولتهينا بالدرس وطبعا بس اني البارزه بينهن الدرس كله عليه والمدرسه تمدح بيه واني فرحت حيل الحمدالله دك الجرس وطلعت وياه البنات لساحه المدرسه خلي اعرفكم على صديقاتي القرب اليه
ساره كلش حبابه بس مثقفه لشكل حتى حجيها حلو مثل المذيعات هي طويله وحنطاويه شعرها قصير اسود يخبل وعيونها وسط
والثانيه اسراء هي الضلع مال ساره صداقتهن من الطفوله وعلاقتهن كلش قويه هي حبابه وكلش صريحه بيضه عيونها صغار وقصيرة
ميس طبعا تعرفوها
وازل هي لطيفه بس شويه تغار مني ماادري ليش
المهم رحنا كعدنا نهايه الساحه نحجي وناكل وهن يسولفن دك الجرس طبينا لمختبر الكيمياء شرحنا ومشى اليوم بسرعه بس تعبت هواي رجعت وياه ميس لان بيتهم قريب علينا ظلينا نحجي منا لمن وصلنا لبيت طبيت لكيت بس امي موجوده
ملاك/ السلام عليكم
زينب/ هلا ملوكه شلونج حبيبتي
ملاك/ الحمدالله يمه انتي شلونج
زينب/ الحمدالله روح غسلي حتى اصبلج غداء
ملاك/ لا يمه اكلت بالمدرسه مااريد بس اريد انام نعسانه هواي اروح انام واكعد اقرء عندي هواي واجيات
زينب/ لعد ماطلعين وياي العصر اشتريلج ملابس
ملاك/ ليش شكو
زينب/ غير حفله الخطوبه مال اخوج حسين
ملاك/ يااا على الخير يمت
زينب/ والله مطفيه ماتدري غير باجر
ملاك/ شمدريني يمه انتي روحي اشتريلي على ذوقج لان ذوقج كلش حلو يله اروح انام
زينب/ روحي نام
ملاك.. راحت غسلت لبست شي خفيف انام بيه سمعت اجتلي رساله راحت شفتها من حيدر كعدنا نحجي هواي سولفلي على اهله وعلى سمر حبيبته السابقه خطيه كسر خاطري واني هم هواي سولفتله عن اهلي وعن وضعي مادري شلون ارتاحتله بسرعه وسولفته كلش لان اجوز مبين حباب ظلينا نحجي ماحسيت غير امي اصحلي شفت الساعه بال٥ مساء يممممه شبسرعه والله ماحسيت على الوكت وميت نعاس 😭 نزلت شفت امي لبسه عبايتها
زينب/ ملاك يمه امشي وياي اني اختاري اني مااعرف ذوقج
ملاك/ والله تعبانه يمه 😭
زينب/ انجبي هستوج كعتي من النوم
ملاك/ لا يمت مانمت
زينب/ لعد شنو جنتي اسوين
ملاك/ ها ها مو مو اتمددت بس مااجالي النوم
زينب/ ها يله بدلي خلي نطلع تر والله ماشتريلج شي
ملاك/ اففففففف اوك هس اجي غسلت وجهي طبعا ماحط مكياج لان اهلي مايقبلون طلعت جبتي لبستها وعدلت نفسي👇